Instituto Galego da Vivenda e Solo
lunes, 29 de septiembre de 2025
AXUDAS ÁS ORGANIZACIÓNS PROFESIONAIS AGRARIAS E ASOCIACIÓNS AGRARIAS 2025
Consellería do Medio Rural
Obxecto
O obxecto desta orde é establecer as bases reguladoras para conceder axudas, en réxime de concorrencia polo sistema de rateo, para realizar actividades de interese agrario (código de procedemento MR321A), e convocalas para o exercicio orzamentario 2025.
Entidades beneficiarias
Poderán ser beneficiarias das axudas que se regulan nesta orde as seguintes entidades:
1. As organizacións profesionais agrarias.
2. As asociacións agrarias.
Actividades subvencionables
Serán subvencionables os custos derivados das seguintes actividades realizadas entre o 1 de outubro de 2024 e o 30 de setembro de 2025:
a) Funcións e actuacións que lles son propias conforme a normativa legal.
b) Funcións ordinarias de xestión interna.
c) Representación perante as institucións.
d) Participación nos órganos colexiados constituídos pola Administración galega para a defensa dos intereses dos seus representados (mesas, comisións, etc.).
e) Formación dos asociados e dos seus familiares en actividades agrarias ou no sector agroalimentario.
f) Fomento do asociacionismo agrario.
Prazo de presentación de solicitudes
O prazo de presentación de solicitudes será dun mes, que se contará desde o día seguinte ao da publicación desta orde no Diario Oficial de Galicia.
DATAS, LUGAR E HORARIO DAS PROBAS DIRIXIDAS Á OBTENCIÓN DO CERTIFICADO DE CONSELLEIRO DE SEGURIDADE PARA O TRANSPORTE DE MERCADORÍAS PERIGOSAS POR ESTRADA E POR FERROCARRIL
Consellería de Presidencia, Xustiza e Deportes
DATAS, LUGAR E HORARIO DAS PROBAS DIRIXIDAS Á RENOVACIÓN DO CERTIFICADO DE CONSELLEIRO DE SEGURIDADE PARA O TRANSPORTE DE MERCADORÍAS PERIGOSAS POR ESTRADA E FERROCARIL
Consellería de Presidencia, Xustiza e Deportes
miércoles, 24 de septiembre de 2025
XORNADA FORMATIVA: REAPROVEITAMENTO ALIMENTARIO
A Unión de Cooperativas Asociación Galega de Cooperativas Agroalimentarias,
AGACA, conxuntamente coa Asociación de Empresas de Inserción de Galicia, AEIGA,
convídanvos a participar na Xornada
Reaproveitamento Alimentario, oportunidades de negocio.
A principios do presente ano publicouse a Ley 1/2025, de 1 de abril, de prevención de las pérdidas y el desperdicio alimentario. A Lei1/2025 afecta a tódolos axentes da Cadea Alimentaria, dende a produción primaria (agricultores, gandeiros) e a transformación (industrias alimentarias), ata a distribución (maioristas e minoristas), o sector da hostalería e restauración (HORECA), e as entidades da economía social que se dedican á doazón de alimentos, así como ás administracións públicas, coa excepcións para as microempresas e pequenas explotacións agrarias, ou empresas de ata 1.300 m² de superficie útil comercial.
Por este motivo, dúas entidades da representativas da Economía Social de Galicia propuxémonos colaborar coa finalidade de compartir un proxecto conxunto acollido ás axudas da Rede Eusumo da Consellería de Emprego, Comercio e Emigración, para avaliar as oportunidades de negocio que poidan xurdir no Reaproveitamento Alimentario (motivo deste convite á Xornada) e estudar as perdas e o desperdicio alimentario no ámbito agroalimentario de Galicia (Xornada que convocaremos a finais de outubro).
