INSTITUTO GALEGO DE PROMOCIÓN ECONÓMICA
viernes, 30 de octubre de 2020
SUBVENCIÓNS PARA O FOMENTO DO EMPREGO NO ÁMBITO DE COLABORACIÓN COAS ENTIDADES SEN ÁNIMO DE LUCRO PARA A CONTRATACIÓN DE AXENTES DE EMPREGO E UNIDADES DE APOIO, E SE CONVOCAN PARA 2020
CONSELLERÍA DE EMPREGO E IGUALDADE
Obxecto
Financiamento de accións de fomento de emprego en colaboración con entidades sen ánimo de lucro prestadoras de servizos sociais, a través da concesión de axudas e subvencións para a contratación ou prórroga da contratación concedida na convocatoria do ano 2019 de axentes de emprego e unidades de apoio (procedemento TR352B), que colaborarán na implantación das políticas activas de emprego e na realización de funcións relacionadas coa dinamización e coa creación de emprego no ámbito das persoas con discapacidade e/ou en risco de exclusión social.
Entidades beneficiarias
Entidades sen ánimo de lucro prestadoras de servizos sociais que establezan accións específicas de conformidade cos seus estatutos para a inserción, preferentemente, das persoas con discapacidade e/ou en risco de exclusión social, sempre que non estean incursas nalgunha das circunstancias establecidas no artigo 10.2 da Lei 9/2007, do 13 de xuño, de subvencións de Galicia.
Prazo de presentación de solicitudes
O prazo de presentación de solicitudes será dun (1) mes, contado desde o día seguinte ao da publicación da orde no Diario Oficial de Galicia. Para estes efectos, entenderase como último día do prazo o correspondente ao mesmo ordinal do día da publicación. Se este último día é inhábil, entenderase prorrogado ata o primeiro día hábil seguinte. Se no mes de vencemento non hai día equivalente, entenderase que o prazo finaliza o último día do mes.
CONVOCATORIA PREMIOS EXTRAORDINARIOS NAS ENSINANZAS ARTÍSTICAS PROFESIONAIS NAS MODALIDADES DE MÚSICA, DE DANZA E DE ARTES PLÁTICAS E DESEÑO EN GALICIA, CURSO 2019-20
CONSELLERÍA DE CULTURA, EDUCACIÓN E UNIVERSIDADE
Obxecto
Convocar premios extraordinarios de ensinanzas artísticas profesionais para o alumnado que finalizou os estudos profesionais de Música, os estudos profesionais de Danza ou de ciclos formativos de grao superior de Artes Plásticas e Deseño no curso 2019/20 nos centros docentes da Comunidade Autónoma de Galicia.
Persoas beneficiarias
Alumnado que finalizou os estudos profesionais de Música, os estudos profesionais de Danza ou de ciclos formativos de grao superior de Artes Plásticas e Deseño no curso 2019/20 nos centros docentes da Comunidade Autónoma de Galicia, cunha nota media igual ou superior a 8,75 nos dous últimos cursos das ensinanzas profesionais de Música e Danza ou cunha nota media final igual ou superior a 8,75 no ciclo formativo de grao superior de Artes Plásticas e Deseño cursado.
Prazo de presentación de solicitudes
O prazo de presentación de solicitudes será dun mes, contado desde o día seguinte ao da publicación desta convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día de prazo for inhábil, entenderase prorrogado ao primeiro día hábil seguinte e, se no mes do vencemento non houber día equivalente ao inicial do cómputo, entenderase que o prazo finaliza o último día do mes.
HORARIO DE APERTURA E PECHE DOS ESTABLECEMENTOS ABERTOS AO PÚBLICO E DE INICIO E FINALIZACIÓN DOS ESPECTÁCULOS PÚBLICOS E DAS ACTIVIDADES RECREATIVAS
VICEPRESIDENCIA PRIMEIRA E CONSELLERÍA DE PRESIDENCIA, XUSTIZA E TURISMO
Entrada en vigor
Esta orde entrará en vigor aos vinte días da súa publicación no Diario Oficial de Galicia.
jueves, 29 de octubre de 2020
AXUDAS TEMPORAIS E EXCEPCIONAIS AOS SECTORES AGRARIOS MÁIS DESFAVORECIDOS POLA INCIDENCIA DA CRISE DO COVID-19
CONSELLERÍA DO MEDIO RURAL
Obxecto
O obxecto destas axudas é garantir a continuidade da actividade empresarial nos sectores de flor cortada e planta ornamental e no de vacún de carne.
Persoas beneficiarias
Poderán ser persoas beneficiarias destas subvencións as seguintes persoas físicas e xurídicas:
Atendendo ao punto anterior, poden ser beneficiarias destas axudas:
a) As persoas titulares das explotacións agrarias de flor cortada.
b) As persoas titulares dos viveiros de planta ornamental.
c) As asociacións, agrupacións, organizacións de produtores de flor cortada ou planta ornamental ou as persoas das alíneas anteriores, que realicen a comercialización dos produtos dos seus socios.
d) As persoas titulares de explotacións agrarias con orientación produtiva cárnica de vacún.
