VII PREMIOS VALEDORA DO POBO AOS MELLORES TRABALLOS FIN DE GRAO (TFG) E TRABALLOS FIN DE MÁSTER (TFM) EN MATERIA DE IGUALDADE E DEREITOS DAS MULLERES

Valedor do Pobo

RESOLUCIÓN do 20 de outubro de 2026 pola que se aproba a convocatoria da sétima edición dos premios Valedora do Pobo aos mellores traballos fin de grao (TFG) e traballos fin de máster (TFM) en materia de igualdade e dereitos das mulleres.

Obxecto
Estas bases teñen como obxecto regular a concesión dos VII premios Valedora do Pobo aos mellores traballos fin de grao (TFG) e traballos fin de máster (TFM) en materia de igualdade e dereitos das mulleres.

Requisitos
Os traballos deberán destacar polo seu elevado valor en materia de igualdade e dereitos das mulleres.
Os dereitos sobre os traballos presentados non poderán estar cedidos a terceiros con carácter de exclusividade.
Os traballos deberon ser lidos, defendidos ou xulgados e aprobados, segundo proceda, perante calquera universidade galega durante o curso académico 2025/26.
Os traballos serán presentados en idioma galego ou castelán. No caso de que se presenten nun idioma distinto dos anteriores, deberá achegarse a tradución.

Solicitudes
As solicitudes axustaranse aos modelos de instancia que figuran como anexos I e II, que estarán á disposición das persoas interesadas no enderezo electrónico do Valedor do Pobo (www.valedordopobo.gal), da Universidade de Santiago de Compostela (www.usc.es), da Universidade da Coruña (www.udc.es) e da Universidade de Vigo (www.uvigo.es), e no Rexistro do Valedor do Pobo (rúa do Hórreo, 65, 15701 Santiago de Compostela, A Coruña) das 9.00 ás 14.00 horas e das 16.30 ás 19.00 horas, de luns a xoves, e das 9.00 ás 14.00 horas os venres, e nos rexistros das universidades citadas.
Coas solicitudes presentarase a seguinte documentación:
Traballos fin de grao (TFG) e traballos fin de máster (TFM) en formato papel e en formato electrónico (CD ou pendrive en formato word, libreoffice ou LaTeX (anexo I).
As persoas interesadas poderán presentar a súa solicitude unicamente a un dos premios.

Lugar e prazo de presentación
Os traballos, dirixidos á valedora do pobo, presentaranse no Rexistro do Valedor do Pobo ou nos rexistros da Universidade de Santiago de Compostela, da Universidade da Coruña ou da Universidade de Vigo, ou por calquera dos medios establecidos no artigo 16 da Lei 39/2015, do 1 de outubro, do procedemento administrativo común das administracións públicas.
No suposto de que non se presenten no rexistro das entidades convocantes, deberá enviarse, dentro do prazo de presentación, unha comunicación, vía correo electrónico a rexistro@valedordopobo.gal, na que se detalle o medio utilizado de presentación segundo o modelo que consta no anexo II.
As solicitudes presentaranse a partir do día seguinte ao da publicación da resolución da convocatoria no Diario Oficial de Galicia e ata o 20 de decembro 2026. As persoas interesadas poderán consultar as bases da convocatoria no DOG e nas paxinas web do Valedor do Pobo e das universidades galegas.
Se a solicitude non reúne os datos ou os documentos exixidos, a persoa interesada disporá de 10 días hábiles para corrixir a falta ou achegar os documentos preceptivos desde a recepción da notificación de emenda. No caso de que non o fixese, considerarase que desistiu da súa petición.
Sen prexuízo do anterior, poderase requirir a persoa solicitante para que achegue cantos datos, documentos complementarios e aclaracións resulten necesarios para a valoración do traballo presentado. De non facelo, considerarase que desistiu da súa petición.
As comunicacións realizaranse exclusivamente a través do enderezo de correo electrónico proporcionado polas persoas solicitantes.

Dotación e tramitación dos premios
1. O xurado poderá conceder os seguintes premios:
– Premio ao mellor traballo fin de grao (TFG): 1.500 € e diploma acreditativo.
– Premio ao mellor traballo fin de máster (TFM): 1.500 € e diploma acreditativo.