O Consello Reitor da Unión de Cooperativas AGACA considera que a perda e o
desperdicio alimentario é unha oportunidade para explorar a posibilidade e
mesmo establecer proxectos empresariais colaborativos entre as empresas de
inserción laboral e as cooperativas agroalimentarias. Por iso, animamos a
tódalas persoas interesadas en coñecer esta Lei 1/2025 de prevención da perda e
o desperdicio alimentario e as sinerxías que promove a mesma entre entidades da
Economía Social a inscribirse, antes do día 2 de outubro, en https://docs.google.com/forms/d/e/1FAIpQLScEHjPJEyBYWYtS8M_aX2WNOEkEris_IUV5pGWtWvYW60155g/viewform
martes, 23 de septiembre de 2025
PREMIOS DE EDUCACIÓN SECUNDARIA OBRIGATORIA AO ESFORZO E Á SUPERACIÓN PERSOAL CORRESPONDENTES AO CURSO 2024/25
Consellería de Educación, Ciencia, Universidades e Formación Profesional
Obxecto
Convocar na Comunidade Autónoma de Galicia os premios de educación secundaria obrigatoria ao esforzo e á superación persoal correspondentes ao curso 2024/25 (código de procedemento ED311E).
Persoas beneficiarias
Alumnado que cursou durante o ano académico 2024/25 cuarto curso de educación secundaria obrigatoria no réxime ordinario en calquera dos centros da Comunidade Autónoma de Galicia, que estea proposto polo equipo docente para a expedición do título de graduado en educación secundaria e mereza un especial recoñecemento pola dedicación e esforzo demostrados ao longo da etapa en superar as súas dificultades, ben de tipo persoal, educativas e/ou da contorna familiar e sociocultural.
Prazo de presentación de solicitudes
O prazo de presentación de solicitudes será dun mes desde o día seguinte ao da publicación desta orde no Diario Oficial de Galicia.
lunes, 22 de septiembre de 2025
MODIFICACIÓN.- SUBVENCIÓNS PARA A PRODUCIÓN E COPRODUCIÓN DE PROXECTOS AUDIOVISUAIS GALEGOS, 2025
Axencia Galega das Industrias Culturais
PREMIOS EXTRAORDINARIOS DE FORMACIÓN PROFESIONAL DE GRAO SUPERIOR DE GALICIA CURSO 2023/24
Consellería de Educación, Ciencia, Universidades e Formación Profesional
Obxecto
Convocar na Comunidade Autónoma de Galicia os premios extraordinarios de formación profesional (código de procedemento ED311B) para o alumnado que realizou estudos de formación profesional de grao superior no curso 2023/24 na Comunidade Autónoma de Galicia e rematou en 2024. O alumnado premiado poderá concorrer, logo da súa inscrición, ao correspondente premio nacional de formación profesional de grao superior.
Persoas beneficiarias
Alumnado que cursase estudos de formación profesional de grao superior no curso 2023/24 (presencial ou a distancia) nalgún centro educativo da Comunidade Autónoma de Galicia e rematase en 2024 cunha cualificación final do ciclo formativo igual ou superior a 8,50.
Prazo de presentación de solicitudes
O prazo de presentación de solicitudes será dun mes desde o día seguinte ao da publicación desta orde no Diario Oficial de Galicia.
viernes, 19 de septiembre de 2025
jueves, 18 de septiembre de 2025
ESCAPARATE VIRTUAL DE PROXECTOS E SERVIZOS MÁIS IMPACTADOS POLOS LUMES
Dende a Secretaría Xeral de Emprego e Relacións Laborais ponse en marcha un novo espazo de apoio ás persoas autónomas e ás empresas galegas afectadas polos incendios do verán de 2025.
Co obxectivo de axudarlles a remontar e retomar a súa actividade, crearon un escaparate virtual que permite dar visibilidade aos proxectos e servizos máis impactados polos lumes. O acceso ao escaparate atópase no seguinte enlace: https://escaparate.empregoengalicia.gal/
Inclúe a información sobre o proxecto e os pasos a seguir para solicitar a
alta no directorio a través dun formulario que xa se encontra dispoñible.