Prazo de presentación de solicitudes
O prazo de presentación de solicitudes será dun (1) mes contado a partir do día seguinte ao da publicación da convocatoria no Diario Oficial de Galicia.
SUBVENCIÓNS A PROGRAMAS DE INTERESE XERAL PARA FINS DE CARÁCTER SOCIOSANITARIO NO ÁMBITO DOS TRASTORNOS MENTAIS E AS ADICCIÓNS, ORIENTADOS A MINIMIZAR O IMPACTO QUE A PANDEMIA POLA COVID-19 TEN NA SAÚDE MENTAL DA POBOACIÓN GALEGA
CONSELLERÍA DE SANIDADE
Obxecto
Esta orde ten por obxecto establecer as bases reguladoras e proceder á convocatoria de axudas ás entidades de iniciativa social sen ánimo de lucro, destinadas á realización de programas de interese xeral para fins de carácter sociosanitario no ámbito dos trastornos mentais e as adiccións, orientados a minimizar o impacto que a pandemia pola COVID-19 ten na saúde mental da poboación galega (código de procedemento SA463I).
O contido dos programas, que se desenvolverán durante o ano 2020 e 2021, deberán axustarse ás liñas de actuación indicadas no artigo 3 de esta orde, de conformidade coa tipoloxía de cada programa recollido no anexo I.
Entidades beneficiarias
Poderán solicitar esta subvención as entidades do terceiro sector de acción social definidas no artigo 2 da Lei 43/2015, do 9 de outubro, do terceiro sector de acción social, e outras organizacións, sempre que cumpran os seguintes requisitos sinalados no punto 1 artigo 4 da orde.
Tamén poderán ser beneficiarias as agrupacións de organizacións sen personalidade xurídica nos termos sinalados no punto 2 do artigo 4.
Prazo de presentación de solicitudes
O prazo de presentación das solicitudes será dun mes contado a partir do día seguinte ao da publicación desta orde no Diario Oficial de Galicia.
Outros datos
Para poder ser beneficiaria das subvencións deberá presentarse unha solicitude axustada ao modelo normalizado que, a título exclusivamente informativo, figura como anexo da orde e que estará dispoñible tanto na guía de procedementos (https://sede.xunta.gal/guia-de-procedementos) como na sede electrónica da Xunta de Galicia (https://sede.xunta.gal) co código SA463I.
miércoles, 28 de octubre de 2020
CORRECCIÓN DE ERROS.- SUBVENCIÓNS PARA A PROMOCIÓN E DIFUSIÓN DO AUDIOVISUAL GALEGO EN FESTIVAIS E MOSTRAS NACIONAI E INTERNACIONAIS, 2020
AXENCIA GALEGA DAS INDUSTRIAS CULTURAIS
martes, 27 de octubre de 2020
DATAS, LUGAR E HORARIOS DE REALIZACIÓN DAS PROBAS PARA Á OBTENCIÓN E RENOVACIÓN DO CERTIFICADO DE CONSELLEIRO DE SEGURIDADE PARA O TRANSPORTE DE MERCADORÍAS PERIGOSAS POR ESTRADA E FERROCARRIL
CONSELLERÍA DE INFRAESTRUTURAS E MOBILIDADE
Primeiro. As correspondentes probas terán lugar na Escola Galega de Administración Pública (EGAP), rúa de Madrid 2-4, As Fontiñas, Santiago de Compostela.
Os ditos exercicios realizaranse nas datas, horarios e aulas que a continuación se sinalan:
Segundo. Para os efectos de realizar os correspondentes chamamentos, os aspirantes deberán presentarse ás probas 30 minutos antes do comezo de cada exercicio.
Terceiro. As persoas interesadas serán convocadas para cada exercicio en chamamento único, e resultará excluído da súa realización quen non compareza.
Non poderán acceder ao exame aquelas persoas con síntomas compatibles coa COVID-19, aquelas ás que se lles diagnosticase a enfermidade e que non rematasen o período de illamento, ou as que se atopen en período de corentena domiciliaria por ter tido contacto estreito con algunha persoa con síntomas ou diagnosticada de COVID-19.
Non obstante, anúnciase que aqueles que acrediten atoparse, na data de realización do exame, nalgunha das circunstancias anteriores, poderán solicitar a repetición do exame noutra data.
Dada a situación sanitaria en que nos atopamos e co fin de respectar as medidas de prevención necesarias para facer fronte á crise sanitaria ocasionada polo COVID-19, non se poderá acceder ao edificio da EGAP ata que un membro do tribunal non comece o chamamento; así mesmo, solicítase que, para evitar aglomeracións, só se presenten a cada hora os aspirantes que vaian realizar a proba correspondente a ese horario.
Cuarto. Os/as aspirantes excluídos/as por non comparecer no momento do chamamento non terán dereito a que se lles devolvan os importes aboados en concepto de dereitos de exame.
Quinto. Os/as aspirantes terán que se presentar ás probas provistos do orixinal do seu documento nacional de identidade ou documento fidedigno acreditativo da súa identidade, a xuízo do tribunal. En caso contrario, non se permitirá o acceso ao recinto onde se realicen os exercicios. Tales aspirantes excluídos non terán dereito a que se lles devolvan os importes aboados en concepto de dereitos de exame.
