UNIVERSIDADE DE SANTIAGO DE COMPOSTELA
martes, 31 de mayo de 2022
lunes, 30 de mayo de 2022
SUBVENCIÓNS ÁS AXENCIAS DE VIAXE 2022
AXENCIA TURISMO DE GALICIA
Obxecto e réxime
1. As subvencións reguladas por estas bases teñen por obxecto contribuír ao desenvolvemento da normal actividade das axencias de viaxe para o ano 2022.
2. O procedemento de concesión destas subvencións tramitarase en réxime de concorrencia non competitiva.
Persoas beneficiarias
1. Poderán ser beneficiarias das subvencións as axencias de viaxes, entendendo por tales as empresas turísticas descritas no artigo 83 da Lei 7/2011, do 27 de outubro, do turismo de Galicia, tanto na súa categoría de grosistas, retallistas e grosistas-retallistas, que teñan un centro de traballo na Comunidade Autónoma de Galicia.
2. As entidades solicitantes deberán estar inscritas no Rexistro de Empresas e Actividades Turísticas da Xunta de Galicia (en adiante, REAT), con base nos artigos 50 e 51 da Lei 7/2011, do 27 de outubro, do turismo de Galicia.
Prazo de presentación de solicitudes
O prazo de presentación de solicitudes será dun mes contado a partir do día seguinte ao da publicación desta resolución no Diario Oficial de Galicia. Entenderase como último día do prazo o correspondente ao mesmo ordinal do día da publicación.
Se o último día de prazo é inhábil, entenderase prorrogado ao primeiro día hábil seguinte e, se no mes do vencemento non hai día equivalente ao inicial do cómputo, entenderase que o prazo expira o último do mes.
Prazo de xustificación da subvención
A entrega da documentación xustificativa terá de prazo ata o 15 de novembro de 2022.
MODIFICACIÓN.- BASES REGULADORAS PARA AS ACCIÓNS FORMATIVAS DO PLAN FORMATIVO PARA O EMPREGO EXERCICIOS 2022 E 2023
CONSELLERÍA DE EMPREGO E IGUALDADE
Obxecto e ámbito de aplicación
Esta orde ten por obxecto proceder, no ámbito da Comunidade Autónoma de Galicia, á modificación parcial da Orde do 16 de abril de 2021 pola que se establecen as bases reguladoras para as accións formativas do Plan formativo para o emprego (persoas traballadoras desempregadas) da Comunidade Autónoma de Galicia para o período 2021-2023, e a segunda convocatoria de subvencións para o financiamento das accións formativas do Plan formativo para o emprego (persoas traballadoras desempregadas) da Comunidade Autónoma de Galicia para os exercicios 2022 e 2023 (código de procedemento TR301K).
Entidades beneficiarias
Poderán ser beneficiarias das subvencións a que se refire esta orde as entidades que, na data de entrada en vigor da segunda convocatoria, sexan titulares de centros ou entidades de formación acreditados e/ou inscritos para impartiren formación profesional para o emprego no ámbito laboral da Comunidade Autónoma de Galicia naquelas especialidades formativas conducentes á obtención de certificados de profesionalidade ou naquelas competencias clave para as que soliciten subvención, xa sexa na modalidade presencial, de teleformación ou mixta.
As entidades deberán dispor, no ámbito territorial de Galicia, das instalacións debidamente acreditadas e/ou inscritas que permitan impartir as accións formativas solicitadas.
Así mesmo, os centros presenciais vinculados a entidades acreditadas e/ou inscritas para impartir especialidades formativas na modalidade de teleformación deberán estar homologados na correspondente especialidade na data de entrada en vigor da convocatoria e localizados na Comunidade Autónoma de Galicia.
Accións formativas
As accións formativas estarán constituídas polas especialidades formativas do Catálogo de especialidades formativas, no marco do Sistema de formación profesional para o emprego no ámbito laboral, relacionadas no anexo II da orde pola que se realiza a segunda convocatoria, e polos módulos transversais e complementarios recollidos no artigo 36 da Orde de bases reguladoras do 16 de abril de 2021.
