jueves, 6 de febrero de 2025
ACTIVIDADES PARA O DESENVOLVEMENTO DE PROPOSTAS EMPRENDEDORAS E DE TRABALLO AUTÓNOMO
Desde a
área Emprende de Acción Contra a Fame
organizamos tres actividades para
impulsar o Desenvolvemento de propostas emprendedoras e de traballo autónomo
que agardamos que sexa da vosa interese. Todas serán en formato online,
para facilitar a asistencia de persoas que viven en todo o territorio galego.
Coma sempre, agradecemos a vosa colaboración na difusión destos eventos e
quedamos atentas para acoller calqueira dúbida ou suxerencia.
|
Xoves 06 febreiro 15:00 a 16:00 horas |
⭐🌎 Axudas
para Emprender para
Persoas Emigrantes Retornadas 🌎 ⭐ |
|
Pílula
informativa sobre as axudas da Xunta de Galicia para o fomento do
emprendemento e traballo autónomo na nosa comunidade para persoas Emigrantes
Retornadas. Enlace
de rexistro para participar na actividade Fai
clic aquí |
|
|
Xoves 13 febreiro 15:00 a 16:00 horas |
⭐🕸 Axudas
para Emprender en
Economía Social 🕸⭐ |
|
Pílula
informativa sobre as axudas da Xunta de Galicia para o fomento do
emprendimiento baixo a fórmula de cooperativas de traballo asociado ou
sociedades laborais na nosa comunidade (Axudas APROL). Enlace
de rexistro para participar na actividade Fai
clic aquí |
|
|
Mércores 19 febreiro 16:30 19:00 horas |
⭐ |
|
Sesión
formativa para coñecer a fórmula dos espazos de traballo compartidos. Idéase
como un encontro práctico para descubrir cómo os espazos compartidos poden
facilitar o emprendemento especialmente no rural, reducindo custes e xerando
novas oportunidades. Un espazo no que buscar alternativas que che faciliten
por en marcha o teu proxecto. Enlace
de rexistro para participar na actividade Fai clic aquí |
|
lunes, 3 de febrero de 2025
CURSO ONLINE: EMPRENDE-INNOVA PARA PERSOAS EMIGRANTES RETORNADAS
⭐🌎 Ayudas para Emprender para Personas Emigrantes Retornadas 🌎 ⭐
dirigido
a personas que quieren emprender.
Será el
próximo jueves 06 de febrero de 15 a 16 horas y para participar las
personas interesadas sólo se tienen que registrar en el formulario accediendo
en el link del evento.
martes, 21 de enero de 2025
BOLSAS DE FORMACIÓN EN MATERIA DE DEREITOS DAS PERSOAS CONSUMIDORAS E SEGURIDADE DOS PRODUTOS 2025
Instituto Galego do Consumo e da Competencia
Obxecto
Bolsas de formación, en réxime de concorrencia competitiva, que teñen por obxecto contribuír á formación práctica de titulados superiores en materia de consumo. As ditas bolsas desenvolveranse dentro do programa de traballo do Instituto Galego do Consumo e da Competencia, con suxeición ao programa de formación e coas indicacións que lles transmita o titor que teñan asignado.
Persoas beneficiarias
Poderán ser beneficiarias destas bolsas de formación as persoas que estean en posesión dalgún título universitario de licenciado/a ou de grao en Dereito, sempre que cumpran os demais requisitos e condicións establecidos nas bases reguladoras.
Importe e duración
Oito bolsas cunha duración máxima de 10 meses cada unha, contados desde a data da incorporación da persoa bolseira e ata o 31 de decembro de 2025.
Cada bolsa estará dotada cun importe máximo de 11.000 euros brutos, distribuídos en pagamentos mensuais, a razón de 1.100 euros por mes.
Prazo de presentación de solicitudes
O prazo de presentación de solicitudes será dun mes contado a partir do día seguinte ao da súa publicación no Diario Oficial de Galicia.
AXUDAS DESTINADAS Á REALIZACIÓN DE CERTAMES DE GANDO BOVINO SELECTO 2025
Consellería do Medio Rural
Obxecto
1. Esta orde ten por obxecto establecer, en réxime de concorrencia non competitiva, as bases reguladoras das axudas para a celebración de certames de gando bovino selecto na Comunidade Autónoma de Galicia, e proceder á súa convocatoria para o ano 2025 (código de procedemento MR562A).
2. O procedemento de concesión das axudas recollidas nesta orde, de xeito excepcional, non requirirá a comparación nin a prelación das solicitudes presentadas, senón que se tramitarán todas as solicitudes a medida que as entidades solicitantes as presenten, ata esgotar o crédito orzamentario, e en cumprimento do artigo 19.2 da Lei 9/2007, do 13 de xuño, de subvencións de Galicia.