Sexto. Os/as interesados/as deberán levar bolígrafo e, para a realización do suposto práctico, poderán ir provistos do ADR ou RID e de máquina calculadora sen memoria RAM.
Sétimo. Será obrigatorio o uso de máscara facial que cubra nariz e boca en todo momento, tanto no exterior como no interior do edificio da Escola Galega da Administración Pública (EGAP).
Evitaranse as aglomeracións tanto fóra como dentro do edificio, realizando o acceso de forma ordenada e gardando a distancia de seguridade.
Na espera, acceso e permanencia no interior do edificio, en todo momento, atenderanse as instrucións do persoal, e deberase:
• Prestar atención e cumprir a información ofrecida polos membros do tribunal ou persoal de vixilancia.
• Prestar atención e respectar a distancia de seguridade, localización, espera de quenda...
• Aplicación de solución hidroalcohólica nas mans ao entrar na aula onde se realice o exame.
Recoméndase consultar, antes do día do exame, a páxina web da Consellería de Infraestruturas e Mobilidade-Dirección Xeral de Mobilidade-Formación, https://infraestruturasemobilidade.xunta.gal/, onde estarán expostas e actualizadas as medidas preventivas de seguridade que deberán ser adoptadas no desenvolvemento das probas no contexto creado pola COVID-19.
SUBVENCIÓNS PARA CONTRIBUÍR A SUFRAGAR OS CUSTOS DE ALUGAMENTO DOS ESTABLECEMENTOS DE LECER NOCTURNO 2020
VICEPRESIDENCIA PRIMEIRA E CONSELLERÍA DE PRESIDENCIA, XUSTIZA E TURISMO
Obxecto
O obxecto desta orde é establecer as bases reguladoras da concesión de subvencións para contribuír a sufragar os gastos de alugamento dos establecementos de lecer nocturno da Comunidade Autónoma de Galicia durante o período en que permaneceron pechados en aplicación da Orde do 15 de agosto de 2020 da Consellería de Sanidade e proceder á súa convocatoria para o ano 2020.
Beneficiarios
Poderán ser beneficiarios destas axudas as persoas físicas e xurídicas que exerzan, a título de arrendatario, a explotación económica dun establecemento de lecer nocturno, que sexan titulares dun contrato de alugamento, e resulten afectados pola paralización desta como consecuencia das medidas adoptadas para a prevención e contención da evolución do brote de COVID-19.
Prazo de presentación de solicitudes
As solicitudes poderán presentarse no prazo dun mes contado desde o día seguinte ao da publicación desta orde no Diario Oficial de Galicia.
lunes, 26 de octubre de 2020
RESUMO DA MEDIDAS DE PREVENCIÓN DO COVID-19 DICTADAS EN OUTUBRO
RESUMO DAS MEDIDAS DE PREVENCIÓN ESPECÍFICAS DA ORDE DO 21 DE OUTUBRO DE 2020.
Período de Aplicación: 14 días naturais desde o 22 de outubro.
Normas de carácter Xeral
Agrupacións de persoas: calquera actividade de carácter familiar ou social na vía pública ou espazos de uso público estará limitada a 5 persoas.
Excepcións: actividades laboráis, empresariais, profesionais ou administrativas, centros universitarios, educativos, de formación e ocupacionais e deporte federado.
Persoas maiores de 75 anos: evitar a actividade diaria en horas de moita afluencia.
Peche total de festas, verbenas e outros eventos populares.
Normas por sectores de actividade.
Velorios e enterros: 25 persoas ao aire libre. 10 persoas en espazos pechados.
Enterramentos e cremacións: 25 persoas.
Lugares de culto: 50% do aforo.
Cerimonias nupciais: segundo as restriccións dos lugares de culto. Celebración: 100 persoas ao aire libre e 50 persoas en lugares pechados.
Comercio e servizos profesionais: 50% da súa capacidade.
Mercados ambulantes (Feiras): 50% dos postos habituais autorizados.
Academias, autoescolas, centros privados de ensino non regrado e formación xestionada ou financiada pola Xunta: 50% do máximo permitido.
Hostalería e Restauración: Prohibido o servizo na barra, aforo no interior do 50%, grupos de persoas en mesas máximo de 5 persoas. Hora de peche á 01:00 h.
Hoteis, aloxamentos turísticos e albergues: zonas común ao 50% do aforo. Actividades grupais máximo de 5 persoas incluído o monitor.
Cines, teatros, auditorios…: butacas preasignadas e 50% do aforo. Noutros recintos e locais destinados a espectáculos públicos os asistentes deberán permanecer sentados e cun 50% do aforo total cun límite máximo de 60 persoas en lugares pechados e de 150 ao aire libre.
Centros de lecer infantil: 50% do aforo.
Actividades e instalacións deportivas: a actividade non federada deberá de ser sen contacto físico e máximo de 5 persoas de forma simultánea sen contar o monitor.
Aforos en eventos deportivos: público sentado, 50% da capacidade da instalación cun límite de 60 persoas en lugares pechados e 150 ao aire libre.
Piscinas: 50% do aforo.
Actividades turísticas: grupos de 5 persoas. En centros de información e puntos de información ao 50% do aforo.
