jueves, 9 de mayo de 2019

PREMIOS Á EXCELENCIA DA CALIDADE HIXIÉNICO-SANITARIA DE PRODUTORES DE LEITE CRU DE VACA DE GALICIA

CONSELLERÍA DO MEDIO RURAL


Convocatoria
1. A presente orde ten por obxecto convocar para o ano 2019 os premios á excelencia da calidade hixiénico-sanitaria de produtores de leite cru de vaca de Galicia nas condicións establecidas pola Orde do 22 de agosto de 2017 pola que se establecen as bases que regulan a concesión dos premios á excelencia da calidade hixiénico-sanitaria de produtores de leite cru de vaca de Galicia e se convocan para o ano 2017.
2. A presente orde publicarase no Diario Oficial de Galicia e na páxina web oficial da Consellería do Medio Rural.

Beneficiarios
Poderán optar a estes premios todas as explotacións leiteiras de gando vacún de Galicia que realizan os seus autocontrois de calidade no Laboratorio Interprofesional Galego de Análise do Leite (LIGAL) de tal xeito que consten na base de datos deste laboratorio os resultados das mostras de leite correspondentes ao período de referencia.
Xurado responsable da concesión dos premios
O xurado responsable da concesión dos premios estará constituído: en representación da Consellería do Medio Rural, polo director xeral de Gandaría, Agricultura e Industrias Agroalimentarias e o subdirector xeral de Gandaría; e en representación do LIGAL, polas persoas directora xerente e presidente da Xunta Directiva.

Disposición adicional única. Réxime supletorio
No non previsto nesta orden, será de aplicación o disposto na Orde do 22 de agosto de 2017 pola que se establecen as bases que regulan a concesión dos premios á excelencia da calidade hixiénico-sanitaria de produtores de leite cru de vaca de Galicia e se convocan para o ano 2017.

Disposición derradeira única. Comenzo dos efectos
A presente orde producirá efectos o día seguinte ao da súa publicación no Diario oficial de Galicia.