ESGOTAMENTO DO CRÉDITO 3ª CONVOCATORIA SUBVENCIÓNS PARA ACCIÓNS FORMATIVAS DO SISTEMA DE FORMACIÓN PROFESIONAL DOS GRAOS A,B,C E COMPETENCIAS CLAVE, PERSOAS TRABALLADORAS OCUPADAS, 2026

 Consellería de Emprego, Comercio e Emigración

RESOLUCIÓN do 15 de abril de 2026, da Dirección Xeral de Formación e Cualificación para o Emprego, pola que se redistribúen os créditos orzamentarios e se dá publicidade ao esgotamento do crédito da Orde do 23 de decembro de 2025 pola que se procede á terceira convocatoria de subvencións, en réxime de concorrencia non competitiva, para o financiamento de accións formativas do Sistema de formación profesional dos graos A, B e C, e competencias clave, para persoas traballadoras ocupadas, para o exercicio 2026 (código de procedemento TR301X) (Diario Oficial de Galicia número 12, do 20 de xaneiro).

INNOVACIÓN E ECONOMÍA CIRCULAR NO SECTOR AGROALIMENTARIO DE GALICIA: OPORTUNIDADES A PARTIR DE SUBPRODUTOS

 

📢  Comeza a inscrición!

♻️ Cantas alternativas coñeces para aproveitar os refugallos dunha explotación ?

🎓 O 30 de abril de 2026 celebramos a xornada “Innovación e economía circular no sector agroalimentario galego: oportunidades a partir de subprodutos”

Da man de especialistas en sostibilidade, tratará a valorización de subproductos e residuos como fonte de novas oportunidades de negocio e diversificación produtiva:

💰 Oficina de Economía Circular

🌱 Proxecto GRAPPA: valorización de subprodutos agroalimentarios en Galicia

🩸 Proxecto Blood4Goods: aproveitamento de subprodutos da industria cárnica

🥛 Proxecto CAC: economía circular en cooperativas do sector lácteo

🗑️ Compostaxe con desperdicios alimentarios

🚜Proposta dun modelo circular na xestión de xurros

📆  Xoves 30/04/2026

🕒 De 09:30 a 14:30

🖥️  Online

💶 Inscrición gratuíta

✍️ Reserva a túa praza aquí: https://us06web.zoom.us/meeting/register/Y5eUbefSTzi0t3bT47V4jg#/registration

👥 De especial interese para persoas socias e cargos directivos ou consellos reitores de cooperativas agroalimentarias.

📞  Máis información: 981 58 47 83 (Demetrio Bedriñana) 

O BOLSAS DE MOBILIDADE PARA ESTUDANTES DE GRAO E MÁSTER UNIVERSITARIO PARA PROXECTOS DE COOPERACIÓN AO DESENVOLVEMENTO NO CURSO 2025/26

 Universidade de Vigo

EXTRACTO da Resolución do 14 de abril de 2026 pola que se convocan bolsas de mobilidade para estudantes de grao e máster universitario para participar en proxectos e accións de cooperación ao desenvolvemento no curso 2025/26.

Obxecto

O obxecto desta convocatoria é definir e poñer en marcha unha política integrada de responsabilidade social que englobe a cooperación internacional, o voluntariado, a igualdade, a sustentabilidade e a atención á diversidade, a través dunha estadía vinculada a un axente de cooperación no marco dun proxecto ou acción de cooperación dun país dos sinalados na convocatoria, e que o traballo que desenvolva sexa validado no marco de traballos de fin de carreira, prácticas ou traballos recoñecidos no marco da materia.

Persoas beneficiarias

Estudantes de grao e máster universitario que participen en proxectos e accións de cooperación ao desenvolvemento

Contía

A contía total do crédito destinado a estas axudas será de tres mil euros (3.000 €).

Prazo de presentación de solicitudes

Desde o 15 de abril ata o 11 de maio de 2026.