3. As bases reguladoras publicaranse no Diario Oficial de Galicia.
Entidades beneficiarias
Poderán acollerse ás axudas descritas nesta orde as entidades locais, as asociacións de persoas gandeiras, incluídas as xestoras dos libros xenealóxicos, asociacións de persoas empresarias e outras entidades sen ánimo de lucro de Galicia que organicen certames de gando selecto e que cumpran os seguintes requisitos:
a) Non estar incursa en ningunha das circunstancias previstas no artigo 13 da Lei 38/2003, do 17 de novembro, xeral de subvencións e en ningunha clase de inhabilitación para a obtención de axudas previstas nos números 2 e 3 do artigo 10 da Lei 9/2007, do 13 de xuño, de subvencións de Galicia.
b) Non ter pendente de pagamento ningunha outra débeda coa Administración pública da Comunidade Autónoma, segundo o establecido no artigo 10 da Lei 9/2007, de subvencións de Galicia, e no artigo 11 do Decreto 11/2009, do 8 de xaneiro, polo que se aproba o Regulamento da Lei 9/2007, de subvencións de Galicia.
c) Dispoñer de instalacións axeitadas adaptadas ao tipo de certame, que garantan unhas condicións sanitarias e de benestar animal óptimas.
d) Dispoñer de medios técnicos e de persoal para a celebración deste tipo de eventos.
e) Dispoñer dun regulamento interno en que se establezan as condicións mínimas de presentación, benestar animal, sanidade e calidade xenética que deben cumprir os animais participantes.
f) Contar coa autorización previa por parte dos servizos veterinarios oficiais para a celebración do evento.
g) Contar coa colaboración da correspondente asociación de gandeiros oficialmente recoñecida pola Comunidade Autónoma de Galicia para a xestión do Libro Xenealóxico ou a realización do control de rendementos, polo menos no relativo á acreditación de que os animais participantes nos eventos estean inscritos nos libros xenealóxicos correspondentes.
h) Os animais participantes en cada certame deben proceder, polo menos, de 5 explotacións distintas.
i) Ademais, no caso das entidades locais, deberán cumprir o establecido no artigo 4.1 do Decreto 193/2011, do 6 de outubro, polo que se regulan especialidades nas subvencións ás entidades locais galegas.
Solicitudes e prazo de presentación
As solicitudes presentaranse obrigatoriamente por medios electrónicos a través do formulario normalizado que figura como anexo I dispoñible na sede electrónica da Xunta de Galicia (https://sede.xunta.gal).
O prazo para a presentación de solicitudes será de:
a) Para os certames celebrados desde o 1 de novembro de 2024 ata á data de publicación desta orde: un mes desde o día seguinte ao da súa publicación.
b) Para os certames que se celebren despois da publicación desta orde: un mes contado desde o día seguinte da celebración do evento e coa data límite do 31 de outubro de 2025.
De acordo co artigo 30 da Lei 39/2015, do 1 de outubro, entenderase como último día do prazo o correspondente ao mesmo ordinal do día da publicación ou celebración segundo o caso; se o último día do prazo for inhábil, entenderase prorrogado ao primeiro día hábil seguinte.
AXUDAS Á PROTECCIÓN DOS ANIMAIS DOMÉSTICOS DE COMPAÑIA ABANDONADOS EN GALICIA 2025
Consellería de Medio Ambiente e Cambio Climático
Obxecto
Establecer as bases reguladoras dunha liña de axudas para actuacións encamiñadas á protección dos animais domésticos de compañía abandonados en Galicia relativas á atención e coidado dos animais domésticos de compañía que estean nos centros de recollida autorizados e/ou formen parte de colonias felinas reguladas no artigo 26 da Lei 4/2017, do 3 de outubro, á realización de campañas de concienciación para a tenza responsable e para a adopción de animais abandonados e á adquisición de material para a xestión e manexo dos animais aloxados nos centros de recollida autorizados, así como proceder á súa convocatoria para o ano 2025, destinadas ás asociacións inscritas no Rexistro Galego de Asociacións para a Protección e Defensa dos Animais de Compañía (código de procedemento MT811B).
Beneficiarias
Poderán ser beneficiarias destas axudas as asociacións sen ánimo de lucro legalmente constituídas e inscritas no Rexistro Galego de Asociacións para a Protección e Defensa dos Animais de Compañía con anterioridade á data de publicación desta orde.
Para poder seren beneficiarias das axudas para os gastos subvencionables recollidos nas letras a) e c) do artigo 2.1 deberán ser titulares ou xestoras dun centro de recollida autorizado e inscrito no Rexistro de Galego de Núcleos Zoolóxicos de Galicia.
Prazo de presentación de solicitudes
O prazo de presentación das solicitudes será desde o día seguinte ao de publicación desta orde no Diario Oficial de Galicia ata o 12 de setembro de 2025.
Outros datos
As axudas a que se refire esta orde comprenden os gastos subvencionables recollidos no artigo 2 que fosen efectivamente realizados no período comprendido entre o 1 de setembro de 2024 e o 31 de agosto de 2025.
