PREMIOS LUGO 2025

CONVOCATORIA E BASES DOS PREMIOS:  "LUGO CAMBIA O TURISMO LUCENSE", DO "PREMIO TURISMO SOSTIBLE" E DOS PREMIOS "...E PARA COMER, LUGO A GASTRONOMIA LUCENSE" PARA  A  ANUALIDADE 2025.

Obxecto

As presentes bases teñen por obxecto a regulación da concesión, en réxime de concorrencia competitiva, dos Premios “Lugo Cambia ao Turismo Lucense”, do “Premio Turismo Sostible” e dos Premios “…E para comer, Lugo á Gastronomía Lucense”. 

Estas distincións teñen por obxecto recoñecer publicamente a dedicación de distintas empresas, persoas, institucións ou entidades e os seus méritos polo traballo realizado en prol do desenvolvemento, do fomento e da promoción turística, a sostibilidade turística, a traxectoria profesional e a posta en marcha de actuacións innovadoras e/ou exemplares que teñan unha repercusión positiva no ámbito do turismo ou da gastronomía da provincia de Lugo, ben no seu conxunto ou nun ámbito territorial inferior comprendido dentro da provincia.

Natureza

Os premios obxecto desta convocatoria terán carácter honorífico, sen que a súa concesión supoña a

adquisición de dereito económico algún por parte das entidades ou persoas galardoadas.

Os premios consistirán nun diploma acreditativo e nun agasallo de carácter simbólico, que nesta anualidade será unha peza de artesanía tradicional da provincia de Lugo.

As entidades ou persoas galardoadas poderán publicitar a súa condición de premiadas nas accións de

promoción que realicen para dar a coñecer a labor que fose obxecto destas distincións.

Os premios obxecto destas bases serán entregados en acto público nos últimos días do mes de setembro de 2025.

Candidaturas

Poderán optar aos premios as persoas físicas ou xurídicas, públicas ou privadas, tanto a título individual

como colectivo, de ámbito local, autonómico, nacional ou internacional que destaquen nalgunha das

modalidades establecidas na base quinta e cuxa actuación teña ou tivese unha repercusión positiva no

turismo ou na gastronomía a nivel provincial ou nunha zona específica de actuación dentro do territorio

lucense.

Modalidades

Os premios obxecto desta convocatoria corresponden ás seguintes tres modalidades:

MODALIDADE A: Premios “Lugo Cambia ao Turismo Lucense”

Poderán presentarse a esta modalidade:

 Entidades públicas ou aquelas das que na súa organización forme parte o sector público.

 Empresas, profesionais independentes e traballadores e traballadoras do sector turístico. Poderán

concorrer tamén persoas ou entidades privadas que teñan realizada unha labor de investigación ou

divulgación da provincia no ámbito turístico con resultados vixentes na actualidade ou que teñan

realizado unha aportación destacada no eido do turismo no ano inmediatamente anterior a esta

convocatoria ou no que está en curso.

 Colectivos profesionais, asociacións e outras entidades privadas sen ánimo de lucro que desenvolvan unha labor que garde relación co sector turístico.

Os méritos cos que poderán concorrer nesta modalidade deberán estar relacionados con algún dos seguintes ámbitos:

 A dedicación e traxectoria profesional exemplar.

 O desenvolvemento de accións innovadoras en materia de creación de produtos turísticos singulares,

novos ou de éxito.

 O desenvolvemento de accións de promoción innovadoras.

 O traballo en prol da calidade turística.

 A creación ou posta a disposición de ferramentas TIC que repercutan positivamente na experiencia das persoas visitantes e/ou na xestión das empresas e destinos turísticos.

 O desenvolvemento de actuacións que contribúan á accesibilidade, física e/ou intelectual, aos recursos e/ou servizos turísticos da provincia de Lugo.

 Accións en materia de recuperación de bens do patrimonio cultural ou natural e accións de

embelecemento da paisaxe ou do medio.

 Traballos de investigación turística e/ou publicacións científicas ou xornalísticas, que baseen a súa

temática nos recursos, empresas e/ou servizos turísticos da provincia de Lugo e que acheguen datos ou

conclusións vixentes no momento da proposta da candidatura. No caso de que un traballo de

investigación se desenvolva no contexto dunha titulación académica deberá ter sido cualificado como

mínimo, cunha puntuación de sobresaínte, para o que se deberá achegar o certificado expedido pola

entidade competente.

 O labor que desenvolvan persoas físicas en calidade de divulgadoras turísticas da provincia de Lugo.

 O desenvolvemento de prácticas laborais exemplares.

Agás no caso do recoñecemento a unha traxectoria profesional exemplar, os proxectos e iniciativas

concretas nas que, de ser o caso, puidese fundamentarse a candidatura para a recepción destes premios deberán ter carácter actual, desenvolverse no marco dun plan vixente no momento da candidatura ou ben, como máximo, terse realizado no ano inmediatamente anterior a esta convocatoria, pero con vixencia na actualidade.

MODALIDADE B: “Premio Turismo Sostible”

Poderán presentarse a esta modalidade:

- Entidades públicas ou aquelas das que na súa organización forme parte o sector público.

- Empresas, profesionais independentes e traballadores e traballadoras do sector turístico. Poderán

concorrer tamén persoas ou entidades privadas que teñan realizada unha labor de investigación ou

divulgación da provincia no ámbito do turismo sostible con resultados vixentes na actualidade ou

que teñan realizado unha aportación destacada no eido do turismo sostible no ano inmediatamente

anterior a esta convocatoria ou no ano en curso.

- Colectivos profesionais, asociacións e outras entidades privadas sen ánimo de lucro que

desenvolvan unha labor que garde relación co sector turístico.

Os méritos cos que poderán concorrer a esta modalidade estarán relacionados co desenvolvemento de

iniciativas ligadas ao turismo sostible nas súas diferentes vertentes (social, económica e

medioambiental) e/ou co cumprimento de Obxectivos de Desenvolvemento Sostible da Axenda 2030 no

ámbito do Turismo.

Os proxectos e iniciativas concretas nas que, de ser o caso, puidese fundamentarse a candidatura

para a recepción deste premio deberán ter carácter actual, desenvolverse no marco dun plan vixente

no momento da candidatura ou ben, como máximo, terse realizado no ano inmediatamente anterior a

esta convocatoria, pero con repercusións vixentes na actualidade.

MODALIDADE C: Premios “…E para comer, Lugo á Gastronomía Lucense”

Poderán presentarse a esta modalidade:

- Empresas, colectivos e profesionais da gastronomía a título individual. Poderán concorrer tamén

persoas ou entidades privadas que teñan realizada unha labor de investigación científica ou

divulgación xornalística da gastronomía lucense, ou que teñan realizado unha aportación destacada

no eido da gastronomía no ano inmediatamente anterior a esta convocatoria ou no ano en curso.

- Produtores individuais, Consellos Reguladores, Indicacións Xeográficas Protexidas,

asociacións de criadores de razas autóctonas e outras entidades similares.

- Entidades públicas ou privadas que baseen a súa candidatura nun evento gastronómico ou de

exaltación de produtos lucenses recoñecido pola súa repercusión e do que sexan organizadoras.

- Os méritos cos que poderán concorrer nesta modalidade deberán estar relacionados con algún

dos seguintes ámbitos:

- O traballo ou traxectoria profesional exemplar.

- As accións de promoción e fomento do consumo de produtos autóctonos, organización de eventos

gastronómicos con produtos locais ou accións similares.

- Os traballos de investigación ou publicacións científicas ou xornalísticas baseadas na

divulgación dos produtos locais, na recuperación de receitas, usos ou costumes tradicionais ligados

á gastronomía lucense e na proposta de accións que exploren novas fórmulas para a combinación de

tradición e vangarda na preparación dos produtos gastronómicos autóctonos. Os datos e conclusións

que se acheguen nestes estudos ou publicacións deberán revestir, segundo o criterio do persoal

membro do Consello Provincial de Turismo, carácter de actualidade na súa temática.

- As accións formativas dirixidas a profesionais da gastronomía baseadas no uso de produtos

locais.

Agás no caso do recoñecemento a unha traxectoria profesional exemplar, os proxectos concretos nos

que, de ser o caso, puidese fundamentarse a candidatura para a recepción destes premios deberán

ter carácter actual, desenvolverse no marco dun plan vixente no momento da candidatura ou ben,

como máximo, terse realizado no ano inmediatamente anterior a esta convocatoria pero con vixencia

na actualidade.

XORNADA SOBRE O PROCEDEMENTO DO ARTIGO 150 DA LEI 9/2017, DO 8 DE NOVEMBRO, DE CONTRATOS DO SECTOR PÚBLICO.

