Consellería do Medio Rural
Obxecto
Establecer as bases reguladoras para a concesión de axudas, en réxime de concorrencia competitiva, destinadas ás persoas agricultoras mozas, no marco do Plan estratéxico da política agraria común de España 2023-2027, cofinanciadas polo Fondo Europeo Agrícola de Desenvolvemento Rural (Feader), e convocalas para o ano 2026 (códigos de procedemento MR404A e MR405F).
Persoas beneficiarias
En función do tipo de axuda que se solicite, as seguintes persoas poderán ser beneficiarias:
a) MR404A. Establecemento de persoas agricultoras mozas. Subintervención 68611_01 Incorporación agraria: persoa física que teña entre 18 e 40 anos de idade, conte coa capacidade e competencias profesionais adecuadas e se instale nunha explotación agraria por vez primeira como xefe da dita explotación.
b) MR405F. Axudas a investimentos en modernización e/ou mellora de explotacións. Explotacións agrarias. Subintervención 68412_01 Explotacións: titular de explotación agraria vinculada á solicitude simultánea da axuda de establecemento de persoas agricultoras mozas.
Contía das axudas
En función do tipo de axuda que se solicite, as contías das axudas son as seguintes:
a) MR404A. Establecemento de persoas agricultoras mozas. Subintervención 68611_01 Incorporación agraria.
O importe da axuda será de 30.000 euros, que poderá incrementarse ata os 70.000 euros en función da aplicación dos criterios muller, explotación localizada en zonas con limitacións naturais de montaña ou na Rede Natura 2000, explotación ecolóxica e titularidade compartida.
b) MR405F. Axudas a investimentos en modernización e/ou mellora de explotacións. Explotacións agrarias. Subintervención 68412_01 Explotacións.
O importe da axuda será do 30 % dos custos elixibles, que poderá incrementarse ata un máximo do 65 %, cun máximo de 75.000 euros/UTA e un límite de 250.000 euros/beneficiario.
Prazo de presentación de solicitudes
O prazo de presentación de solicitudes será dun (1) mes, que se contará desde o día seguinte ao da publicación da orde no Diario Oficial de Galicia.
