SUBVENCIÓNS PARA A DINAMIZACIÓN DO COMERCIO LOCAL 2026

 Consellería de Emprego, Comercio e Emigración

ORDE do 23 de xaneiro de 2026 pola que se establecen as bases reguladoras para a concesión, en réxime de concorrencia competitiva, de subvencións ás asociacións de comerciantes sen ánimo de lucro para a dinamización do comercio local, e se procede á súa convocatoria para o ano 2026 (código de procedemento CO300A).

Obxecto

A dinamización do comercio local.

Persoas beneficiarias

As agrupacións permanentes de comerciantes, sen ánimo de lucro e con personalidade xurídica propia e plena capacidade, legalmente constituídas baixo calquera forma xurídica, cuxo ámbito de actuación se desenvolva na Comunidade Autónoma de Galicia a nivel municipal e desenvolvan proxectos de dinamización e incentivación do consumo de interese e transcendencia en centros comerciais abertos.

Prazo de presentación de solicitudes

O prazo para a presentación de solicitudes será dun mes contado desde as 9.00 horas do día seguinte ao da publicación desta orde no Diario Oficial de Galicia.

O último día de presentación de solicitudes finalizará ás 20.00 horas.