MODIFICACIÓN.-AXUDAS FINANCEIRAS DO PROGRAMA DE PRÉSTAMOS CUALIFICADOS PARA A REHABILITACIÓN DE EDIFICIOS E VIVENDAS

 CONSELLERÍA DE MEDIO AMBIENTE, TERRITORIO E VIVENDA

ORDE do 28 de xaneiro de 2022 pola que se modifica a Orde do 20 de decembro de 2019 pola que se establecen as bases reguladoras das axudas financeiras do programa de préstamos cualificados para a rehabilitación de edificios e vivendas (código de procedemento VI406B).

Modificación da Orde do 20 de decembro de 2019 pola que se establecen as bases reguladoras das axudas financeiras do programa de préstamos cualificados para a rehabilitación de edificios e vivendas

1. Modifícase o terceiro parágrafo do artigo 5.1.b), que pasa a ter a seguinte redacción:

«No caso de préstamos solicitados directamente polas comunidades de persoas propietarias, a contía total do préstamo non poderá exceder o menor dos seguintes importes: a totalidade do orzamento protexible ou vinte mil euros (20.000 €) por vivenda integrante da citada comunidade de propietarios/as».

2. Modifícase o anexo II, actuacións protexibles, incluíndo un novo tipo de actuación.

Disposición derradeira única. Entrada en vigor

Esta orde entrará en vigor o día seguinte ao da súa publicación no Diario Oficial de Galicia.