PROGRAMA INFRAESTRUTURAS COLABORATIVAS DE APOIO INDUSTRIAL ANOS 2026-2029

 Instituto Galego de Promoción Económica

RESOLUCIÓN do 7 de abril de 2026 pola que se lle dá publicidade ao acordo do Consello de Dirección que aproba as bases reguladoras das axudas ao investimento para infraestruturas locais (Programa infraestruturas colaborativas de apoio industrial), cofinanciadas pola Unión Europea no marco do programa Galicia Feder 2021-2027, e se procede á súa convocatoria para os anos 2026-2027-2028-2029 en réxime de concorrencia competitiva (código de procedemento IG408C).

Obxecto

As axudas concédense en réxime de concorrencia competitiva e teñen por obxecto apoiar a posta en marcha de proxectos de infraestruturas locais de uso compartido que teñan como finalidade o desenvolvemento do contorno das empresas e das persoas consumidoras, e a modernización e o desenvolvemento da base industrial, co fin de mellorar a súa competitividade.

Persoas beneficiarias

As pequenas e medianas empresas (pemes), segundo a definición establecida pola Comisión Europea no anexo I do Regulamento (UE) nº 651/2014, que adopten a forma xurídica de sociedade limitada ou sociedade anónima, preexistentes ou que se constitúan especificamente para a explotación da infraestrutura proposta.

Ademais, deberán cumprir os seguintes requisitos:

a) Que proxecten levar a cabo un investimento nunha infraestrutura subvencionable en Galicia.

b) Que acheguen para o proxecto de infraestrutura unha contribución financeira exenta de calquera tipo de apoio público de, polo menos, un 20 % dos investimentos subvencionables, xa sexa mediante recursos propios ou mediante financiamento externo.

c) Que teñan o seu domicilio social, fiscal e/ou un centro de traballo en Galicia. O centro de traballo poderá ser a propia infraestrutura que se vai crear.

Co fin de facilitar o acceso á axuda, permitirase que a persoa beneficiaria se poida constituír tras a presentación da solicitude de axuda, antes da resolución de concesión.

Prazo de presentación de solicitudes

O prazo de presentación de solicitudes será de dous meses, contados desde as 9.00 horas do día seguinte ao da publicación da resolución de convocatoria no Diario Oficial de Galicia e ata as 14.00 horas do día en que se cumpra o dito prazo de dous meses.

MODIFICACIÓN.- APLICACIÓN DOS PAGAMENTOS DIRECTOS Á AGRICULTURA E Á GANDARÍA E DAS AXUDAS AO DESENVOLVEMENTO RURAL SUXEITAS AO SISTEMA INTEGRADO DE XESTIÓN E CONTROL

 Consellería do Medio Rural

ORDE do 15 de abril de 2026 pola que se modifica a Orde do 13 de febreiro de 2026 pola que se regula a aplicación dos pagamentos directos á agricultura e á gandaría e das axudas ao desenvolvemento rural suxeitas ao Sistema integrado de xestión e control (códigos de procedemento MR250A, MR239G, MR239K, MR239O, MR239Q, MR240D, MR241C e MR241D).

AXUDAS A CEE CO FIN DE PROMOVER A INTEGRACIÓN LABORAL DAS PERSOAS CON DISCAPACIDADE 2026

 Consellería de Emprego, Comercio e Emigración

ORDE do 13 de abril de 2026 pola que se establecen as bases reguladoras das axudas a centros especiais de emprego co fin de promover a integración laboral das persoas con discapacidade, e se procede á súa convocatoria para o ano 2026 (códigos de procedemento TR341K, TR342D e TR341M).

Obxecto

Esta orde ten por obxecto establecer as bases reguladoras das subvencións aos centros especiais de emprego (CEE), mediante axudas aos ditos CEE consonte cos seguintes programas:

a) Programa I: unidades de apoio á actividade profesional (código de procedemento TR341K).

b) Programa II: creación de postos de traballo estables para persoas con discapacidade, adaptación de postos e asistencia técnica (código de procedemento TR342D).

c) Programa III: custo salarial das persoas con discapacidade (código de procedemento TR341M).

Mediante a presente orde, procédese á convocatoria das referidas axudas para o ano 2026.

As axudas establecidas nesta orde teñen como fin de utilidade pública garantir a empregabilidade das persoas con discapacidade.

