CORRECCIÓN DE ERROS.- BOLSAS DE FORMACIÓN EN MATERIA DE ARQUIVOS 2022

CONSELLERÍA DE CULTURA, EDUCACIÓN E UNIVERSIDADE

CORRECCIÓN DE ERROS. Extracto da Orde do 16 de decembro de 2021 pola que se establecen as bases reguladoras de bolsas de formación en materia de arquivos e se convocan as correspondentes ao programa 2022 (código de procedemento CT110A).

Advertidos erros no dito extracto, publicado no Diario Oficial de Galicia número 6, do 11 de xaneiro de 2022, é necesario facer as seguintes correccións:

No artigo Primeiro.3 Beneficiarios, na paxina 799, onde di: «Non se beneficiar anteriormente destas mesmas bolsas durante un período superior aos doce (12) meses, nin renunciar a elas sen unha causa de forza maior, ao xuízo da Secretaría Xeral de Cultura, logo de iniciado o período de vixencia», debe dicir: «Non se beneficiar anteriormente destas mesmas bolsas durante un período igual ou superior aos doce (12) meses, nin renunciar a elas sen unha causa de forza maior, ao xuízo da Secretaría Xeral de Cultura, logo de iniciado o período de vixencia».