 Escola Galega de Administración Pública

RESOLUCIÓN do 21 de maio de 2025 pola que se convoca a Xornada sobre o procedemento do artigo 150 da Lei 9/2017, do 8 de novembro, de contratos do sector público (LCSP).

Obxectivos e contidos

A Lei 9/2017, do 8 de novembro, de contratos do sector público (en diante, LCSP), trata de garantir que a contratación pública se axuste aos principios de liberdade de acceso ás licitacións, publicidade e transparencia dos procedementos e non discriminación e igualdade de trato entre os licitadores e asegurar, entre outros, a adquisición de bens e a contratación de servizos mediante a exixencia da definición previa das necesidades para satisfacer, a salvagarda da libre competencia e a selección da oferta economicamente máis vantaxosa.

As condutas colusorias en virtude do artigo 1 da Lei 15/2007, do 3 de xullo, de defensa da competencia (en diante, LDC), son calquera tipo de acordo, decisión ou recomendación colectiva, ou práctica concertada ou conscientemente paralela, que teña por obxecto, produza ou poida producir o efecto de impedir, restrinxir ou falsear a competencia.

Os artigos 69.2 e 150.1 LCSP fan referencia á obrigación que ten, con carácter previo á adxudicación do contrato, o órgano de contratación de trasladar os indicios fundados de condutas colusorias que poidan darse no seo de licitacións.

A LCSP pon ao dispor das administracións públicas licitadoras vías para comunicar ás autoridades de competencia condutas colusorias (artigos 132 e 150).

Os contidos da xornada serán os seguintes:

• A contratación pública e a defensa da competencia.

• A articulación dos procedementos dos artigos 132 a 150 da LCSP.

• Estudo de casos reais presentados ante a Comisión Galega da Competencia (en diante, CGC).

• O ámbito de actuación do Tribunal Administrativo de Contratación Pública da Comunidade Autónoma de Galicia (Tacgal) en relación coa competencia.

Persoas destinatarias

Esta actividade está dirixida ao persoal empregado público, en situación de servizo activo ou asimilada, da Administración autonómica galega, das súas entidades públicas instrumentais e da Administración institucional; da Administración local; da Administración de xustiza; das universidades do Sistema universitario de Galicia; así como profesionais e persoas interesadas en xeral.

Desenvolvemento

Data: venres 13 de xuño de 2025.

Modalidade: presencial.

Horario: de mañá.

Horas lectivas: 5.

Lugar: Escola Galega de Administración Pública (EGAP); rúa Madrid, 2-4, Santiago de Compostela.

Número de prazas

Número de prazas limitado á capacidade do local.

Inscrición.

1. As solicitudes de participación nesta actividade formativa só poderán realizarse mediante o formulario de matrícula telemática dispoñible no enderezo <https://egap.xunta.gal/matricula>. As solicitudes entenderanse presentadas unha vez que se complete correctamente o proceso de matriculación.

2. Antes de formalizar a súa inscrición nesta actividade, todas as persoas deberán introducir ou actualizar os datos da súa área de matrícula, de acordo co requirido e establecido na base segunda desta resolución respecto das persoas destinatarias.

3. As persoas interesadas deberán seleccionar primeiro a área en que está integrada esta actividade (Réxime xurídico e actividade financeira das administracións públicas) e despois seleccionar no nome do curso a Xornada sobre o procedemento do artigo 150 da Lei 9/2017, do 8 de novembro, de contratos do sector público (LCSP).

4. As persoas que oculten ou falseen datos esenciais para a selección serán automaticamente excluídas da actividade solicitada e pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.

5. O prazo para a inscrición permanecerá aberto desde as 9.00 horas do primeiro día hábil seguinte ao da publicación desta resolución no Diario Oficial de Galicia ata as 23.59 horas do día 8 de xuño de 2025.

Poderá obterse calquera outra información a través do correo electrónico <novas.egap@xunta.gal> ou, das 9.00 ás 14.00 horas, nos teléfonos 981 54 62 39 e 981 54 62 41.

REDISTRIBUCIÓN DE CRÉDITOS ORZAMENTARIOS DO PROGRAMA XUVENTUDE MENTORING NA EMPRESA 2025

 Consellería de Cultura, Lingua e Xuventude

RESOLUCIÓN do 26 de maio de 2025 pola que se redistribúen os créditos orzamentarios recollidos na Orde do 8 de xaneiro de 2025 pola que se establecen as bases reguladoras para a concesión de subvencións destinadas á realización de programas de estadías formativas en empresas ou entidades vinculadas a sectores económicos estratéxicos de Galicia, destinados ás persoas mozas inscritas e beneficiarias do Sistema nacional de garantía xuvenil no ámbito da Comunidade Autónoma de Galicia, cofinanciados pola Unión Europea no marco do programa FSE+Galicia 2021-2027, e se procede á súa convocatoria para o ano 2025 (programa Xuventude Mentoring na Empresa, código de procedemento BS324D).

AMPLIACIÓN DE PRAZO DE PRESENTACIÓN DE CANDIDATURAS PARA CONCORRER AOS PREMIOS GALEGOS DE ARQUITECTURA, REHABILITACIÓN E ESPECIAL SUSTENTABILIDADE 2025

 Instituto Galego da Vivenda e Solo

RESOLUCIÓN do 23 de maio de 2025 pola que se amplía o prazo de presentación de candidaturas para concorrer aos premios galegos de arquitectura, rehabilitación e especial sustentabilidade 2025, previsto na Resolución do 23 de abril de 2025 pola que se convocan os Premios de Arquitectura e Rehabilitación da Comunidade Autónoma de Galicia 2025 (código de procedemento VI490A).

SUBVENCIÓNS PARA PROXECTOS DE INVESTIGACIÓN E PARA A CREACIÓN DE GRUPOS DE INVESTIGACIÓN EN MATERIA DE COOPERACIÓN PARA O DESENVOLVEMENTO 2025

 Consellería de Presidencia, Xustiza e Deportes

ORDE do 15 de maio de 2025 pola que se aproban as bases reguladoras da concesión de subvencións, en réxime de concorrencia competitiva, para a realización de proxectos de investigación e para a creación de grupos de investigación en materia de cooperación para o desenvolvemento, no marco da Axenda 2030, que executarán os grupos e centros de investigación das universidades galegas, e se procede á súa convocatoria para o ano 2025 (código de procedemento PR815A).

Obxecto

A convocatoria establece as condicións para a concesión de subvencións, en réxime de publicidade, obxectividade e concorrencia competitiva (código de procedemento administrativo PR815A):

a) A realización de proxectos de investigación que teñan como obxectivo a promoción do desenvolvemento humano e sostible, consonte a axenda nacional e internacional de desenvolvemento e, en particular, aliñados cos ODS da Axenda 2030 das Nacións Unidas.

É necesario que os proxectos sexan relevantes para a cooperación para o desenvolvemento e que o seu contido estea claramente relacionado con esta área, sen que sexan financiables nesta convocatoria as colaboracións científicas sen esta dimensión.

b) A creación de grupos de investigación, uni ou multidisciplinares, interuniversitarios ou non, no ámbito da cooperación para o desenvolvemento, que teñan como obxectivo principal a especialización na investigación en cooperación para o desenvolvemento, que consolide liñas de investigación nesta materia no SUG.

Entidades beneficiarias e destinatarios/as

Poderán ser entidades beneficiarias das subvencións as universidades do Sistema universitario de Galicia e as súas entidades dependentes e os seus centros de investigación públicos, e serán destinatarios/as os/as investigadores/as individuais ou equipos e grupos de investigación do Sistema universitario de Galicia (SUG).

Para os efectos destas axudas enténdese por equipo ou grupo de investigación o conxunto do persoal investigador que, baixo a dirección dun deles, desenvolve un proxecto de investigación concreto. Os seus membros deben pertencer ao SUG ou ás súas entidades dependentes, ou aos seus centros de investigación públicos, coa excepción dos considerados nas letras d) e e) deste punto.

