CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA

Axudas periódicas de apoio a mulleres que sofren violencia de xénero.
SOLICITUDE

Obxecto: Establecer as axudas económicas, individuais e de carácter periódico, de apoio a mulleres que sofren violencia de xénero.
A finalidade destas axudas é proporcionarlles apoio económico ás mulleres que sofren violencia de xénero para tentar garantirlles unhas condicións suficientes de independencia económica respecto do agresor que lles posibilite dar o primeiro paso ou consolidar a ruptura dunha situación na que corren perigo.

A axuda consiste nunha contía económica destinada directamente á beneficiaria, de carácter periódico, ata o máximo de doce mensualidades, sempre que nese período subsistan as circunstancias polas que se concedeu. O cómputo do período comeza o mes da solicitude. No suposto de que a solicitante estivese percibindo ingresos doutras axudas incompatibles con esta e, atendendo ao disposto no artigo 10º, renuncie a elas, detraerase do cómputo total o número de mensualidades coincidentes no período de percepción.

Beneficiarios:Mulleres que, residindo na Comunidade Autónoma de Galicia e acreditando unha situación de convivencia que as poña en risco de sufrir violencia de xénero, se atopen nunhas condicións económicas que lles impida afrontar o seu futuro dun xeito autónomo e independente do seu agresor e que dispoñan dalgún dos documentos acreditativos desta situación de violencia adoptado ou emitido no período de doce meses inmediatamente anteriores á data da solicitude sempre que nese momento se producise o cesamento da convivencia.
Non poderán ser beneficiarias as mulleres que, reunido estes requisitos, percibiran esta axuda ou a axuda establecida no artigo 27 da Lei orgánica 1/2004, do 28 de decembro, de medidas de protección integral contra a violencia de xénero con anterioridade.

Prazo de presentación de solicitudes:  20/01/2011 - 31/10/2011

IGAPE

Axudas aos proxectos colectivos empresariais, cofinanciados co Fondo Social Europeo no marco do programa operativo FSE Galicia 2007-2013, conforme as bases reguladoras aprobadas polo Consello de Dirección do IGAPE.

SOLICITUDE

Obxecto: Convocar para o exercicio 2011, en réxime de concorrencia competitiva e trámite anticipado de gasto, as axudas do Igape aos proxectos colectivos empresariais segundo as bases reguladoras aprobadas polo Consello de Dirección do Igape o 1 de marzo de 2010 e modificadas polo dito Consello de Dirección o 15 de novembro de 2010 e publicadas inicialmente no Diario Oficial de Galicia nº 73, do 20 de abril, e posteriormente modificadas segundo resolución publicada no Diario Oficial de Galicia nº 11, do 18 de xaneiro de 2011.
Prazo de presentación de solicitudes: ata o 28/02/2011

ENLACES RELACIONADOS:

Bases Reguladoras das axudas do IGAPE aos proxectos colectivos empresariais.

Modificación das Bases Reguladoras das axudas do IGAPE aos proxectos colectivos empresariais. 

CONSELLERÍA TRABALLO E BENESTAR

Programas de fomento do emprego en empresas de economía social e de promoción do cooperativismo e se procede a súa convocatoria para o ano 2011.
SOLICITUDE
Obxecto: Bases reguladoras e a convocatoria das axudas e subvencións coa finalidade de promover a incorporación de persoas desempregadas ás entidades de economía social, apoiar o desenvolvemento de proxectos de creación e modernización deste tipo de empresas, mediante unha mellora da súa competitividade, así como a promoción do cooperativismo a través dos seguintes programas:
- Programa I- Fomento do emprego en cooperativas e sociedades laborais.
- Programa II- Mellora da competitividade en cooperativas e sociedades laborais.
- Programa III- Impulso de proxectos empresariais cooperativos e asistencia técnica.
- Programa IV- Fomento do acceso á condición de socio/a traballador/a.
- Programa V- Actividades de promoción do cooperativismo.
Beneficiarios: Poderanse acoller ás subvencións recollidas nesta orde:
a) As cooperativas e sociedades laborais para as actuacións previstas no programa I de Fomento do emprego en cooperativas e sociedades laborais.
b) As cooperativas con socios/as traballadores/as ou de traballo e as sociedades laborais para as actuacións previstas no programa II relativas á realización de investimentos.
c) As cooperativas e sociedades laborais de nova creación ou que acometan novos proxectos nos termos e para as actuacións previstas no programa III de Impulso de proxectos empresariais cooperativos e asistencia técnica, así como as persoas e empresas privadas que presten os servizos de asesoramento e acompañamento nos termos previstos no punto 3.2.1 da base terceira.
d) As persoas desempregadas, os demandantes de mellora de emprego, así como os asalariados/as das cooperativas e sociedades laborais, nos termos e para as axudas previstas no programa IV de Fomento do acceso á condición de socio/a traballador/a.
e) As cooperativas para as actuacións previstas no programa V de Actividades de promoción do cooperativismo.
Prazo de presentación de solicitudes: ata o 21/02/2011

MINISTERIO DE INDUSTRIA, TURISMO E COMERCIO

Real Decreto 1797/2010, do 30 de decembro, polo que se aproba o Regulamento do Fondo para a Internacionalización da Empresa.