FESTAS LABORAIS DE CARÁCTER LOCAL PARA O ANO 2027

 Consellería de Emprego, Comercio e Emigración

RESOLUCIÓN do 15 de outubro de 2026, da Secretaría Xeral de Emprego e Relacións Laborais, pola que se lles dá publicidade ás festas laborais de carácter local para o ano 2027, correspondentes aos concellos das catro provincias da Comunidade Autónoma de Galicia.

AMPLIACIÓN ORZAMENTARIA DO BONO REMUDA DAS PERSOAS TRABALLADORAS AUTÓNOMAS, 2026

 Consellería de Emprego, Comercio e Emigración

ORDE do 13 de outubro de 2026 pola que se fai pública a ampliación da dotación orzamentaria do programa IV, relativo ao bono remuda das persoas traballadoras autónomas, da Orde do 30 de decembro de 2025 pola que se establecen as bases reguladoras dos programas de axudas ás persoas traballadoras autónomas, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2026 (códigos de procedemento TR341D, TR790A, TR341Q, TR353D e TR341R).

ABERTA A INSCRICIÓN NO XV PROGRAMA DE APOIO A EMPRESAS AGROALIMENTARIAS DA FUNDACION JUANA DE VEGA

 

Aberta a inscrición no XV Programa de Apoio a Empresas Agroalimentarias   🎉 Xa está aberta a inscrición no Programa de Apoio a Empresas Agroalimentarias da Fundación Juana de Vega, que en 2027 cumprirá 15 anos acompañando ás persoas emprendedoras e empresas que, co seu traballo e esforzo, crean riqueza nos espazos rurais de Galicia.   A XV edición será aínda máis especial, xa que temos unha novidade: o GreenHub Verín-Monteval, un itinerario territorial específico para os concellos da Gudiña, A Mezquita, Castrelo do Val, Cualedro, Laza, Monterrei, Oímbra, Riós, Verín, Vilardevós e a súa contorna. Inscrición Verín-Monteval Inscrición resto de Galicia 🚀 Para quen non o coñeza, o Programa de Apoio a Empresas Agroalimentarias ofrece formación e mentorización especializada para emprendedores e empresas de toda Galicia dos ámbitos agroalimentario, forestal, bioeconomía, marisqueiro, pesqueiro e iniciativas de base tecnolóxica e servizos que dean soporte aos anteriores.    Coma todos os anos, as persoas interesadas poden presentarse en dúas modalidades: Emprendemento, para a creación de novas empresas, sucesións e recuperación de negocios familiares, e Crecemento e Consolidación, dirixida a autónomos, pemes e micropemes que queiran mellorar o funcionamento dos seus negocios. ­   📅 Prazo: ata o martes, 8 de decembro. Non esperes ao último día‼️     ­

MODIFICACIÓN.-AXUDAS PARA A ADQUISICIÓN OU AUTOPROMICIÓN DE VIVENDAS EN CONCELLOS DE GALICIA CON POBOACIÓN RESIDENTE IGUAL OU INFERIOR A 10.000 HABITANTES 2026

 Instituto Galego da Vivenda e Solo

RESOLUCIÓN do 13 de outubro de 2026 pola que se modifica a Resolución do 11 de agosto de 2026 pola que se establecen as bases reguladoras das axudas para a adquisición ou autopromoción de vivendas en concellos da Comunidade Autónoma de Galicia con poboación residente igual ou inferior a 10.000 habitantes e se procede á súa convocatoria para o ano 2026 (código de procedemento VI501B).

ESGOTAMENTO DO CRÉDITO DA ANUALIDADE 2027 DAS AXUDAS BONOS TALENTO EMPRESA

 Consellería de Emprego, Comercio e Emigración

RESOLUCIÓN do 6 de outubro de 2026, da Dirección Xeral de Formación e Cualificación para o Emprego, pola que se dá publicidade do esgotamento do crédito da anualidade 2027 do código de procedemento TR302D, da Orde de 8 de maio de 2026 pola que se establecen as bases reguladoras das axudas Bonos Talento empresa, para a realización de proxectos formativos de curta duración que desenvolvan as entidades beneficiarias, cofinanciadas pola Unión Europea no marco do Programa FSE+ Galicia 2021-2027, e se procede á sua convocatoria para as anualidades 2026-2027 (Diario Oficial de Galicia número 94, do 22 de maio de 2026).