O equipo e grupo de investigación poderase constituír co seguinte tipo de membros:

a) Persoal investigador doutor con vinculación estatutaria ou contractual estable no SUG ou nas súas entidades dependentes, ou en centros de investigación públicos. Considéranse dentro desta categoría catedráticos e profesores titulares de universidades ou escolas universitarias, profesores contratados doutores ou axudantes de doutor, contratados dos programas Ramón y Cajal, Juan de la Cierva, Marie Curie e outros similares (sempre que teña adscrición a unha universidade do SUG durante toda a vixencia da axuda).

b) Persoal investigador non doutor con vinculación estatutaria ou contractual no SUG ou nas súas entidades dependentes, ou en centros de investigación públicos, ou mantida, polo menos, durante a vixencia do proxecto.

c) Persoal investigador en formación: persoal con vinculación ao SUG ou ás súas entidades dependentes ou centros de investigación públicos en figuras específicas de formación investigadora, nomeadamente axudantes, persoal contratado en formación, contratados predoutorais ou con cargo a proxecto e bolseiros predoutorais de convocatorias públicas.

d) Investigadores asociados: persoal investigador doutor vinculado a outro organismo de investigación que se considera relevante para o correcto desenvolvemento do proxecto. Inclúese nesta categoría o persoal docente doutor dos centros de ensino non universitario.

e) Persoal de apoio: persoal técnico ou calquera outro persoal contratado para a realización de tarefas de apoio á investigación no desenvolvemento de proxectos concretos de investigación e persoal, sen vinculación a un organismo de investigación, que pertenza a unha das entidades agrupadas ao proxecto ou a unha contraparte, se xustifica que achega unha visión da zona e do tema de traballo imprescindible para a consecución dos obxectivos do proxecto.

O/a investigador/a principal que exerce a dirección dun proxecto e/ou grupo de investigación deberá ser doutor/a e pertencer a algunha das categorías incluídas na letra a) deste punto.

Ningún/ningunha investigador/a individual e/ou membro dos equipos e grupos de investigación poderá presentar máis dun proxecto, aínda que si poderá estar incorporado/a en máis dun equipo ou grupo de investigación no ámbito desta convocatoria.

Tamén poderán acceder ás subvencións os proxectos presentados en agrupación con calquera das entidades definidas como axentes de cooperación segundo o disposto na Lei 10/2021, do 9 de marzo, reguladora da acción exterior e da cooperación para o desenvolvemento de Galicia, e no Decreto 29/2017, do 9 de marzo, de cooperación para o desenvolvemento.

Prazo de presentación de solicitudes

O prazo de presentación de solicitudes será dun mes contado a partir do día seguinte ao da publicación desta convocatoria no Diario Oficial de Galicia.

XORNADA FORMATIVA SOBRE OPORTUNIDADES DE NEGOCIO: CRIANZA DO PORCO CELTA

 

A busca de alternativas produtivas agrogandeiras en Galicia e a súa posible cooperativización  é unha inquedanza constante que o Consello Reitor da Unión de Cooperativas AGACA desexa ofrecer ás persoas que conforman as nosas cooperativas agroalimentarias. É necesario facilitar alternativas produtivas que xeren ingresos para terras en proceso de abandono do noso medio rural, ou mesmo que sexan actividades agrarias ou gandeiras complementarias ás tradicionais actividades desenvoltas polas persoas socias das cooperativas.

 

Por tanto, no marco das axudas da Rede Eusumo e en colaboración con cooperativas, convocamos a Xornada sobre Oportunidade de Negocio de CRIANZA DE PORCO CELTA, que se desenvolverá o día 12 de xuño (xoves) de 2025 en modo ONLINE. Esta Xornada é para tratar de informar, posibilitar, avaliar, asesorar e orientar ás persoas na CRIANZA DO PORCO CELTA e/ou inquedanzas nesta produción e en  obter ingresos económicos do agro, e buscar unha saída económica e/ou laboral no medio rural, ou mesmo para complementar ingresos e actividades que xa están a desenvolver no mesmo ocupando terras e mesmo temporadas de baixa actividade. Na Xornada interveñen persoas expertas neste ámbito, e mesmo persoas e cooperativas que nos contarán a súa experiencia na CRIANZA DE PORCO CELTA. Faremos unha comparativa coa cría de Porco Ibérico, coñeceremos as características da carne de porco celta, coñeceremos os seus efectos sobre o solo e a biodiversidade, coñeceremos proxectos de porco celta e experiencias de comercialización e produción. Achegamos programa previsto.

 

Para poder asistir e participar na Xornada CIANZA DE PORCO CELTA é preciso inscribirse previamente, para aceder á conexión deben inscribirse aquí: https://agaca.coop/gl/porco-celta-2025/ Procedan a inscribirse para recibir o enlace á videoconferencia e poder participar. Pregamos non se esquezan de inscribirse se desexan participar.

PROGRAMA REENCONTROS CON GALICIA 2025

 Consellería de Emprego, Comercio e Emigración

RESOLUCIÓN do 15 de maio de 2025, da Secretaría Xeral da Emigración, pola que se regulan as bases que rexerán o programa de concesión de axudas para a participación no programa Reencontros con Galicia, dirixido a persoas emigrantes maiores de 65 anos que residan en América, e se procede á súa convocatoria para o ano 2025 (código de procedemento EM926G).

Obxecto

1. Esta resolución ten por obxecto aprobar as bases reguladoras polas que se rexerá a concesión de axudas correspondentes ao programa Reencontros con Galicia para o ano 2025, que ten por finalidade facilitarlles ás persoas maiores galegas residentes en América o contacto coa realidade galega actual e o encontro cos seus familiares en Galicia, mediante un período de estadía en Galicia, entre os días 6 e 16 de outubro, e o desenvolvemento dun programa de actividades socioculturais. Co fin de reforzar os lazos familiares, prevese a posibilidade de que os participantes poidan prorrogar a súa estadía, pola súa conta, durante un período aproximado de quince (15) días máis.

As axudas incluirán o financiamento, total ou parcial, do custo dos desprazamentos de ida e volta desde os seus países de residencia ata Galicia, a prestación dos servizos de aloxamento en réxime de pensión completa e as actividades programadas.

2. Así mesmo, é obxecto desta resolución convocar estas axudas para o ano 2025 (código de procedemento EM926G).

3. O procedemento de concesión destas axudas tramitarase en réxime de concorrencia competitiva, de acordo co establecido no artigo 19.1 da Lei 9/2007, do 13 de xuño, no Decreto 11/2009, do 8 de xaneiro, polo que se aproba o Regulamento da referida Lei 9/2007, e demais normativa de aplicación.

Persoas beneficiarias

1. Poderán ser beneficiarias das axudas as persoas solicitantes que cumpran os seguintes requisitos:

a) Ser unha persoa emigrante galega.

b) Posuír a nacionalidade española.

c) Residir en América de maneira continuada, como mínimo, durante os dez (10) últimos anos naturais (2015-2025).

d) Ter 65 anos o 6 de outubro de 2025.

e) Non ter participado nos últimos cinco (5) anos naturais en programas de viaxes a Galicia organizados pola Secretaría Xeral da Emigración, isto é, desde 2020 en diante.

f) Acreditar que se vale por si mesma para realizar as actividades básicas da vida diaria, non padecer trastornos psicofísicos que alteren a normal convivencia, estar en boas condicións físicas para realizar unha viaxe de longa duración e para realizar actividades lúdicas e saídas culturais en autocar polo contorno.

g) Os solicitantes que opten a unha das prazas financiadas ao cen por cento pola Secretaría Xeral da Emigración terán que acreditar que carecen de ingresos suficientes. Considéranse como tales os que superen a contía resultante de multiplicar por dous (2) o importe da base de cálculo da prestación por razón de necesidade que o Goberno español determine para o ano 2025 para cada país ou, no caso de que convivan con outra ou outras persoas nunha mesma unidade económica familiar, a contía determinada pola suma dese límite máximo de ingresos persoais máis o resultado de multiplicar o 70 % da dita cifra polo número de persoas que convivan menos unha.

O resto das persoas solicitantes deben optar por unha das prazas ofertadas na modalidade de copagamento conforme o especificado no anexo I desta convocatoria e aboar, no prazo de dez días contados a partir da publicación da resolución de adxudicación das axudas, a cantidade de 600 € á empresa adxudicataria do servizo dos desprazamentos internacionais.

Prazo de presentación de solicitudes

O prazo de presentación de solicitudes será dun mes, contado desde o día hábil seguinte ao da publicación desta resolución no Diario Oficial de Galicia.

Entenderase como último día do prazo o correspondente ao mesmo ordinal do día da publicación. Se o último día do prazo for inhábil, entenderase prorrogado ao primeiro día hábil seguinte e, se no mes do vencemento non houber día equivalente ao inicial do cómputo, entenderase que o prazo expira o último día do mes.

AXUDAS PARA A CONTRATACIÓN DE PERSOAL ASALARIADO (SEGUNDA PERSOA CONDUTORA) E PARA O PAGAMENTO DAS PÓLIZAS DE SEGUROS NO SECTOR DOS TAXIS E SE CONVOCAN PARA O EXERCICIO 2025

 Consellería de Presidencia, Xustiza e Deportes

ORDE do 15 de maio de 2025 pola que se establecen as bases reguladoras para a concesión de axudas para a contratación de persoal asalariado (segunda persoa condutora) e para o pagamento das pólizas de seguros no sector dos taxis e se convocan para o exercicio 2025 (código de procedemento IF401A).