MINISTERIO DE TRABALLO E INMIGRACIÓN

Orde TIN/41/2011, do 18 de xaneiro, pola que se desenvolven as normas de cotización á Seguridade Social, Desemprego, Fondo de Garantía Salarial e Formación Profesional, contidas na Lei 39/2010, do 22 de decembro, de Presupostos Xerais do Estado para o ano 2011.

INSTITUTO ENERXÉTICO DE GALICIA

Subvención relativa ao Plan Renove de Equipos de Iluminación Interior e se regula a selección de entidades colaboradoras que participarán na súa xestión.

Obxecto: convocatoria de axudas dirixidas a mellorar a eficiencia enerxética das instalacións de equipamentos de iluminación interior existentes que se renoven de forma que cumpran, polo menos, coas exixencias mínimas que fixa o Código técnico da edificación (HE3), reducindo o consumo de enerxía, así como para a selección de entidades colaboradoras que participan na súa xestión.
Beneficiarios:- Entidades colaboradoras: as entidades privadas con personalidade xurídica, validamente constituídas, así como os empresarios individuais sempre que teñan o seu domicilio social ou algún centro de traballo en Galicia e que acrediten as condicións de solvencia técnica e económica que se establecen.
- Beneficiarios da axuda: as comunidades ou mancomunidades de veciños, as persoas físicas e xurídicas de dereito público ou privado (propietarios de vivendas ou edificios do sector terciario, empresas de servizos enerxéticos, empresas municipais da vivenda,…) sempre que a actuación subvencionable se realice en vivendas, edificios de vivendas ou edificios terciarios da súa titularidade sitos en Galicia.
Prazo de presentación de solicitudes:
Para as entidades colaboradoras: ata o 05/03/2011
Para os beneficiarios da axuda: ata o esgotamento de crédito

IGAPE

Bases Reguladoras do programa de bolsas de formación en promoción exterior.

Corrección de Erros. Orde do 27 de decembro de Bases Reguladoras do programa de bolsas de formación en promoción exterior.

SOLICITUDE

Obxecto:

O obxecto destas axudas é a concesión de 16 bolsas de promoción exterior coa finalidade de formar a especialistas no ámbito da captación internacional de investimentos, a expansión exterior da empresa galega, a detección de potenciais investidores estranxeiros cara a Galicia, a busca de oportunidades de negocio e a investigación das posibilidades de cooperación internacional entre empresas galegas e estranxeiras.
Beneficiarios:
Titulados universitarios ( con titulación posterior ao 31 de decembro de 2002).
Requisitos:
Poderán presentar solicitude para acollerse a estas bolsas aqueles titulados que cumpran os seguintes requisitos:
*O cumprimento dalgunha das seguintes condicións:
- Ter veciñanza administrativa en Galicia cunha antigüidade superior a 24 meses.
- Ser natural de Galicia.
- Ser fillo ou descendente en liña directa ata o terceiro grao, de emigrantes galegos no exterior.
*Cumprir os requisitos do artigo 10º da Lei 9/2007 de subvencións de Galicia, para ser considerado beneficiario de subvencións.
*Estar en posesión dalgunha das seguintes titulacións universitarias (superior ou media) na data en que finaliza o prazo de presentación de solicitudes: arquitectura, bioloxía, biotecnoloxía, ciencias ambientais, ciencias do mar, física, xeoloxía, enxeñería, matemáticas, química, ciencias económicas e empresariais, administración e dirección de empresas, ciencias empresariais, economía, dereito, ciencias políticas, xornalismo, comunicación audiovisual, publicidade e relacións públicas e turismo. A titulación deberá terse obtido con posterioridade á data indicada na resolución de convocatoria.
Os títulos obtidos no estranxeiro ou en centros privados españois deberán estar homologados polo Ministerio de Educación español na data en que finalice o prazo de presentación de solicitudes.
*Dominio dun dos seguintes idiomas (falado e escrito): alemán, francés, inglés, ou portugués.

Para estes efectos os candidatos deberán realizar unha proba do idioma elixido. Os candidatos poderán examinarse como máximo dun dos idiomas anteriores, para o que deberán indicar o idioma obxecto de exame na solicitude.
* Non ter concedida mediante resolución ou desfrutado con anterioridade ningunha outra bolsa do Igape, así como non estar desfrutando durante o proceso de selección dunha bolsa no Igape concedida a través doutras institucións.
* Non ter desfrutado doutra bolsa no estranxeiro concedida por outros organismos. Exceptúanse as bolsas de estudos desfrutadas durante os anos escolares ou universitarios.
* Non padecer enfermidade nin estar afectado por limitación física ou psíquica que imposibilite o cumprimento das súas obrigas como bolseiro.
* Estar ao corrente das súas obrigas tributarias estatais e autonómicas e da Seguridade Social, así como non ter pendente de pagamento ningunha outra débeda por ningún concepto coa Administración Pública da comunidade autónoma. O cumprimento deste requisito acreditarase cubrindo no cuestionario telemático a declaración responsable do solicitante de estar ao día no cumprimento das obrigas tributarias, fronte á Seguridade Social e de non ter pendente de pagamento ningunha outra débeda coa Administración da comunidade autónoma, de acordo co establecido no artigo 11º g) do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia.
Prazo de presentación: do 4/1/2011 ao 4/2/2011