Prazo de presentación de solicitudes
O prazo de presentación de solicitudes será dun mes, contado desde o día seguinte ao da publicación desta orde no Diario Oficial de Galicia.
Forma e lugar de presentación das solicitudes e documentación complementaria
As solicitudes presentaranse obrigatoriamente por medios electrónicos a través do formulario electrónico normalizado dispoñible na aplicación SIFO, accesible a través da sede electrónica da Xunta de Galicia no enderezo https://sede.xunta.gal ou no enderezo directo https://emprego.xunta.es/sifo-solicitudes
Execución da primeira convocatoria
As accións formativas correspondentes á segunda convocatoria non poderán comezar antes do 1 de setembro de 2022, polo que non se admitirá ningunha solicitude en que se consignen datas anteriores.
A data límite para o remate das accións formativas que se desenvolvan exclusivamente durante a anualidade 2022 será o 20 de decembro de 2022.
Para cursos que se desenvolvan durante as anualidades 2022 e 2023 ou exclusivamente durante a anualidade 2023, a data límite para o remate das accións formativas será o 30 de setembro de 2023.
En calquera caso, o inicio das accións formativas requirirá a validación previa, a través da aplicación informática SIFO, do cumprimento de requisitos e condicións, por parte de persoal técnico da unidade administrativa competente.
PREMIOS EXTRAORDINARIOS DE EDUCACIÓN SECUNDARIA OBRIGATORIA AO RENDEMENTO ACADÉMICO 2021-2022
CONSELLERÍA DE CULTURA, EDUCACIÓN, FORMACIÓN PROFESIONAL E UNIVERSIDADES
Obxecto
Convocar, na Comunidade Autónoma de Galicia, os premios extraordinarios de educación secundaria obrigatoria ao rendemento académico (código de procedemento ED311D) correspondentes ao curso 2021/22. Esta convocatoria, en réxime de concorrencia competitiva, está dirixida ao alumnado que destacase polo seu rendemento académico na etapa de educación secundaria obrigatoria.
Persoas beneficiarias
Alumnado que cursase durante o ano académico 2021/22 cuarto curso de educación secundaria obrigatoria no réxime ordinario en calquera dos centros da Comunidade Autónoma de Galicia, que estea proposto polo equipo docente para a expedición do título de graduado en educación secundaria e obtivese no conxunto dos catro cursos de educación secundaria obrigatoria unha nota media igual ou superior a 9,00 puntos.
Prazo de presentación de solicitudes
O prazo de presentación de solicitudes será dun mes; comezará o día 31 de maio de 2022 e rematará o día 30 de xuño de 2022.
AXUDAS A ESCOLAS DE MÚSICA PRIVADAS
CONSELLERÍA DE CULTURA, EDUCACIÓN E UNIVERSIDADE
Obxecto
Convocar, en réxime de concorrencia competitiva, axudas destinadas a subvencionar o funcionamento de escolas de música dependentes de asociacións ou fundacións sen ánimo de lucro que teñan entre os seus obxectivos a formación en ensinanzas de música que non conduzan a títulos académicos ou profesionais.
Requisitos
1. Poderán solicitar estas axudas os titulares das entidades sinaladas no punto anterior que conten coa correspondente autorización da Consellería de Cultura, Educación e Universidade.
2. Estes centros deberán estar radicados na Comunidade Autónoma de Galicia e as axudas destinaranse ao desenvolvemento das súas actividades docentes desde o 1 de xaneiro ata o 30 de setembro de 2022.