Obxecto

1. O obxecto desta orde é fixar as bases reguladoras para a concesión de axudas ás persoas titulares de autorizacións de transporte da serie VT-N para o pagamento da póliza do seguro do vehículo e a contratación dunha segunda persoa condutora.

2. Así mesmo, por medio desta orde convócanse as devanditas subvencións para o ano 2025 (código de procedemento IF401A).

Liña 1: axudas para a contratación da póliza de seguro do vehículo.

Liña 2: contratación dunha segunda persoa condutora.

a) Para a liña 1, poderán ser obxecto de subvención as persoas titulares de autorizacións de transporte da serie VT-N domiciliadas en Galicia e que estean vixentes e activas na data de presentación da solicitude e na data da resolución de concesión da axuda.

b) Para a liña 2, poderá ser obxecto de subvención a contratación dunha segunda persoa condutora, a xornada completa e con dedicación exclusiva, realizadas dentro do período subvencionable, que comprende desde o 1 de outubro de 2024 ata o 30 de setembro de 2025, ambas as datas incluídas, polas persoas titulares de autorizacións VT-N domiciliadas en Galicia e que estean vixentes e activas na data da presentación da solicitude e na data da resolución de concesión da axuda.

Para os efectos das letras anteriores, un título habilítante non se considerará activo se figura en suspensión.

Só se subvencionará a contratación dunha segunda persoa condutora por titular de autorización, aínda que o solicitante da axuda poida ser titular de varias autorizacións. A contratación deberá realizarse de conformidade co disposto no artigo 20 e seguintes da Lei 4/2013, do 30 de maio, e os artigos 36 e seguintes do Decreto 103/2018, do 13 de setembro, polo que se aproba o Regulamento da Lei 4/2013, do 30 de maio.

As persoas interesadas poderán solicitar a liña 1 por cada unha das autorizacións das cales sexan titulares. Porén, para a liña 2 só poderán presentar unha solicitude, aínda que sexan titulares de varias autorizacións.

3. O procedemento de concesión das axudas será o de concorrencia non competitiva, de acordo co previsto no artigo 19.2 da Lei 9/2007, do 13 de xuño, de subvencións de Galicia.

Persoas beneficiarias

1. Poderán ser persoas beneficiarias das axudas, sen prexuízo de reuniren os demais requisitos establecidos nestas bases, as persoas físicas titulares de autorizacións administrativas de transporte vixentes, documentadas en tarxetas da serie VT-N, expedidas pola Dirección Xeral de Mobilidade ou polos servizos de Mobilidade competentes.

2. Para xeraren dereito á axuda, as autorizacións indicadas no punto anterior deberán axustarse ás seguintes regras:

Terán que estar domiciliadas en Galicia.

Deberán estar vixentes e activas no momento da presentación da solicitude.

Prazo de presentación de solicitudes

O prazo de presentación de solicitudes comezará a contar a partir do sétimo día hábil seguinte ao da publicación no Diario Oficial de Galicia e rematará o 30 de setembro de 2025.

Outros datos

A presentación das solicitudes realizarase unicamente por medios electrónicos a través do formulario normalizado co código de procedemento IF401A, dispoñible na sede electrónica da Xunta de Galicia, https://sede.xunta.gal

Para presentar as solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Este modelo irá acompañado, ademais, da documentación relacionada no artigo 6, que necesariamente se deberá anexar en formato electrónico.

PROGRAMA DE PRÁCTICAS ACADÉMICAS EN INICIATIVAS EMPRESARIAIS NO CURSO 2024/25

Universidade de Vigo

EXTRACTO da Resolución do 20 de maio de 2025 pola que se convoca o Programa de prácticas académicas en iniciativas empresariais emerxentes no curso 2024/25.

Obxecto

O obxecto desta convocatoria é fomentar a cultura emprendedora no estudantado universitario a través da realización de prácticas académicas, curriculares ou extracurriculares, nunha iniciativa empresarial de recente creación, de modo que poidan ver o emprendemento como unha oportunidade para o desenvolvemento do seu futuro profesional.

Persoas beneficiarias

Alumnado que está matriculado nunha das titulacións oficiais de grao ou de máster universitario no curso 2024/25 da Universidade de Vigo

Prazo de presentación de solicitudes

Desde o 21 de maio ata o 4 de xuño de 2025.

XVIII FEIRA DA EMPANADA 2025

 

AMPLIACIÓN DE PRAZO DE SOLICITUDE DO PROGRAMA RETORNA TALENTO FP

Consellería de Educación, Ciencia, Universidades e Formación Profesional

ORDE do 20 de maio de 2025 pola que se acorda a ampliación do prazo para a presentación de solicitudes no procedemento regulado na Orde do 24 de marzo de 2025 pola que se establecen as bases reguladoras e se convoca o programa Retorna Talento FP, para persoas galegas residentes no estranxeiro interesadas en retornar e cursar determinados estudos de formación profesional que se inicien no ano 2025 en centros educativos de Galicia (código de procedemento ED333B).

CATRO BOLSAS DE COLABORACIÓN EN PROXECTOS DE INVESTIGACIÓN DO CONSELLO DA CULTURA GALEGA

 Consello da Cultura Galega

RESOLUCIÓN do 8 de maio de 2025 pola que se aproban as bases que rexerán a convocatoria pública de catro bolsas de colaboración en proxectos de investigación que se están a desenvolver nesta entidade e se anuncia a súa convocatoria (código de procedemento PR970B).

Obxecto e destinatarios

Esta resolución ten como obxecto o establecemento das bases reguladoras e as condicións que rexerán a convocatoria de catro bolsas de colaboración en proxectos de investigación concretos que se están a desenvolver no Consello da Cultura Galega (código de procedemento PR970B).

Esta convocatoria está dirixida ás persoas con titulación universitaria (licenciatura e grao) con perfil investigador.

Os proxectos concretos inclúense nos anexos II (Unidade de Publicacións), III (Área de Documentación) e IV (Unidade de Divulgación de Contidos e Difusión) a esta resolución e neles detállanse os requisitos específicos que deben reunir as persoas solicitantes, coa finalidade de contribuír á especialización na súa formación académica, profesional e investigadora.

As bolsas reguladas nesta resolución concederanse en réxime de concorrencia competitiva e baixo os principios de publicidade, obxectividade, transparencia, igualdade, non discriminación, eficacia e eficiencia.

Duración

As bolsas darán comezo coa incorporación da persoa seleccionada, tal e como dispón a base décimo cuarta desta convocatoria. A data estimada de comezo é o 1 de setembro de 2025 e rematarán, en calquera caso, o 31 de agosto de 2026; terán unha duración máxima de doce (12) meses.

A data de incorporación ao centro establecerase na notificación da adxudicación da bolsa. As persoas que non se incorporen no prazo establecido perderán os dereitos inherentes á bolsa concedida, agás causa xustificada de atraso apreciada pola Presidencia do Consello da Cultura Galega.

Requisitos xerais

Poderán solicitar estas bolsas ou ser persoas beneficiarias delas as persoas en que non concorra ningunha das circunstancias especificadas no artigo 10 da Lei 9/2007, do 13 de xuño, de subvencións de Galicia, e sempre que reúnan, ademais dos requisitos específicos que para cada bolsa se sinalen nos anexos desta resolución, os seguintes requisitos xerais, que deberán posuír no momento de rematar o prazo de presentación de solicitudes:

a) Posuír a nacionalidade española ou ser nacional dun país membro da Unión Europea.

b) Estar en posesión da titulación universitaria requirida para o proxecto á cal presenten a solicitude. A persoa solicitante deberá estar en posesión do título ou acreditar o pagamento dos dereitos para a súa expedición ao remate do prazo de presentación de solicitudes, e ter rematados os estudos conducentes a el no curso académico 2013/14 ou posterior.

c) Acreditar o coñecemento da lingua galega no nivel de perfeccionamento ou Celga 4, agás os que acrediten estar en posesión do título de licenciatura ou grao en filoloxía galega, galego e portugués, lingua e literatura galegas e tradución e interpretación.

d) Non resultar persoa beneficiaria dunha bolsa de colaboración convocada polo Consello da Cultura Galega en convocatorias anteriores durante un prazo superior a doce (12) meses.

e) Posuír unha nota media no seu expediente académico igual ou superior a 6 puntos, calculada de acordo cos parámetros publicados pola Resolución da Secretaría Xeral Técnica da Consellería de Educación e Ordenación Universitaria do 15 de setembro de 2011 (DOG núm. 188, do 30 de setembro).

