CONSELLERÍA DE FACENDA E ADMINISTRACIÓN PÚBLICA
Aprobación da oferta de emprego público
De conformidade co disposto no artigo 48 da Lei 2/2015, do 29 de abril, do emprego público de Galicia; no artigo 70 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro; no artigo 19 da Lei 11/2020, do 30 de decembro, de orzamentos xerais do Estado para o ano 2021, así como nos parágrafos un, dous, tres e cinco do artigo 12 da Lei 11/2020, do 30 de decembro, de orzamentos xerais da Comunidade Autónoma de Galicia para o ano 2021, apróbase a oferta de emprego público correspondente a distintos corpos e escalas da Administración xeral da Comunidade Autónoma de Galicia e a categorías de persoal laboral para o ano 2021, nos termos que se establecen neste decreto.