Este espazo nace para revitalizar o tecido económico local e achegar estas iniciativas a un público máis amplo, favorecendo así a súa recuperación e fortalecemento.
En 4 sinxelos pasos as persoas que están ao fronte do seu propio proxecto ou prestan servizos e a súa actividade se viu afectada polos incendios, teñen a oportunidade de mellorar a visibilidade deste traballo, acceder a novos públicos e integrarse nunha rede de apoio mutuo para a reactivación económica dos territorios máis impactados.
miércoles, 17 de septiembre de 2025
ATLIC BLUE SPRINT
.png)
El evento está pensado para estudiantes y jóvenes profesionales, que tendrán la oportunidad de participar en una experiencia práctica de innovación, generar ideas con impacto real y conectar con otros perfiles con inquietudes similares.
El ATLIC BLUE SPRINT forma parte del proyecto europeo Atlantic Innoblue Communities (ATLIC), cofinanciado por la Unión Europea a través del programa Interreg Espacio Atlántico, orientado a promover ecosistemas de innovación sostenible en el territorio.
.png)
SUBVENCIÓNS PARA A ELABORACIÓN E EXECUCIÓN DE PROXECTOS DE VOLUNTARIADO INTERXERACIONAL NO MEDIO RURAL
Consellería de Cultura, Lingua e Xuventude
Obxecto e finalidade
Esta orde ten por obxecto establecer as bases reguladoras polas que se rexerá a concesión de subvencións, polo procedemento de concorrencia competitiva, ás entidades de acción voluntaria, tanto ás de carácter asociativo como ás que teñan o carácter de entidades locais e agrupacións de entidades locais de Galicia, inscritas no Rexistro de Acción Voluntaria de Galicia, para o financiamento da elaboración e execución de proxectos de voluntariado interxeracional no medio rural vinculados co proxecto piloto Talento interxeracional.
As actividades que se van subvencionar serán aquelas baseadas no recoñecemento da experiencia das persoas maiores que poidan servir como catalizador para fomentar as iniciativas das persoas máis novas, naqueles sectores e actividades que presenten maiores dificultades de remuda xeracional e que estean comprendidos nas liñas especificadas no artigo 6, que permitan achegar novas oportunidades de emprego e asentamento poboacional ao territorio e que garantan, en todo caso, a consecución dos obxectivos marcados no Plan de recuperación, transformación e resiliencia dentro das políticas panca da nova economía dos coidados e políticas de emprego e, de xeito transversal, da axenda urbana e rural, da loita contra o despoboamento e desenvolvemento da agricultura, e proceder á súa convocatoria para o ano 2026.
A execución dos proxectos de voluntariado interxeracional no medio rural terá como data límite o 15 de maio de 2026.
Con estas subvencións financiarase o desenvolvemento de proxectos de voluntariado interxeracional no medio rural, integrados no proxecto piloto Talento interxeracional, cuxa finalidade é aproveitar o talento e a experiencia das persoas maiores voluntarias implicadas para contribuír á modificación da estrutura poboacional, tratando de aumentar a taxa de poboación nas zonas rurais, ofrecendo oportunidades vitais axeitadas ás necesidades reais do medio rural e para mellorar as condicións de vida e os servizos sociais e asistenciais de proximidade mediante un modelo planificado de recuperación económica onde se poidan desenvolver proxectos vitais con certas garantías de futuro e permanencia coa axuda da tecnoloxía e da innovación.
Neste marco fomentaranse os proxectos de voluntariado coa participación de persoas maiores con experiencia e a través de grupos interxeracionais para a posta en marcha de iniciativas de investigación, innovación e mellora do medio rural coa instauración de modelos de intervención axeitados á realidade social e económica da zona onde se leven a cabo.
A finalidade do proxecto é recoñecer as posibilidades que ofrece o medio rural e mostrarlle á xuventude as oportunidades de futuro que pode achegar tanto a nivel individual como social e, por outra banda, recoñecer a experiencia das persoas maiores en diferentes eidos produtivos, así como captar as súas necesidades asistenciais, culturais ou vitais máis inmediatas en función das súas preferencias e desexos.