Tempo libre infantil e xuvenil: 50% do límite máximo permitido e grupos de 5 persoas incluídos os monitores.
Parques públicos e similares: aforo de 1 persoas por cada 4m2 e recomendación de peche entre as 00:00 e as 06: 00.
Congresos, encontros, reunións de negocios, conferencias, eventos e actos similares: 50% da capacidade da instalación cun máximo de 60 persoas en recinto pechado e 150 ao aire libre.
RESUMO NORMAS DO REAL DECRETO LEXISLATIVO 926/2020 DO 25 DE OUTUBRO.
Declaración do Estado de Alarma
Nas Comunidades Autónomas a autoridade competente delegada será o Presidente da Comunidade Autónoma.
As autoridades competentes delegadas quedan habilitadas para ditar as ordes e resolucións de: circulación de persoas en horario nocturno, circulación entre comunidades autónomas, limitación de persoas en espazos públicos e privados, lugares de culto, duración temporal das limitacións, flexibilización e suspensión das mesmas e prestacións persoais.
A declaración de Alarma afecta a todo o territorio do Estado é a súa duración será ata o 9 de novembro.
Liberdade de Circulación en horario nocturno (23:00 -06:00):
As autoridades competentes delegadas poderán determinar esta limitación desde as 22:00 horas e ata as 07:00 da mañá.
Excepcións:
o Adquisición de medicamentos e produtos sanitarios.
o Asistencia a centros sanitarios.
o Asistencia a centros veterinarios de urxencia.
o Cumprimentos de obrigas laboráis e empresariais.
o Retorno ao lugar de residencia despois da realización das actividades deste apartado.
o Asistencia a maiores e dependentes.
o Causas de forza maior.
o Calquera actividade de natureza semellante e acreditada.
o Repostaxes en gasolineiras para realizar as actividades previstas neste apartado.
Limitacións de entrada e saída entre comunidades autónomas:
Restrínxense as entradas e saídas de persoas de cada comunidade autónoma salvo polos seguintes motivos:
o Asistencia a centros sanitarios
o Cumprimento de obrigas laboráis, empresariais.
o Asistencia a centros universitarios, docentes e educativos incluídas as escolas de educación infantil.
o Retorno ao lugar de residencia habitual ou familiar.
o Asistencia a maiores e dependentes.
o Desprazamentos a entidades financeiras, seguros e repostaxes en gasolineiras en territorios limítrofes.
o Actuacións requeridas ou urxentes ante órganos públicos, xudiciais ou notarías.
o Renovacións de permisos e documentación oficial.
o Realización de exames ou probas oficiais.
o Por causas de forza maior.
o Calquera actividade de natureza semellante e acreditada.
As autoridades delegadas competentes poderán limitar entradas e saídas en ámbitos xeográficos inferiores á comunidade autónoma.
Estas medidas non afectan ao réxime de fronteiras e para territorios con fronteiras con terceiros Estados, a autoridade competente delegada comunicará as medidas ao Goberno do Estado.
Limitacións de grupos de persoas en espazos públicos e privados.
Limitados a un máximo de 6 persoas, salvo as excepcións de instalacións e establecementos abertos ao público.
As reunión en lugares de tránsito público e manifestacións poderán limitarse ou prohibirse se non se garanten as normas de distanciamento persoal para prevención dos contaxios.
Exclúense as actividades laborais e institucionais.
Limitacións lugares de culto.
As que fixen as autoridades delegadas competentes.
Eficacia das limitacións.
Non será inferior a 7 días.
Flexibilización das medidas.
A autoridade competente delegada segundo a evolución dos indicadores sanitarios poderán modular, flexibilizar e suspender as medidas de limitacións de entrada e saída entre comunidades autónomas, limitacións de grupos de persoas en espazos públicos e privados e limitacións en lugares de culto no ámbito territorial que determine.
PREMIOS DE ARTESANÍA DE GALICIA 2020
VICEPRESIDENCIA SEGUNDA E CONSELLERÍA DE ECONOMÍA, EMPRESA E INNOVACIÓN
Obxecto
Estas bases teñen por obxecto regular a concesión dos premios de Artesanía de Galicia como un recoñecemento á mellora continua no labor dos profesionais do sector artesán galego e contribuír ao seu desenvolvemento económico e promocional.
Beneficiarios
Persoas e obradoiros artesáns con recoñecida traxectoria profesional e que están ou estiveron inscritos no Rexistro Xeral de Artesanía de Galicia, segundo o premio a que opten.
Importe
Destínase un total de 13.000,00 euros con cargo aos orzamentos da Fundación Pública Artesanía de Galicia.
Os premios de Artesanía de Galicia constarán das seguintes categorías:
Premio Artesanía de Galicia 2020.
Dotación de 9.000 euros e trofeo acreditativo.
Premio Traxectoria 2020.
Trofeo acreditativo e sen dotación económica.
Premio Bolsa Eloy Gesto 2020.
Bolsa de formación de 4.000 euros e diploma acreditativo.