Prazo de presentación de solicitudes
Un mes desde o día seguinte ao da publicación da convocatoria no Diario Oficial de Galicia.
viernes, 27 de mayo de 2022
INFORMACIÓN XUVENIL: SEMANA DO 21 AO 27 DE MAIO
|
|
Subvencións a proxectos de
voluntariado xuvenil xuventude.xunta.es A Consellería de Política Social convoca
subvencións dirixidas a entidades de acción voluntaria e a entidades locais
enmar... |
|
|
Prazas libres no Plan de
formación de Xuventude e Voluntariado xuventude.xunta.es Aínda podes participar no Plan de formación
de Xuventude e Voluntariado. Esta iniciativa inclue un total de 37 cursos
presenciais e 20 e... |
Aínda
hai prazas nos Campos de
Voluntariado de Galicia
|
|
Intercambio en Italia e
voluntariado en Eslovenia, Italia e Ribadavia xuventude.xunta.es A oficina municipal de información xuvenil
de Ribadavia necesita 6 persoas de 18 a 22 anos para participar nun
intercambio internacional en Vit... |
|
|
xuventude.xunta.es O Ministerio de Dereitos Sociais e Axenda
2030 presenta a Estratexia de Mocidade 2030, aprobada o 17 de maio no
Consello de Ministros. A nova Estratex... |
|
|
xuventude.xunta.es O Campus 1Plante4All de voluntariado
ambiental organízao Axuda en Acción e forma parte do programa europeo
1Planet4All que promove a par... |
|
|
xuventude.xunta.es A Universidade de Santiago organiza en Lugo
o Campus de Verán XuvenCiencia O programa do Campus de Verán XuvenCiencia
céntrase na... |
|
|
Curso en Melide de Monitor/a
de actividades de tempo libre da ETL Barlovento xuventude.xunta.es A Escola de tempo libre Barlovento organiza
en Melide un curso de Monitor/a en actividades de tempo libre. Datas: do 13
de xuño ao 7 de xullo d... |
|
|
Curso en Ames de Monitor/a
de actividades de tempo libre da ETL Fesán xuventude.xunta.es A Escola de tempo libre Fesán organiza en
Ames un curso de Monitor/a de ocio e tempo libre Lugar: Escola municipal de
música de Ames en... |
|
|
Curso en Oleiros de
Monitor/a de actividades de tempo libre da ETL Abraio xuventude.xunta.es A Escola de tempo libre ETL Abraio convoca
en Oleiros un curso de Monitor/a de actividades de tempo libre Datas: do 4 de
xullo ao 1 agosto de 2022Requ... |
|
|
Curso en Oleiros de
Director/a de actividades de tempo libre xuventude.xunta.es A Escola de tempo libre ETL Abraio convoca
en Oleiros un curso de Director/a de actividades de tempo libre Datas: do 13
de outubro ao 24 de novembroRe... |
|
|
Protéxete e deféndete fronte
ao odio xuventude.xunta.es A ong Ecos do Sur organiza un curso gratuíto
por WhatsApp/Telegram “Protéxete e deféndete fronte ao odio”. Nel, apren... |
|
|
Boletín de bolsas, axudas e
subvencións xuventude.xunta.es Xa podes consultar o boletín quincenal de
bolsas, subvencións, axudas e premios... Boletín de novidades! |
|
|
Bolsas de colaboración en proxectos
de investigación do Consello da Cultura Galega xuventude.xunta.es O Consello da Cultura Galega convoca 3
bolsas de colaboración nos seus proxectos de investigación Proxecto de
investigación Unida... |
|
|
xuventude.xunta.es A Fundación SEPI convoca o seu programa de
bolsas Iniciación na Empresa, co obxectivo de posibilitar un período de formació... |
|
|
Programas integrados de
emprego para a mocidade xuventude.xunta.es A Consellería de Emprego e Igualdade convoca
subvencións para a posta en práctica de programas integrados de emprego de
Galicia.... |
|
|
Somos Moitos Tour –
Xuventude 2030 xuventude.xunta.es A asociación Ingalicia e Europe Direct -
Deputación da Coruña, levan a Cambre a feira informativa Somos Moitos Tour –
Xuven... |
|
|
Actividades en Oleiros
durante o mes de xuño xuventude.xunta.es Dende as Casas da Mocidade de Oleiros,
Portaberta e As Pedras, publican as súas actividades para o mes de xuño.