As persoas solicitantes que cursasen os seus estudos en universidades non pertencentes ao Sistema universitario de Galicia e posúan certificación académica nun idioma distinto do galego ou do castelán, deberán xuntar a correspondente tradución xurada. A certificación do expediente académico indicará: a data de iniciación e de remate dos estudos, os créditos superados e as cualificacións obtidas. Deberá axustarse aos criterios estatais, tanto aos do Real decreto 1125/2003, do 5 de setembro, polo que se establece o sistema europeo de créditos e o sistema de cualificacións nas titulacións universitarias de carácter oficial e validez en todo o territorio nacional (BOE núm. 224, do 18 de setembro), como aos que deben incluírse no suplemento europeo ao título (SET); e a nota media do expediente académico calcularase de acordo cos parámetros fixados pola devandita Resolución do 15 de setembro de 2011.

Presentación de solicitudes e prazo

A capacidade técnica e formación das persoas ás cales van dirixidas estas bolsas permítenlle o acceso e dispoñibilidade dos medios electrónicos necesarios para se relacionaren por este medio co sector público autonómico. Polo tanto, ao abeiro do artigo 14.2 da Lei 39/2015, do 1 de outubro, do procedemento administrativo común das administracións públicas, e do artigo 10.2 e 3 da Lei 4/2019, do 14 de xullo, de administración dixital de Galicia, as solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal

De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos considerarase como data de presentación da solicitude aquela en que fose realizada a emenda.

Para a presentación electrónica das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e Chave365 (https://sede.xunta.gal/chave365).

O prazo de presentación de solicitudes e da documentación sinalada na base sexta será de un (1) mes contado a partir do día seguinte ao da publicación desta convocatoria no Diario Oficial de Galicia. Para estes efectos entenderase como último día do prazo o correspondente ao mesmo ordinal do día da publicación. Se o último día do prazo for inhábil, entenderase prorrogado ao primeiro día hábil seguinte.

OBRADOIRO DE FACTURA ELECTRÓNICA E FICHAXE DE EMPREGADOS

 Esta sesión técnica, organizada desde el Polo A Fonsagrada, tiene como objetivo acompañar a las pequeñas empresas y personas emprendedoras del territorio en la adaptación a las nuevas obligaciones legales que afectan a la gestión de la facturación y el registro de jornada laboral. Será un espacio informativo y participativo en el que resolver dudas, compartir experiencias y conocer cómo aplicar estas herramientas con seguridad y eficacia.

 

La actividad incluye contenido teórico actualizado, ejemplos prácticos y un espacio final de networking para fomentar el contacto entre negocios de la comarca.

 

En esta actividad trabajarás:

• Qué es la factura electrónica y cuáles son sus obligaciones legales.

• Fechas clave y pasos para ponerla en marcha.

• Ventajas de la factura electrónica para pequeñas empresas.

• Qué implica el registro de fichaje de personal y cómo aplicarlo.

• Espacio de preguntas y resolución de casos prácticos.

• Networking con otros negocios de la zona.

 

Programa:

16:00h – Presentación del evento
16:05h – Presentación del Polo y de los servicios disponibles
16:10h – Presentación de las personas participantes
16:20h – Exposición teórica:
• Factura electrónica y fichaje de personal: obligaciones, plazos, ventajas e implementación
18:30h – Sesión abierta de preguntas
19:15h – Café Networking

 

Si tienes un negocio o estás emprendiendo, esta es una ocasión perfecta para ponerte al día, resolver dudas y hacer comunidad empresarial. ¡Inscríbete ya!

AXUDAS A CENTROS ESPECIAIS DE EMPREGO CO FIN DE PROMOVER A INTEGRACIÓN LABORAL DAS PERSOAS CON DISCAPACIDADE E DO PROGRAMA DE INCENTIVOS ÁS EMPRESAS DE INSERCIÓN E ÁS SÚAS ENTIDADES PROMOTORAS 2025

 Consellería de Emprego, Comercio e Emigración

ORDE do 16 de maio de 2025 pola que se establecen as bases reguladoras das axudas a centros especiais de emprego co fin de promover a integración laboral das persoas con discapacidade e do programa de incentivos ás empresas de inserción e ás súas entidades promotoras, e se procede á súa convocatoria para o ano 2025 (códigos de procedemento TR341K, TR341E, TR341N, TR341M, TR341V, TR356A e TR356C).

Obxecto

Programa I.

O obxecto deste programa é subvencionar os custos salariais e de seguridade social a cargo da empresa derivados da contratación indefinida das persoas traballadoras das unidades de apoio á actividade profesional, no marco dos servizos de axuste persoal e social dos CEE, previstas no artigo 43 do texto refundido da Lei xeral de dereitos das persoas con discapacidade e da súa inclusión social, como instrumentos de modernización destes servizos de axuste.

Programa II.

O obxecto deste programa é incentivar a creación de postos de traballo estables e financiar as adaptacións dos postos de traballo que precisen os CEE no seu proceso de creación ou de mellora e diversificación produtiva.

Programa III.

O obxecto deste programa é axudar os CEE para financiar o custo salarial de todas as persoas traballadoras con discapacidade contratadas en centros de traballo do territorio da Comunidade Autónoma de Galicia.

Programa IV.

Este programa ten por obxecto subvencionarlles parcialmente ás empresas de inserción os custos salariais das persoas traballadoras en situación ou en risco de exclusión social incluídas no artigo 60 desta orde.

Programa V.

Este programa ten por obxecto compensar os custos adicionais do emprego de persoas en risco ou situación de exclusión social.

Persoas beneficiarias

Programas I, II e III.

Poderán ser beneficiarios das subvencións que se regulan nesta orde os CEE que, na data da solicitude da subvención, figuren rexistrados como tales no Rexistro Administrativo de Centros Especiais de Emprego de Galicia, de acordo co disposto no Decreto 200/2005, do 7 de xullo, polo que se regula a autorización administrativa e a inscrición no Rexistro Administrativo de Centros Especiais de Emprego de Galicia, e a súa organización e funcionamento, sempre que cumpran as condicións e os requisitos establecidos para cada tipo de axuda. Igualmente, os centros de traballo para os cales se solicite subvención deberán contar coa autorización administrativa prevista no artigo 7 do dito decreto; para os efectos desta subvención, admitiranse os centros de traballo que presentasen a solicitude ao rexistro competente para outorgar a autorización administrativa.

Para seren beneficiarios das subvencións que se regulan no Programa I, os CEE da Comunidade Autónoma de Galicia deben cumprir, ademais, os seguintes requisitos:

a) Que formen parte do seu cadro de persoal as persoas traballadoras co tipo e grao de discapacidade establecido no artigo 5.2, letras a) e b), desta orde. No caso de contratos a tempo parcial, deberán subscribirse por un mínimo do 25 % da xornada a tempo completo.

b) Que dispoñan de unidades de apoio á actividade profesional que teñan a composición establecida no artigo 39 desta orde. Para seren subvencionables, os contratos das persoas que formen parte da unidade de apoio deben cumprir coa legalidade vixente e ser indefinidos. Ademais, a prestación de traballo mínima subvencionable é de seis (6) meses. No caso de contratos a tempo parcial, deberán subscribirrse por un mínimo do 25 % da xornada a tempo completo.

Programas IV e V.

As entidades promotoras de empresas de inserción e as empresas de inserción rexistradas como tales no Rexistro Administrativo das Empresas de Inserción de Galicia, de acordo co disposto no Decreto 178/2022, do 15 de setembro, polo que se regula o procedemento para a cualificación das empresas de inserción de Galicia e o seu rexistro administrativo, sempre que cumpran as condicións e os requisitos establecidos nela para os distintos tipos de axudas.

Neste sentido, será válida a cualificación provisional. Con todo, se no momento da xustificación e/ou pagamento a cualificación provisional queda sen efecto e a entidade non obtén a cualificación definitiva, procederá a revogación das subvencións concedidas, así como o reintegro total das cantidades percibidas e a exixencia do xuro de demora correspondente desde o momento do pagamento da subvención ata a data en que se acorde a procedencia do reintegro.

Prazo de presentación de solicitudes

O prazo de presentación de solicitudes para os programas I, II e III será dun mes, contado desde o oitavo día hábil seguinte ao da súa publicación no Diario Oficial de Galicia.

O prazo de presentación de solicitudes para os programas IV e V será desde o oitavo día hábil ao da publicación desta orde no Diario Oficial de Galicia e ata o 30 de setembro de 2025.

BASES REGULADORAS PARA PROMOVER A PRIMEIRA EXPERIENCIA PROFESIONAL DAS PERSOAS MOZAS MENORES DE 30 ANOS MEDIANTE CONTRATOS FORMATIVOS, 2025

 Consellería de Emprego, Comercio e Emigración

ORDE do 5 de maio de 2025 pola que se aproban as bases reguladoras para promover a primeira experiencia profesional das persoas mozas menores de 30 anos mediante contratos formativos, e se procede á súa convocatoria para o ano 2025 (código de procedemento TR353C).