Prazo de presentación de solicitudes
O prazo de presentación de candidaturas iníciase a partir das 8.00 horas do 16 de novembro de 2020 e remata ás 14.30 horas do 27 de novembro de 2020.
viernes, 23 de octubre de 2020
AMPLIACIÓN DO PRAZO DE XUSTIFICACIÓN SUBVENCIÓNS EMPRESAS PRIVADAS PARA A LOITA DE ENFERMIDADES PROFESIONAIS
VICEPRESIDENCIA SEGUNDA E CONSELLERÍA DE ECONOMÍA, EMPRESA E INNOVACIÓN
jueves, 22 de octubre de 2020
AXUDAS POLA CRISE SANITARIA DO COVID-19 NO SECTOR DA FLOR CORTADA E PLANTA ORNAMENTAL PARA 2020
CONSELLERÍA DO MEDIO RURAL
Obxecto
Convocar para o exercicio orzamentario 2020, en réxime de concorrencia competitiva, as axudas pola crise sanitaria do COVID-19 no sector da flor cortada e da planta ornamental (código de procedemento MR436D, axudas para o sector de flor cortada e planta ornamental), de acordo coas bases reguladoras establecidas no Real decreto 883/2020, do 6 de outubro, polo que se establecen as bases reguladoras para a concesión de axudas pola crise sanitaria do COVID-19 no sector de flor cortada e planta ornamental (BOE núm. 265).
Entidades beneficiarias
Poderán solicitar a axuda as persoas que reúnan os seguintes requisitos:
a) Que se trate de titulares de explotacións de flor cortada ou planta ornamental e
b) Que acrediten a destrución de produción entre o 14 de marzo e o 20 de xuño de 2020, ambos inclusive.
Prazo de presentación de solicitudes
O prazo de presentación de solicitudes comezará o día seguinte ao da publicación desta orde no Diario Oficial de Galicia e finalizará o 5 de novembro de 2020.
CONVOCATORIA CURSO DE FORMACIÓN SOBRE O DESENVOLVEMENTO DA FUNCIÓN DIRECTIVA NO ANO 2020
CONSELLERÍA DE CULTURA, EDUCACIÓN E UNIVERSIDADE
AMPLIACIÓN PRAZO XUSTIFICACIÓN DAS AXUDAS PARA O SECTOR EDITORIAL GALEGO
CONSELLERÍA DE CULTURA, EDUCACIÓN E UNIVERSIDADE
miércoles, 21 de octubre de 2020
CORRECCIÓN DE ERROS.- SUBVENCIÓNS PARA PROXECTOS DE ENERXÍAS RENOVABLES TÉRMICAS PARA 2020 E 2021
AXENCIA INSTITUTO ENERXÉTICO DE GALICIA
IX XORNADAS DE FORMACIÓN PRÁCTICA DIXITAL (E-MARTES)
ESCOLA GALEGA DE ADMINISTRACIÓN PÚBLICA
1. Obxectivos.
O Universo EGAP Innova é un proxecto multidisciplinar e transversal da Escola Galega de Administración Pública que se desenvolve co obxectivo principal de contribuír, a través de novas prácticas formativas que implican a participación do alumnado, a autoxestión da aprendizaxe e a identificación de novas oportunidades, á innovación e ao cambio nas administracións públicas.
Ao abeiro desta iniciativa, os E-martes teñen como finalidade proporcionar formación práctica presencial ao persoal empregado público da Administración autonómica galega e á cidadanía nas transformacións tecnolóxicas, organizativas e lexislativas derivadas da Administración electrónica.
2. Contidos.
A IX Xornada de formación práctica dixital (E-martes), que terá lugar o martes 3 de novembro de 2020, abordará os seguintes contidos:
– Notificacións electrónicas. Sistema de notificacións electrónicas de Galicia: Notifica.gal.
– Identificación dixital (certificados dixitais e Chave).
– Sede electrónica.
Este contido adaptarase aos dous grupos de persoas a que vai dirixida a actividade e constará dunha introdución xurídica (común) e posterior práctica nas aulas de informática da escola.
3. Persoas destinatarias.
As persoas destinatarias desta actividade son:
– O persoal empregado público, en situación de servizo activo ou asimilada, da Administración autonómica galega e dos seus entes instrumentais. No caso das empregadas e empregados públicos, priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
– A cidadanía: profesionais e persoas interesadas no manexo das aplicacións descritas na súa relación coa Administración.
4. Desenvolvemento.
Lugar: Escola Galega de Administración Pública (EGAP), rúa de Madrid, 2-4, Santiago de Compostela.
Data: martes, 3 de novembro de 2020.
Horario: mañá e tarde.
Duración: 6 horas lectivas.
5. Número de prazas.
Persoal empregado público: 16.
Cidadanía: 13.
O número de prazas convocadas vén determinado pola capacidade das aulas adaptada ás medidas de seguridade e hixiene previstas na normativa vixente para a prevención da COVID-19.
6.Inscrición.
1. A inscrición nesta actividade formativa só poderá realizarse por vía telemática accedendo ao enderezo https://egap.xunta.gal/matricula. As solicitudes entenderanse presentadas unha vez que se complete correctamente o proceso de matriculación.
2. Antes de formalizar a súa inscrición nesta actividade, todas as persoas deberán introducir ou actualizar os datos da súa área de matrícula, de acordo cos requisitos de selección establecidos no punto 3 desta convocatoria. En concreto, deberán indicar correctamente o colectivo de persoas destinatarias ao cal pertencen («Administración autonómica», para o persoal empregado público da Administración autonómica galega e dos seus entes instrumentais, ou «outros», para a cidadanía).