Todas as súas act... |
|
|
Premio Abrente para textos
teatrais xuventude.xunta.es O Concello de Ribadavia a través da Mostra
Internacional de Teatro (MIT) convoca a 17ª edición do Premio Abrente para
Textos Teatra... |
|
|
Certame de Relato Curto
Eugenio Carbajal xuventude.xunta.es Desde Asturias, o Concello de Mieres convoca
o Certame de Relato Curto Eugenio Carbajal. O obxectivo deste certame é
fomentar a literatura como... |
|
|
I Certame de relatos Rafael
Dieste xuventude.xunta.es O Arquivo das Trasnas, unha conta en
Instagram xurdida para difundir a literatura galega, dirixíndose
principalmente a un público mozo,... |
|
|
A mocidade ante a cámara:
Ano Europeo da Mocidade xuventude.xunta.es Europe Direct A Coruña e Europe Direct Lugo,
centros oficiais de información da Comisión Europea, convidan as persoas
residentes... |
|
|
Certame Letras Galegas 2022
Concello de Abegondo xuventude.xunta.es O Concello de Abegondo convoca o Certame
Letras Galegas 2022 Concello de Abegondo. O Certame Letras Galegas 2022
Concello de Abegondo ten as seguintes... |
http://xuventude.xunta.es/component/k2/itemlist/category/45-emprego-publico
III EDICIÓN DOS PREMIOS DE INNOVACIÓN EN SAÚDE
AXENCIA GALEGA PARA A XESTIÓN DO COÑECEMENTO EN SAÚDE
Obxecto
Establecer as bases reguladoras e convocar, en réxime de concorrencia competitiva, a terceira edición dos Premios de innovación en saúde do Sistema público de saúde de Galicia, para premiar as ideas de innovación dos profesionais sanitarios no ámbito da Consellería de Sanidade e no seu sector público no ano 2022, así como as dos pacientes e as súas asociacións. Os premios pretenden potenciar as ideas innovadoras nas cales os seus profesionais traballan, para mellorar a calidade de vida das persoas e a sustentabilidade do sistema sanitario público galego e tamén aquelas propostas por persoas físicas (pacientes, coidadores, etc.), organizacións ou asociacións de pacientes sen ánimo de lucro.
Persoas beneficiarias
1. Respecto á modalidade de idea de profesionais: persoal ao servizo do Sistema público de saúde de Galicia que desenvolva unha idea innovadora no sistema sanitario galego. As persoas físicas que presenten unha idea poden representar un equipo (máximo 4 persoas, incluído o representante).
2. Respecto á modalidade de idea de pacientes: poderán presentar a súa idea calquera persoa física (pacientes, coidadores, etc.), organización ou asociación de pacientes sen ánimo de lucro. Tamén poderán presentarse varias persoas físicas, organizacións ou asociacións de pacientes representadas por unha delas (máximo de 4, incluído o representante).
3. Non poden optar ao premio os membros do xurado ou persoas vinculadas a eles por parentesco de consanguinidade ou afinidade.
Importe
1. Os premios consistirán en:
– Modalidade de idea de profesionais: o premio consistirá na adquisición de material e pequeno equipamento inventariable, subcontratación de servizos de I+D+i ou gastos similares vinculados ás actividades da idea gañadora e/ou a asistencia a cursos de formación, a congresos relacionados coa innovación, a un centro innovador de ámbito internacional ou actividades relacionadas cun límite de 812,5 euros por persoa para aloxamento, viaxe e axudas de custo de manutención no caso de resultar gañador do segundo premio, e de 1.625 euros por persoa nos mesmos conceptos para o proxecto gañador do primeiro premio desta modalidade. A dotación económica máxima na modalidade de profesionais é de 3.250 euros para o proxecto gañador do segundo premio e 6.500 euros para a candidatura gañadora do primeiro premio.