Obxecto

Esta convocatoria ten por obxecto fixar as bases reguladoras e proceder á convocatoria, para o ano 2025, de subvencións para a contratación por conta allea que realicen as empresas e persoas empregadoras para facilitarlles a mozas e mozos menores de 30 anos en situación de desemprego unha primeira experiencia profesional mediante contratos formativos (código de procedemento TR353C).

Persoas empregadoras e empresas beneficiarias

Poderán ser persoas e empresas beneficiarias dos incentivos previstos nesta orde as persoas empregadoras e as empresas, calquera que sexa a forma xurídica que adopten, incluídas as persoas autónomas, as comunidades de bens e sociedades civís que contraten persoas mozas traballadoras por conta allea para prestaren servizos en centros de traballo radicados na Comunidade Autónoma de Galicia, de acordo cos requisitos e condicións que se establecen nesta orde.

Tamén poden ser beneficiarios os centros especiais de emprego e as empresas de inserción laboral que contraten persoas mozas traballadoras por conta allea para prestaren servizos en centros de traballo radicados na Comunidade Autónoma de Galicia, excepto para subscribir contratos con persoas con discapacidade e contratos con persoas en situación ou risco de exclusión social, respectivamente.

Gastos subvencionables

Serán subvencionables ao abeiro deste programa as contratacións por conta allea de persoas mozas mediante a subscrición de:

– Contratos para a obtención da práctica profesional.

– Contratos de formación en alternancia.

Os contratos terán unha duración mínima de doce (12) meses e deberán ser a xornada completa.

O período durante o cal se teñen que realizar os contratos formativos para que sexan subvencionables comprende desde o 16 de outubro de 2024 ata o 15 de outubro de 2025

Contía dos incentivos

As contías máximas do incentivo á contratación por doce (12) meses a xornada completa que se concederán con carácter xeral serán as seguintes:

a) Incentivo á contratación para as persoas mozas contratadas nos grupos de cotización 1 e 2: 16.625 €.

b) Incentivo á contratación para as persoas mozas contratadas nos grupos de cotización 3 a 7: 13.300 €.

c) Incentivo á contratación para as persoas mozas contratadas nos grupos de cotización 8 a 11: 9.975 €.

Presentación de solicitudes e prazo

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal

O prazo xeral para a presentación das solicitudes das axudas establecidas nesta orde comezará o sétimo día natural despois da súa publicación no Diario Oficial de Galicia e rematará o 30 de setembro de 2025.

AXUDAS DO PROGRAMA RESPIRO FAMILIAR 2025

 Consellería de Política Social e Igualdade

ORDE do 2 de maio de 2025 pola que se establecen as bases reguladoras da concesión de axudas económicas ás familias con persoas en situación de dependencia ou con discapacidade a través do programa Respiro familiar para persoas coidadoras e se procede á súa convocatoria para o ano 2025 (código de procedemento BS614B).

Obxecto

Esta orde ten por obxecto establecer as bases reguladoras polas cales se rexerá a concesión de axudas económicas, en réxime de concorrencia non competitiva, destinadas a persoas coidadoras dentro do programa Respiro familiar para persoas coidadoras para o exercicio 2025 (código de procedemento BS614B), así como realizar a súa convocatoria.

Persoas beneficiarias

Poderán ser beneficiarias das axudas deste programa aquelas persoas coidadoras habituais non profesionais que atendan de forma continuada unha ou máis persoas dependentes ou con discapacidade ou en situación de necesidade de terceiros para as actividades da vida diaria, acreditada mediante informe médico e social.

Requisitos para acceder á subvención

1. Para que a persoa coidadora sexa beneficiaria da subvención é necesario que concorran os seguintes requisitos:

a) Que a persoa coidadora solicitante da subvención e a persoa ou persoas que ela atenda, sexan residentes na Comunidade Autónoma de Galicia.

b) Que a persoa que se atende se encontre nalgunha das seguintes situacións:

1º. Discapacidade física, psíquica ou mental con necesidade de axuda de terceiras persoas para as actividades da vida diaria, e ter recoñecida polo organismo competente unha discapacidade en grao igual ou superior ao 75 %.

2º. Ter recoñecida a situación de dependencia polo organismo competente nos graos II ou III.

3º. Que a persoa que se atende, no caso de non encontrarse nas situacións enumeradas nos ordinais anteriores, presente unha situación de necesidade de terceiros para as actividades da vida diaria, acreditada mediante informe médico e social.

2. Ademais, as persoas coidadoras, para seren beneficiarias da subvención, teñen que cumprir os requisitos establecidos no artigo 10 da Lei 9/2007, do 13 de xuño.

Prazo de presentación de solicitudes

O prazo para presentar as solicitudes comezará a partir do día seguinte ao da publicación desta orde no Diario Oficial de Galicia e finalizará o 15 de outubro de 2025.

Cando o último día do prazo sexa inhábil, entenderase prorrogado ao primeiro día hábil, segundo o artigo 30.5 da Lei 39/2015, do 1 de outubro, do procedemento administrativo común das administracións públicas.

SUBVENCIÓNS PARA A EXECUCIÓN DE PROXECTOS DE COOPERACIÓN PARA O DESENVOLVEMENTO NO EXTERIOR 2025

 Consellería de Presidencia, Xustiza e Deportes

ORDE do 8 de maio de 2025 pola que se aproban as bases reguladoras da concesión de subvencións, en réxime de concorrencia competitiva, para a execución de proxectos de cooperación para o desenvolvemento no exterior promovidos polos axentes de cooperación e se procede á súa convocatoria para o ano 2025 (código de procedemento PR803D).

Obxecto

Estas bases regulan a concesión de subvencións, en réxime de concorrencia competitiva, para a execución de proxectos de cooperación para o desenvolvemento no exterior promovidos polos axentes de cooperación (código de procedemento PR803D).

Exclúense destas bases os proxectos que teñan como obxecto a acción humanitaria e os de carácter asistencial que non poidan asegurar a súa viabilidade cando cese o financiamento externo.

Entidades beneficiarias

As entidades beneficiarias da concesión de subvencións serán as entidades recoñecidas como axentes de cooperación para o desenvolvemento pola Lei 10/2021, do 9 de marzo, reguladora da acción exterior e da cooperación para o desenvolvemento de Galicia, ben individualmente ou ben mediante unha agrupación de entidades (código de procedemento PR803D):

– Organizacións non gobernamentais para o desenvolvemento.

– As universidades do Sistema universitario galego e as súas entidades dependentes e centros de investigación públicos.

– As cooperativas, empresas e asociacións empresariais.

– As organizacións sindicais.

– Comunidades galegas no exterior.

– Outros axentes sociais ou entidades que teñan entre os seus fins a realización de actividades de cooperación para o desenvolvemento.

Non se considerará agrupación de entidades a aquela que estea formada por unha asociación ou federación á cal pertenza a devandita entidade, ou aquela en que os órganos de goberno sexan coincidentes, total ou parcialmente, en todas as entidades agrupadas. Así mesmo, non terá a condición de entidade agrupada aquela que non participe economicamente na xestión do proxecto, ben con cargo á subvención ou ben con aportes propios.

Prazo de presentación de solicitudes

O prazo de presentación de solicitudes será dun mes, contado a partir do día seguinte ao da publicación desta orde no Diario Oficial de Galicia.

OPORTUNIDADES DE NEGOCIO: CULTIVO DE CÁNABO

 

OFERTA DE EMPREGO PÚBLICO DO PERSOAL TÉCNICO, DE XESTIÓN E DE ADMINISTRACIÓN E SERVIZOS PARA O ANO 2025.

 Universidade de Santiago de Compostela

RESOLUCIÓN do 8 de maio de 2025 pola que se publica a oferta de emprego público do persoal técnico, de xestión e de administración e servizos para o ano 2025.

CONSUMÓPOLIS 20: SABES O QUE CONSOMES?

 Instituto Galego do Consumo e da Competencia

RESOLUCIÓN do 15 de maio de 2025, conxunta da Consellería de Educación, Ciencia, Universidades e Formación Profesional e do Instituto Galego do Consumo e da Competencia, pola que se convoca a fase autonómica do concurso sobre consumo responsable e calidade de vida: Consumópolis 20: Sabes o que consomes? Únete a un consumo máis consciente e solidario (código de procedemento IN114A).

Obxecto

Convocar e regular a fase autonómica do concurso do curso escolar 2024/25 Consumópolis 20 sobre consumo responsable e calidade de vida, que leva por título: Sabes o que consomes? Únete a un consumo máis consciente e solidario (código de procedemento IN114A).