3. As persoas que oculten ou falseen datos esenciais para a selección serán automaticamente excluídas da actividade solicitada e pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.
4. O prazo para a inscrición nesta actividade estará aberto desde as 8.00 horas do día seguinte á publicación desta resolución no Diario Oficial de Galicia ata as 23.55 horas do día 28 de outubro de 2020.
Poderá obterse calquera outra información, desde as 8.30 horas ata as 14.30 horas, nos teléfonos 981 54 62 39/981 54 62 41.
martes, 20 de octubre de 2020
MODIFICACIÓN.- SUBVENCIÓNS A PRODUCIÓNS E COPRODUCIÓNS AUDIOVISUAIS DE CONTIDO CULTURAL GALEGO 2018
AXENCIA GALEGA DAS INDUSTRIAS CULTURAIS
AMPLIACIÓN DE CRÉDITO PARA AXUDAS URXENTES DE TIPO SOCIAL PARA EVITAR CORTES DE SUBMINISTRACIÓN ELÉCTRICA AOS CONSUMIDORES VULNERABLES SEVEROS
VICEPRESIDENCIA SEGUNDA E CONSELLERÍA DE ECONOMÍA, EMPRESA E INNOVACIÓN
19 DE OUTUBRO DIA DO CANCRO DE MAMA
"No sabemos lo fuertes que somos hasta que ser fuertes es la única opción que tenemos."
lunes, 19 de octubre de 2020
viernes, 16 de octubre de 2020
SUBVENCIÓNS PARA A PROMOCIÓN E DIFUSIÓN AUDIOVISUAL GALEGO EN FESTIVAIS E MOSTRAS NACIONAIS E INTERNACIONAIS 2020
AXENCIA GALEGA DAS INDUSTRIAS CULTURAIS
Finalidade
A promoción e difusión do cinema a través da participación de filmes galegos en festivais e mostras de cinema de prestixio nacional e internacional que se celebren fóra de Galicia, dentro do marco das competencias deste organismo, e proceder á súa convocatoria para o ano 2020 (código de procedemento CT404B).
Persoas beneficiarias
Poderán optar a estas axudas as persoas físicas (autónomas) e xurídicas, dedicadas profesionalmente á actividade de creación e produción no ámbito audiovisual galego, que leven a cabo algunha das actividades descritas como subvencionables.
Só poderán participar nesta convocatoria aquelas persoas físicas (autónomas) ou xurídicas que teñan unha participación igual ou superior ao 20 % do proxecto audiovisual. En canto á participación de entidades produtoras, será preciso que a empresa estea dada de alta no IAE na epígrafe 96.1.1. Só se poderá presentar unha única solicitude por obra para cada un dos festivais de cinema que se describen na base seguinte.
Prazo de presentación de solicitudes
O prazo para a presentación das solicitudes para os eventos xa celebrados serán dun mes desde o día seguinte ao da publicación da presente convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación.
Para os celebrados con posterioridade á publicación da presente convocatoria, será dun mes contado desde que se produza a comunicación oficial, por parte do festival, da selección da obra, e en calquera caso non poderá exceder o 15 de novembro de 2020.
Se o último día do prazo for inhábil, entenderase prorrogado ao primeiro día hábil seguinte e, se no mes de vencemento non houber día equivalente ao inicial do cómputo, entenderase que o prazo expira o último día do mes.
AMPLIACIÓN DE PRAZO DE XUSTIFICACIÓN DAS SUBVENCIÓNS PARA O IMPULSO DA COMERCIALIZACIÓN DIXITAL 2020
VICEPRESIDENCIA SEGUNDA E CONSELLERÍA DE ECONOMÍA, EMPRESA E INNOVACIÓN
jueves, 15 de octubre de 2020
miércoles, 14 de octubre de 2020
CONVOCATORIA PROBAS DE AVALIACIÓN DE CARÁCTER LIBRE PARA A OBTENCIÓN DA CERTIFICACIÓN GALEGA DE COMPETENCIAS DIXITAIS EN OFIMÁTICA
AXENCIA PARA A MODERNIZACIÓN TECNOLÓXICA DE GALICIA
Obxecto
Obter a certificación galega de competencias dixitais en ofimática, regulada polo Decreto 218/2011, do 17 de novembro (DOG núm. 229, do 30 de novembro), tras a superación dunha proba presencial en que se acreditarán os coñecementos, capacidades e destrezas definidos no Plan formativo ofimático de Galicia.
Poden participar nestas probas todas aquelas persoas maiores de 16 anos, ou que os cumpran antes da finalización do prazo de inscrición, inscritas como usuarios/as da rede CeMIT.
Prazas convocadas, datas, lugar e horario
1. As probas de avaliación presencial que se convocan desenvolveranse de acordo co seguinte calendario.
2. As probas de avaliación terán lugar nas dependencias das aulas CeMIT de cada localidade indicada no punto anterior, localizacións que se poden consultar na web http://cemit.xunta.gal/centros.