CONVOCATORIA DA PROBA EN LIÑA PARA A OBTENCIÓN DO CERTIFICADO DE LINGUA GALEGA CELGA 4

 Consellería de Cultura, Lingua e Xuventude

RESOLUCIÓN do 8 de outubro de 2026, da Secretaría Xeral da Lingua, pola que se convoca a proba en liña para a obtención do certificado de lingua galega 4 (Celga 4) no ano 2026 (código de procedemento PL500G).

Obxecto.
Convocar a proba en liña para a obtención do certificado de lingua galega 4 (Celga 4) no ano 2026, con código de procedemento administrativo PL500G.

Persoas destinatarias e número de prazas.
1. Esta convocatoria diríxese ás persoas maiores de dezaoito anos ou que os fagan antes da data de realización da proba, establecida no número 3.
2. O número de prazas dispoñibles para realizar a proba en liña do Celga 4 será de duascentas (200).

Data de realización da proba.
A proba terá lugar o 27 de novembro de 2026, sempre que ningunha circunstancia excepcional o impida.

Presentación de solicitudes e prazo.
1. As persoas que desexen inscribirse nesta convocatoria deberán presentar dúas solicitudes: unha, a través da sede electrónica da Xunta de Galicia, para os efectos do rexistro oficial de entrada e a correspondente tramitación administrativa, e outra, a través da plataforma de teleformación da Secretaría Xeral da Lingua, pois esta constitúe o soporte técnico indispensable para a realización da proba en liña. A orde de presentación de ambas as solicitudes é indiferente, sempre que se efectúe dentro do prazo establecido no número 4.5.

2. A presentación da solicitude a través da sede electrónica da Xunta, https://sede.xunta.gal, realizarase a través do formulario normalizado (anexo I). A capacidade técnica e a dispoñibilidade dun equipamento informático que permita realizar a proba en liña obxecto desta convocatoria xustifican a obrigatoriedade da devandita presentación electrónica.
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que sexa realizada a emenda.
Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e a clave Chave365 (https://sede.xunta.gal/chave365) ou o sistema Cl@ve Pin ou Cl@ve Permanente.

3. A presentación da solicitude a través da plataforma de teleformación da Secretaría Xeral da Lingua, https://formacion-lingua.xunta.gal, realizarase do seguinte xeito: primeiro, a persoa solicitante accederá á devandita plataforma mediante o seu nome de usuario/a e o contrasinal; a continuación, seleccionará a proba e inscribirase nela. Se unha persoa non é usuaria da plataforma, deberá rexistrarse previamente nela. O nome e apelidos facilitados na plataforma deben coincidir cos do documento que acredita a súa identidade (DNI, NIE ou pasaporte).

4. Para realizar a proba, as persoas solicitantes deberán dispoñer dun equipamento informático que cumpra, como mínimo, os seguintes requisitos técnicos:
– Un ordenador con:
• Conexión á internet (de banda larga).
• Navegador web debidamente actualizado (recoméndase ter instalada a última versión de Chrome).
• Cámara web debidamente configurada no ordenador, á cal accederá o sistema durante o tempo que dure a proba en liña para controlar e verificar que a persoa realiza o exame de xeito autónomo e sen axudas externas.
• Micrófono debidamente configurado no ordenador para permitir a gravación de voz en formato electrónico (mp3 ou equivalente).
• Altofalantes debidamente configurados no ordenador para permitir escoitar son (non se poderán utilizar auriculares durante a proba).
• Acceso á conta de correo electrónico especificada no formulario de solicitude.
– Un teléfono móbil que complementará o ordenador durante a proba e que permitirá que o sistema controle o posto en que a persoa realiza o exame en liña desde un segundo punto de vista diferente ao obtido pola propia cámara web do ordenador, con:
• Conexión á internet (de banda larga).
• Aplicación de cámara para vincular un código QR no momento de iniciarse a proba.
• Habilitación de permisos para acceder á cámara e ao micrófono.
• Aplicación Chrome instalada no teléfono móbil.

5. O prazo de presentación das solicitudes, tanto a través da sede electrónica como da plataforma de teleformación da Secretaría Xeral de Lingua, será de dez días hábiles, que se contarán a partir do día seguinte ao da publicación desta resolución no Diario Oficial de Galicia. Se o último día do prazo é inhábil, entenderase prorrogado ao primeiro día hábil seguinte.