Persoas beneficiarias

1. Poderán participar nesta fase autonómica todos aqueles equipos constituídos por cinco alumnos ou alumnas que cursen estudos de 5º ou 6º de educación primaria ou de 1º, 2º, 3º ou 4º de educación secundaria obrigatoria ou formación profesional básica en calquera centro público, concertado ou privado da Comunidade Autónoma de Galicia.

2. No caso dos colexios rurais agrupados (CRA) e as escolas unitarias que, polas súas especiais circunstancias xeográficas ou demográficas, teñan dificultades para conformar os equipos unicamente con alumnado de 5º e 6º cursos de educación primaria poderán completar os ditos equipos con alumnado doutros cursos de educación primaria.

Prazo de presentación de solicitudes

O prazo para a presentación das solicitudes comezará o día seguinte ao da publicación desta resolución no Diario Oficial de Galicia e rematará o día 23 de maio de 2025.

BONOS ACTIVA COMERCIO 2025

 Consellería de Emprego, Comercio e Emigración

ORDE do 30 de abril de 2025 pola que se establecen as bases reguladoras para a concesión no ano 2025 das axudas, en réxime de concorrencia non competitiva, do Programa de dinamización e incentivación do consumo nos comercios retallistas da Comunidade Autónoma de Galicia a través dos bonos Activa comercio, e se procede á apertura do prazo para a adhesión dos comercios (código de procedemento CO301B).

Obxectivos

O obxectivo do programa bonos Activa comercio é incentivar a demanda comercial, axudando economicamente as persoas consumidoras, así como fomentar o consumo nos establecementos comerciais retallistas adheridos á campaña.

Ademais, o programa ten como finalidades propiciar o fortalecemento do sector comercial retallista da Comunidade Autónoma de Galicia, dinamizar a actividade comercial promovendo as compras de bens en comercios, mellorar o fondo de manobra dos establecementos comerciais e paliar o impacto negativo derivado da actual situación inflacionista.

Entidade colaboradora

A entrega e a distribución dos fondos das axudas farase coa entidade colaboradora seleccionada ao abeiro da Orde do 28 de marzo de 2025 pola que se convoca o procedemento de concorrencia para a selección dunha entidade colaboradora para a entrega e distribución dos fondos das axudas do Programa de dinamización e incentivación do consumo nos comercios retallistas da Comunidade Autónoma de Galicia a través dos bonos Activa comercio (código de procedemento CO301A) (DOG núm. 68, do 8 de abril).

Actividade subvencionable

1. Por medio desta orde subvencionarase a compra de bens, a través dos bonos Activa comercio, nos establecementos comerciais retallistas de Galicia adheridos ao programa.

2. As vendas subvencionadas serán as que se realicen nas datas fixadas nas correspondentes ordes de convocatoria de cada unha das edicións do programa bonos Activa comercio.

3. Cada bono terá a consideración de bono desconto por un valor de ata 30 € para as compras realizadas nos comercios adheridos. Poderase usar cada bono ata o seu esgotamento ou, no seu caso, ata o esgotamento do crédito dispoñible no programa.

O importe do bono irase reducindo en función do valor da compra realizada de acordo cos seguintes criterios:

– Desconto de 5 € en compras iguais ou superiores a 20 € e inferiores a 30 €.

– Desconto de 10 € en compras iguais ou superiores a 30 € e inferiores a 50 €.

– Desconto de 15 € en compras iguais ou superiores a 50 €.

Todas estas contías enténdense co IVE incluído.

4. Os bonos Activa comercio non se poderán utilizar para a adquisición de tarxetas regalo, vales, bonos ou similares.

Persoas beneficiarias

Poderán ser persoas beneficiarias das axudas as persoas físicas maiores de idade e residentes na Comunidade Autónoma de Galicia que realicen as actuacións establecidas no artigo 5 destas bases reguladoras. Para ser beneficiarias terán que tramitar as súas solicitudes conforme o establecido nesta orde.

Alta e requisitos dos comercios para a adhesión ao programa

1. Os establecementos comerciais retallistas que desexen adherirse ao programa bonos Activa comercio deberán rexistrarse na web www.bonosactivacomercio.gal indicando a seguinte información:

▪ Nome e apelidos ou razón social.

▪ Establecemento comercial en Galicia.

▪ NIF.

▪ Nome, apelidos e DNI ou NIE da persoa representante.

▪ Nome comercial.

▪ Enderezo do establecemento comercial.

▪ Número de teléfono móbil.

▪ Correo electrónico.

▪ IAE principal (incluído no anexo I).

▪ IBAN da conta bancaria.

▪ Páxina web do establecemento comercial.

2. A adhesión ao programa bonos Activa comercio será única para todas as edicións do programa que se convoquen no ano 2025.

O prazo de adhesión comprenderá desde o día seguinte á publicación desta orde no Diario Oficial de Galicia ata o 15 de decembro de 2025 ou, no seu caso, ata o esgotamento do crédito da última edición convocada.

3. Poderán adherirse ao programa bonos Activa comercio os establecementos comerciais retallistas que cumpran os seguintes requisitos:

a) Que desenvolvan a súa actividade comercial en Galicia (establecemento comercial en Galicia) e reúnan as condicións legalmente establecidas para o exercicio da súa actividade.

b) Que sexan persoas empresarias autónomas ou pequenas e medianas empresas de conformidade co previsto no Regulamento (UE) nº 651/2014 da Comisión, do 17 de xuño de 2014.

c) Que estean dados de alta nalgún dos grupos ou epígrafes do IAE recollidos no anexo I desta orde.

4. A alta e o uso da aplicación polas persoas comerciantes suporá a aceptación das condicións do seu uso e da política de privacidade conforme ao Regulamento (UE) nº 2016/679 do Parlamento Europeo e do Consello do 27 de abril de 2016, relativo á protección das persoas físicas no que respecta ao tratamento de datos persoais e á libre circulación destes datos e polo que se derroga a Directiva 95/46/CE (Regulamento xeral de protección de datos) e á Lei orgánica 3/2018, do 5 de decembro, de protección de datos persoais e garantía dos dereitos dixitais, da que serán informadas convenientemente.

5. Na alta para a adhesión ao programa as persoas comerciantes poderán outorgar a súa autorización para recibir información das axudas, actuacións e programas que poña en marcha a Dirección Xeral de Comercio e Consumo.

6. As persoas comerciantes deberán asinar dixitalmente a declaración responsable, manifestando o cumprimento das condicións establecidas e a veracidade dos datos indicados, sen prexuízo de cantas outras formalidades estean obrigadas a cumprir. A Dirección Xeral de Comercio e Consumo poderá comprobar e, no seu caso, solicitar en calquera momento os documentos acreditativos dos mencionados requisitos.

7. Non se admitirán nin se terán en conta as solicitudes presentadas por establecementos que non cumpran coas anteriores condicións nin coa forma establecida nesta orde.

8. O nome comercial e a localización dos establecementos retallistas adheridos ao programa bonos Activa comercio farase pública na web www.bonosactivacomercio.gal

9. As persoas comerciantes adheridas ao programa recibirán cunha periodicidade semanal, na conta bancaria indicada para tal efecto, a cantidade equivalente aos bonos trocados no seu establecemento, agás no suposto previsto no artigo 20 destas bases reguladoras.

Presentación da solicitude dos bonos

1. Para a solicitude e a obtención dos bonos, cada persoa usuaria deberá darse de alta na web www.bonosactivacomercio.gal indicando a seguinte información:

a) Nome e apelidos.

b) Maioría de idade.

c) DNI ou NIE.

d) Localidade de residencia (código postal).

e) Número de teléfono móbil.

f) Correo electrónico.

2. O uso da páxina web e a descarga dos bonos polas persoas usuarias suporá a aceptación das condicións do seu uso e da política de privacidade conforme o Regulamento (UE) nº 2016/679 do Parlamento Europeo e do Consello do 27 de abril de 2016, relativo á protección das persoas físicas no que respecta ao tratamento de datos persoais e á libre circulación de estes datos e polo que se derroga a Directiva 95/46/CE (Regulamento xeral de protección de datos) e á Lei orgánica 3/2018, do 5 de decembro, de protección de datos persoais e garantía dos dereitos dixitais, da que serán informadas convenientemente.

3. As persoas usuarias deberán declarar responsablemente a veracidade dos datos indicados. A Dirección Xeral de Comercio e Consumo poderá solicitar, en calquera momento, os documentos acreditativos dos mencionados requisitos.

4. Así mesmo, as persoas usuarias deberán declarar responsablemente que están ao día do cumprimento das obrigas coa Facenda Pública do Estado e da Administración autonómica, así como coa Seguridade Social.