3. As previsións establecidas neste calendario poderán ser modificadas á vista das recomendacións que realicen as autoridades sanitarias da comunidade autónoma en función da evolución da pandemia da COVID-19.
Solicitudes de participación
1. As persoas que desexen participar nas probas presenciais deberán inscribirse a través da internet na páxina web de CeMIT (http://cemit.xunta.gal).
2. Con carácter previo á inscrición é necesario darse de alta como usuario/a da rede CeMIT. Nesta alta previa é imprescindible facilitar unha conta persoal de correo electrónico.
3. O prazo para a inscrición será de sete (7) días naturais a partir do seguinte ao da publicación desta resolución no Diario Oficial de Galicia. Se o último día do prazo é inhábil, entenderase prorrogado ao primeiro día hábil seguinte.
4. Soamente se poderá presentar unha solicitude de inscrición por persoa participante; serán excluídas automaticamente aquelas persoas solicitantes que figuren inscritas en máis dunha localidade ou horario.
5. Unha vez que remate o prazo de inscrición e aplicados os criterios de selección que se recollen na base quinta, publicarase a relación provisional de persoas admitidas en cada unha das localidades na páxina web da rede CeMIT (http://cemit.xunta.gal), así como a listaxe de reservas e de excluídos.
AMPLIACIÓN DO CRÉDITO ORZAMENTARIO EXISTENTE PARA A CONCESIÓN DAS AXUDAS PARA O SECTOR EDITORIAL GALEGO
CONSELLERÍA DE CULTURA, EDUCACIÓN E UNIVERSIDADE
martes, 13 de octubre de 2020
DOMINGOS E FESTIVOS EN QUE SE AUTORIZA A APERTURA DE ESTABLECEMENTOS COMERCIAIS DURANTE O ANO 2021
VICEPRESIDENCIA SEGUNDA E CONSELLERÍA DE ECONOMÍA, EMPRESA E INNOVACIÓN
Artigo único
Os domingos e festivos en que os establecementos comerciais poderán permanecer abertos ao público durante o ano 2021 son:3 de xaneiro
10 de xaneiro
1 de abril
31 de outubro
28 de novembro
5 de decembro
8 de decembro
5 de decembro
8 de decembro
12 de decembro
19 de decembro
26 de decembro
19 de decembro
26 de decembro
viernes, 9 de octubre de 2020
MODIFICACIÓN.- OFERTA EMPREGO PÚBLICO DO PERSOAL DOCENTE E INVESTIGADOR 2020 DA UNIVERSIDADE DE SANTIAGO
UNIVERSIDADE DE SANTIAGO DE COMPOSTELA
Categoría/corpo docente Nº de prazas Sistema de acceso
Profesor/a titular de universidade 30 Quenda libre
Profesor/a titular de universidade 2 Quenda libre
(reserva do 15 % para persoal investigador doutor que finalizase o Programa Ramón y Cajal e obtivese o certificado I3)
Profesor/a contratado/a doutor/a 14 Quenda libre
Profesor/a contratado/a doutor/a 6 Quenda libre
(reserva do 15 % para persoal investigador doutor que finalizase o Programa Ramón y Cajal e obtivese o certificado I3)
Catedrático/a de universidade 31 Quenda de promoción interna
SUBVENCIÓNS A EMPRESAS TITULARES DE ORQUESTRAS PARA OS ANOS 2020 E 2021
AXENCIA TURISMO DE GALICIA
Obxecto
As subvencións reguladas por estas bases teñen por obxecto a regulación da concesión de subvencións a empresas titulares de orquestras.
Persoas beneficiarias
Poderán ser persoas beneficiarias das subvencións as entidades titulares de orquestras que teñan o seu domicilio fiscal na Comunidade Autónoma de Galicia.
Así mesmo poderán ser beneficiaras das subvencións as agrupacións de entidades titulares de orquestras que teñan o seu domicilio fiscal na Comunidade Autónoma de Galicia, de conformidade co disposto no artigo 8.3 da Lei 9/2007, do 13 de xuño, de subvencións de Galicia.
Prazo de presentación de solicitudes
O prazo de presentación de solicitudes será dun mes contado a partir do día seguinte ao da publicación desta resolución no Diario Oficial de Galicia. Entenderase como último día do prazo o correspondente ao mesmo ordinal do día da publicación.
Prazo de xustificación da subvención
O prazo para a xustificación da subvención será ata o 15 de novembro de 2021.
jueves, 8 de octubre de 2020
PREMIOS GALEGOS DE INNOVACIÓN E DESEÑO 2020
AXENCIA GALEGA DE INNOVACIÓN
Obxecto
A finalidade dos premios é recoñecer o labor de persoas e empresas galegas pola súa excelente contribución á innovación como un elemento indispensable no desenvolvemento da súa estratexia profesional e o seu crecemento empresarial, alcanzando con iso altas cotas de competitividade nos mercados, tanto galegos, nacionais como internacionais.
Así mesmo, trátase de recoñecer aos profesionais e empresas que contribúen significativamente á mellora do prestixio do deseño galego e ás empresas que, ao incorporalo á súa estratexia empresarial, demostran que o deseño actúa como como motor de innovación e competitividade.