– Modalidade idea de pacientes: o premio consistirá na adquisición de material e pequeno equipamento inventariable ou subcontratación de servizos de I+D+i vinculado ás actividades da idea gañadora e/ou formación en aspectos relacionados cos fins fundacionais da asociación ou organización sen ánimo de lucro relacionada coa saúde que o gañador desta modalidade seleccione. A dotación económica máxima na modalidade de pacientes é de 1.000 euros para o proxecto gañador do segundo premio e 2.000 euros para o gañador do primeiro premio.
2. O financiamento dos premios referidos no punto 1 anterior impútase á aplicación orzamentaria 2022.12.A1.561C.640.10 (proxecto: 201600005) dos orzamentos da Comunidade Autónoma galega para o ano 2022.
Prazo de presentación de candidaturas
O prazo de presentación de candidaturas será de dous meses contados a partir do día seguinte ao da publicación desta convocatoria no Diario Oficial de Galicia.
AXUDAS FINANCEIRAS DO PROGRAMA DE PRÉSTAMOS CUALIFICADOS PARA A REHABILITACIÓN DE EDIFICIOS E VIVENDAS ANUALIDADE 2022
INSTITUTO GALEGO DA VIVENDA E SOLO
Obxecto
Esta resolución ten por obxecto convocar para a anualidade 2022 as axudas financeiras do programa de préstamos cualificados para a rehabilitación de edificios e vivendas (código de procedemento VI406B), que poderán consistir en:
a) Préstamos cualificados para a rehabilitación de edificios e vivendas concedidos polas entidades de crédito, no ámbito dos convenios asinados para estes efectos co Instituto Galego da Vivenda e Solo (en diante, IGVS).
b) Axudas económicas directas, consistentes na subsidiación dos xuros do préstamo cualificado outorgado pola entidade financeira.
Persoas beneficiarias
1. Poderán ser beneficiarias destas axudas as persoas físicas que promovan as actuacións de rehabilitación, xa sexan propietarias ou teñan calquera outro título que acredite a posesión do inmoble, así como as persoas membros de comunidades de propietarios/as partícipes nas actuacións promovidas pola correspondente comunidade en función da súa porcentaxe de participación.
Así mesmo, as comunidades de propietarios/as poderán ser beneficiarias dos préstamos cualificados para a rehabilitación de edificios, ben que non poderán obter axudas de subsidiación dos xuros dos citados préstamos.
2. Non poderán ser beneficiarias destas axudas as persoas propietarias de locais, agás os casos en que se pretenda a súa conversión en vivenda.
3. Para acceder aos préstamos, os ingresos da unidade de convivencia da persoa solicitante non deberán superar 6,5 veces o indicador público de renda de efectos múltiples (en diante, IPREM). Esta limitación non se aplicará aos supostos de préstamos solicitados directamente polas comunidades de propietarios/as.
4. Para poder acollerse ás axudas económicas directas, os ingresos da citada unidade de convivencia non poderán ser superiores a 5,5 veces o IPREM.
5. Non poderá obter a condición de persoa beneficiaria quen incorra nalgunha das circunstancias previstas no artigo 10.2 da Lei 9/2007, do 13 de xuño, de subvencións de Galicia.
Prazo de presentación de solicitudes
O prazo de presentación de solicitudes comezará o día seguinte ao da publicación desta resolución no DOG e rematará o 1 de setembro de 2022 aínda que, respecto ás axudas económicas directas de subsidiación, rematará en todo caso no momento do esgotamento do crédito orzamentario, que será publicado no DOG mediante resolución da persoa titular da Dirección Xeral do IGVS.
MODIFICACIÓN.- REGULAMENTO DA INDICACIÓN XEOGRÁFICA PROTEXIDA MEL DE GALICIA E O SEU CONSELLO REGULADOR
CONSELLERÍA DO MEDIO RURAL