Entidades beneficiarias

Poderán ser beneficiarios das subvencións reguladas nesta orde os CEE que, na data da solicitude da subvención, figuren rexistrados como tales no Rexistro Administrativo de Centros Especiais de Emprego de Galicia, de acordo co disposto no Decreto 200/2005, do 7 de xullo, polo que se regula a autorización administrativa e a inscrición no Rexistro Administrativo de Centros Especiais de Emprego de Galicia, e a súa organización e funcionamento, sempre que cumpran as condicións e os requisitos establecidos para cada tipo de axuda nesta orde.

Igualmente, os centros de traballo para os cales se solicite subvención deberán contar coa autorización administrativa prevista no artigo 7 do dito decreto. Para os efectos desta subvención, admitiranse os centros de traballo que presentasen a solicitude ao rexistro competente para outorgar a autorización administrativa.

En todo caso, para o pagamento das axudas será necesario acreditar a dita cualificación e a inscrición da entidade e dos centros de traballo no Rexistro de Centros Especiais de Emprego da Comunidade Autónoma de Galicia, así como a condición de CEE de iniciativa social cando cumpra.

A integración laboral por medio de centros especiais de emprego vai dirixida a persoas desempregadas ou ocupadas que teñan un grao de discapacidade recoñecido superior ou igual ao 33 %, que teñan un contrato laboral co CEE ou que sexan persoas socias traballadoras, no caso de que o CEE sexa unha cooperativa, e que desempeñen o seu posto de traballo na Comunidade Autónoma de Galicia.

No Programa I (Procedemento TR341K) as persoas destinatarias finais son as persoas con discapacidade con especiais dificultades para a súa inserción sociolaboral, tal e como se definen no artigo 3.2.

Prazo de presentación de solicitudes

O prazo de presentación de solicitudes será dun (1) mes, contado desde o oitavo día hábil ao da súa publicación no DOG, ás 9.00 horas ata o día do fin de prazo ás 20.00 horas.

Procedemento de concesión e período subvencionable

O procedemento de concesión das subvencións realizarase en réxime de concorrencia non competitiva.

O período subvencionable comprenderá desde o 1 de outubro de 2025 ata o 30 de setembro de 2026.

PREMIOS RSE GALICIA 2026

 Consellería de Emprego, Comercio e Emigración

ORDE do 6 de abril de 2026 pola que se aproban as bases reguladoras e se convocan os Premios de Responsabilidade Social Empresarial de Galicia 2026 (Premios RSE Galicia 2026) (código de procedemento TR320A).

Obxecto

Aprobar as bases reguladoras e convocar os Premios de Responsabilidade Social Empresarial de Galicia (Premios RSE Galicia) (código de procedemento TR320A).

Entidades candidatas

Poderán optar aos Premios de Responsabilidade Social Empresarial de Galicia todo tipo de empresas, públicas ou privadas, galegas ou que conten con sede ou con centros de traballo en Galicia, caso en que a información deberá referirse ás actuacións da dita sede ou centro.

Exclúense as empresas con sancións firmes de carácter grave ou moi grave nos últimos tres anos no ámbito laboral, social ou ambiental.Tipoloxía dos premios

Os recoñecementos dos Premios Responsabilidade Social Empresarial de Galicia son de dous tipos:

1. Premio á Responsabilidade Social Empresarial, no cal haberá 3 categorías, pequena, mediana e grande empresa, e

2. Mención á Conciliación, que non ten categorías.

Categorías

O Premio á Responsabilidade Social Empresarial, en función do tipo de empresa, contará con tres categorías:

Categoría a) Pequena empresa: para empresas que ocupen ata 49 persoas traballadoras.

Categoría b) Mediana empresa: para empresas que ocupen 50 e ata 249 persoas traballadoras.

Categoría c) Grande empresa: para empresas que ocupen 250 ou máis persoas traballadoras.

Prazo de presentación das candidaturas

O prazo para a presentación das candidaturas será de dous meses contado a partir do día seguinte ao da publicación desta orde no Diario Oficial de Galicia.

A presentación de candidaturas ou, de ser o caso, a súa posterior aceptación, implica o sometemento ao establecido nesta convocatoria.

Todos os requisitos exixidos ás entidades solicitantes se entenderán cumpridos na data de finalización do prazo de presentación de candidaturas.