Beneficiarias
Poderán ser beneficiarias dos Premios Galegos de Innovación e Deseño as persoas físicas e as persoas xurídicas que teñan polo menos un establecemento permanente en Galicia, validamente constituído, que manteña a súa actividade. En ambos os casos, en función da categoría a que concorran, deberán posuír as seguintes características:
a) Premios Galegos de Innovación:
– Categoría «Traxectoria Innovadora»: empresarios e profesionais cunha traxectoria de polo menos dez anos en que a innovación fose unha das súas características relevantes.
– Categoría «Grande Empresa»: grandes empresas cunha actividade innovadora de polo menos dez anos.
– Categoría «Pequena e Mediana Empresa»: pequenas e medianas empresas con demostrada actividade innovadora de polo menos cinco anos.
b) Premios Galegos de Deseño:
Premiarán persoas, institucións e organizacións que destaquen polo seu labor de posta en valor do sector do deseño galego.
– Categoría «Profesionais»: profesionais do deseño (persoas físicas ou equipos de profesionais) cunha traxectoria de polo menos dez anos de recoñecido prestixio no sector.
– Categoría «Empresas»: empresas consolidadas que incorporasen o deseño á súa estratexia empresarial durante polo menos dez anos.
– Categoría «Mozos/as Deseñadores/as»: dirixido a aqueles creadores, cunha idade que non exceda os trinta e cinco anos no día de presentación da candidatura, e cunha traxectoria profesional inferior a dez anos.
Prazo de presentación de solicitudes
O prazo de presentación de solicitudes será de dous meses contado a partir do día seguinte ao da publicación desta convocatoria no Diario Oficial de Galicia.
Entenderase como último día do prazo o correspondente ao mesmo ordinal do día de publicación. Se o último día do prazo é inhábil, entenderase prorrogado ao primeiro día hábil seguinte e, se no mes de vencemento non hai día equivalente ao inicial do cómputo, entenderase que o prazo expira o último día do mes.
martes, 6 de octubre de 2020
lunes, 5 de octubre de 2020
OFERTA DE EMPREGO PÚBLICO DO PERSOAL DE ADMINISTRACIÓN E SERVIZOS PARA 2020 DA UNIVERSIDADE DE SANTIAGO DE COMPOSTELA
UNIVERSIDADE DE SANTIAGO DE COMPOSTELA
Primeiro. Publicar a oferta de emprego público do persoal de administración e servizos da USC para o ano 2020, recollida nos anexos a esta resolución.
Segundo. Esta oferta de emprego inclúe as necesidades de recursos humanos con asignación orzamentaria que non poden ser cubertas cos efectivos de persoal existentes, segundo se detalla nos anexos, dentro do contexto global de restrición orzamentaria que afecta as administracións públicas.
Terceiro. Nesta oferta, de acordo co previsto no artigo 48 da Lei 2/2015, do emprego público de Galicia, establécense os criterios xerais, sen prexuízo das especificidades que se poidan establecer nas convocatorias respectivas.
Cuarto. As convocatorias das probas selectivas de acceso libre derivadas desta oferta publicaranse no Diario Oficial de Galicia e no Boletín Oficial del Estado para garantir a publicidade exixida no artigo 75.2 da Lei 6/2001, do 21 de decembro, de universidades, e executaranse dentro do prazo máximo previsto no artigo 70 do texto refundido da Lei do Estatuto básico do empregado público.
MODIFICACIÓN.- AXUDAS DESTINADAS AO FOMENTO DE ACTIVIDADES DE CREACIÓN-PRODUCIÓN OU INVESTIGACIÓN CON FINS EXPOSITIVOS NA ÁREA DAS ARTES PLÁSTICAS E VISUAIS 2020
CONSELLERÍA DE CULTURA, EDUCACIÓN E UNIVERSIDADE
jueves, 1 de octubre de 2020
SUBVENCIÓNS AO FOMENTO E PROMOCIÓN DO TALENTO MUSICAL 2020
AXENCIA GALEGA DAS INDUSTRIAS CULTURAIS
Finalidade
A finalidade destas axudas é o impulso aos proxectos de deseño, preprodución, produción, edición e promoción de produtos fonográficos (fonogramas e videoclips) que conteñan maioritariamente obra de artistas galegos ou que estean interpretadas por músicos galegos, realizadas por parte de empresas con actividade na Comunidade Autónoma de Galicia.
Persoas e entidades beneficiarias
Poderán acceder a estas axudas as persoas físicas (autónomas) ou xurídicas, así como as sociedades civís e comunidades de bens –ou calquera outra agrupación de persoas sen personalidade xurídica propia–, así como as unións temporais de empresas, dedicadas profesionalmente á produción e promoción de actividades musicais, que se atopen dadas de alta no IAE de produción ou edición discográfica e que desenvolvan maioritariamente a súa actividade na Comunidade Autónoma de Galicia.
Prazo de presentación de solicitudes
O prazo para a presentación das solicitudes será dun (1) mes contado desde o día seguinte ao da publicación da correspondente convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo for inhábil, entenderase prorrogado ao primeiro día hábil seguinte e, se no mes de vencemento non houber día equivalente ao inicial do cómputo, entenderase que o prazo remata o derradeiro día do mes.