5. Opcionalmente, os bonos poderán solicitarse presencialmente na Dirección Xeral de Comercio e Consumo e nos departamentos territoriais da Consellería de Emprego, Comercio e Emigración.

As persoas interesadas, ou os/as seus/súas representantes, poderán autorizar expresamente aos/ás empregados/as para a solicitude e a obtención dos bonos en formato papel. Neste suposto deberase acreditar a representación expresa por calquera medio válido en dereito que deixe constancia fidedigna ou mediante declaración responsable en comparecencia persoal da persoa interesada ante o/a funcionario/a da Administración.

Condicións de uso dos bonos

1. En cada unha das edicións convocadas do programa bonos Activa comercio, cada persoa beneficiaria disporá dun único bono que poderá ser usado nun ou varios dos comercios retallistas adheridos ao programa.

2. Cada bono terá un valor de ata 30 €. En función do importe das compras, poderán obterse os seguintes descontos:

– Desconto de 5 € en compras iguais ou superiores a 20 € e inferiores a 30 €.

– Desconto de 10 € en compras iguais ou superiores a 30 € e inferiores a 50 €.

– Desconto de 15 € en compras iguais ou superiores a 50 €.

Todas estas contías enténdense co IVE incluído.

3. A validez dos bonos estenderase ata a finalización do período previsto nas correspondentes ordes de convocatoria de cada unha das edicións do programa.

4. A través da plataforma tecnolóxica do programa, os/as comerciantes terán á súa disposición a información necesaria e poderán consultar o histórico das súas vendas, os bonos xa trocados, os abonos feitos pola entidade colaboradora e os demais detalles de cada operación.

5. En caso de devolución do ben ou bens comprados, o importe da compra poderá ser trocado por outra compra de prezo igual ou superior ou por un vale sen caducidade polo importe correspondente. O/a comerciante non poderá abonar á persoa consumidora, en ningún caso, diñeiro en efectivo ou na tarxeta de crédito.

6. Non será aplicable o troco dos bonos para as compras en liña.

Data de descarga dos bonos

Os bonos estarán dispoñibles na web www.bonosactivacomercio.gal para a súa descarga polas persoas usuarias durante o período de tempo previsto nas correspondentes ordes de convocatoria de cada unha das edicións do programa.

AXUDAS GALICIA EXPORTA EMPRESAS 2025

 Instituto Galego de Promoción Económica

RESOLUCIÓN do 6 de maio de 2025 pola que se dá publicidade do acordo do Consello de Dirección que aproba as bases reguladoras das axudas para a execución de accións de promoción exterior das empresas galegas (Galicia Exporta Empresas 2025), cofinanciadas pola Unión Europea no marco do programa Galicia Feder 2021-2027, e se procede á súa convocatoria para o ano 2025, en réxime de concorrencia non competitiva (código de procedemento IG622A).

Obxecto

As axudas concédense en réxime de concorrencia non competitiva e teñen por obxecto facilitar a internacionalización das empresas galegas que aínda non exportan ou que contan cunha baixa presenza exterior, así como apoiar as que xa están internacionalizadas para que non só manteñan a súa presenza nos mercados exteriores, senón que a amplíen. Para iso ofrécense axudas que lles permitan aumentar a súa presenza internacional, expandíndose a novos países e diversificando os sectores en que operan. Ademais, considérase adecuado apoiar as pemes galegas que, operando en Galicia, buscan captar clientes estranxeiros, incluíndo tamén como posibles beneficiarias as empresas que estean inmersas en procesos de internacionalización inversa.

Persoas beneficiarias

Poderán ser beneficiarias as empresas, incluídos os autónomos, que cumpran os seguintes requisitos:

a) Que cumpran coa definición de peme segundo o anexo I do Regulamento (UE) nº 651/2014, polo que se declaran determinadas categorías de axuda compatibles co mercado común en aplicación dos artigos 107 e 108 do Tratado (Regulamento xeral de exención por categorías).

b) Que teñan algún centro de traballo radicado na Comunidade Autónoma de Galicia, e que conten no devandito centro con polo menos un traballador por conta allea, na data de publicación no DOG destas bases de axudas. Este último requisito non é aplicable a startups con certificación de Enisa en vigor e aquelas empresas constituídas con menos de 42 meses de antigüidade na data de publicación das bases de axudas.

c) Que estean dadas de alta en programas avanzados do Igape de apoio á internacionalización con informe positivo emitido a partir do 1 de xaneiro de 2013. No caso de non estaren inscritas, deberán solicitar a alta a través do procedemento IG192 antes da data de presentación da solicitude.

d) Que estean ao día nas súas obrigas coa Facenda pública estatal, coa Comunidade Autónoma de Galicia e coa Seguridade Social.

e) Que teñan capacidade administrativa, financeira e operativa para cumprir as condicións da axuda.

Prazo de presentación de solicitudes

O prazo de presentación de solicitudes de axuda comezará a computar transcorridos 5 días hábiles contados desde o día seguinte ao da publicación da resolución de convocatoria no Diario Oficial de Galicia ás 9.00 horas e rematará o 30 de setembro de 2025, ás 14.00 horas, agás que antes desa data se produza o esgotamento do crédito.

AXUDAS GRANDES EMPRESAS EN FOEXGA 2025

 Instituto Galego de Promoción Económica

RESOLUCIÓN do 6 de maio de 2025 pola que se dá publicidade do acordo do Consello de Dirección que aproba as bases reguladoras das axudas Grandes empresas en Foexga 2025, e se procede á súa convocatoria en réxime de concorrencia non competitiva (código de procedemento IG423A).

Obxecto

As axudas concédense en réxime de concorrencia non competitiva e teñen por obxecto aprobar as condicións polas cales se rexerá a concesión de axudas por parte do Igape para favorecer o incremento da internacionalización das grandes empresas, coa finalidade de incentivar e estimular o comercio exterior galego e a internacionalización.

O obxectivo principal destas bases é conseguir a internacionalización real de empresas galegas e propiciar a comercialización dos seus bens e servizos nos mercados exteriores.

As actuacións que engloban están dirixidas a:

a) Aumentar a base de empresas exportadoras.

b) Fomentar e consolidar a presenza de empresas galegas nos mercados internacionais.

c) Conseguir unha maior diversificación, tanto sectorial coma xeográfica das exportacións, incorporando novos mercados e produtos aos procesos de internacionalización das empresas galegas.

d) Difundir a cultura da internacionalización como ferramenta de progreso e competitividade.

Persoas beneficiarias

As grandes empresas que cumpran os seguintes requisitos:

a) Que superen os límites establecidos para a definición de peme segundo o anexo I do Regulamento nº 651/2014 da Comisión, do 17 de xuño de 2014, polo que se declaran determinadas categorías de axuda compatibles co mercado interior en aplicación dos artigos 107 e 108 do Tratado (DOUE do 26.6.2014, L 187).

b) Que teñan algún centro de traballo radicado na Comunidade Autónoma de Galicia.

c) Que estean dadas de alta en programas avanzados de Igape de apoio á internacionalización con informe positivo emitido a partir de 1 de xaneiro de 2013. A solicitude de alta en programas avanzados de Igape de apoio á internacionalización deberá facerse antes do remate do prazo de fin de execución da actuación, a través do procedemento do Igape IG192.

d) Que conten con presenza nos medios dixitais internacionais, contando como mínimo cunha páxina web con versión en inglés.

e) Que estean ao día das súas obrigas coa Facenda Pública estatal, coa Comunidade Autónoma de Galicia e coa Seguridade Social e que cumpran os requisitos establecidos no artigo 10 da Lei 9/2007, de subvencións de Galicia, para ser persoa beneficiaria da axuda, e as obrigas do artigo 11 da citada Lei de subvencións.

f) Que cumpran a normativa de axudas de minimis, segundo o previsto no artigo 2.3 das bases reguladoras.

g) Que estean ao día de pagamentos adebedados ás cámaras.

h) As empresas participantes nunha mesma acción non deberán ter vinculación entre si de ningún tipo (nin coas empresas pemes participantes na acción de correspondencia do Foexga) para poder optar á subvención, no caso de que participen nunha acción dúas empresas vinculadas só unha delas poderá optar á subvención. Enténdese por vinculación calquera participación dunha empresa tanto directa como indirecta na xestión, control ou capital social doutra. A vinculación faise extensiva á relación de membros de órgano de goberno, directivos ou xestores.

Prazo de presentación de solicitudes

O prazo de presentación de solicitudes de axuda comezará a computarse transcorridos 5 días hábiles contados desde o día seguinte ao da publicación da resolución de convocatoria no Diario Oficial de Galicia ás 9.00 horas e rematará o 31 de outubro de 2025, ás 14.00 horas, agás que antes desa data se produza o esgotamento do crédito.