Entidades beneficiarias
Poderán ser beneficiarias das subvencións as entidades de acción voluntaria inscritas no Rexistro de Acción Voluntaria de Galicia que a seguir se relacionan:
a) As entidades locais ou agrupacións delas que teñan a consideración de entidades locais de carácter rural e que desenvolvan proxectos de voluntariado interxeracional no medio rural enmarcados no proxecto piloto Talento interxeracional a que se fai referencia no artigo 1 da orde.
Para os efectos da orde, considéranse entidades locais de carácter rural aqueles concellos que contan con algunha zona, no ámbito da parroquia, con baixa densidade de poboación (ZDP) segundo a clasificación publicada polo Instituto Galego de Estatística GU2016 (https://www.ige.eu/web/mostrar_paxina.jsp?paxina=003003001&idioma=gl). Teñen a consideración de entidades locais de carácter rural todos os concellos galegos, agás os concellos de Cambre, A Coruña, Culleredo, Ferrol, Narón, Oleiros, Santiago de Compostela, Lugo, Barbadás, Ourense, Poio, Pontevedra e Vigo.
b) As entidades de acción voluntaria de carácter asociativo que desenvolvan proxectos de voluntariado interxeracional no medio rural enmarcados no proxecto piloto Talento interxeracional a que se fai referencia no artigo 1 da orde.
Estas deberán desenvolver os ditos proxectos en calquera dos concellos galegos que teñan a consideración de entidade local de carácter rural consonte o disposto na letra a), sen necesidade de que a súa actividade principal ou sede social radique nalgún deles.
Prazo de presentación de solicitudes
O prazo de presentación das solicitudes será dun mes contado a partir do día seguinte ao da publicación da orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día de prazo é inhábil, entenderase prorrogado ao primeiro día hábil seguinte, e se no mes do vencemento non hai día equivalente ao inicial do cómputo, entenderase que o prazo remata o último do mes.
Outros datos
Para ter acceso á subvención requírese obter un mínimo de 50 puntos na avaliación técnica dos proxectos. Unha vez esgotado o crédito, aquelas solicitudes que non obtivesen subvención aínda que conten con 50 puntos ou máis pasarán a formar parte dunha lista de agarda, que seguirá a orde de prelación establecida e á cal se acudirá no caso de producirse a renuncia dalgunha das subvencións concedidas.
A contía da axuda por proxecto será de 18.000 € para un proxecto en que participe o número mínimo de persoas voluntarias que se prevén na orde; o dito importe incrementarase de xeito lineal atendendo ao número de persoas voluntarias previstas no proxecto ata a contía máxima de 30.000 €, que correspondería a un proxecto en que participen 12 persoas voluntarias.
No caso de presentación por máis dunha entidade local conxuntamente baixo calquera fórmula (agrupación, asociación, mancomunidade ou calquera outra similar) ou por entidades locais que sexan resultado dunha fusión doutras anteriores, os anteriores importes serán de 45.000 € para proxectos co número mínimo de persoas voluntarias previsto na orde, que se incrementaría linealmente ata os 75.000 € para un proxecto en que participen un total de 35 persoas voluntarias.
viernes, 12 de septiembre de 2025
SUBVENCIÓNS OBTENCIÓN E/OU MANTEMENTO DA MARCA Q DE CALIDADE TURÍSTICA E/OU MARCA S DE SUSTENTABILIDADE TURÍSTICA 2025
Axencia de Turismo de Galicia
Obxecto e réxime
O obxecto é a concesión de subvencións para os procesos de certificación de normas UNE que conduzan á obtención ou ao seguimento e renovación da marca Q de Calidade Turística e/ou da marca S de Sustentabilidade Turística do ICTES, e se convocan para o ano 2025 (código de procedemento TU970A).
O procedemento de concesión destas subvencións tramitarase en réxime de concorrencia competitiva e, no caso en que a persoa beneficiaria destas axudas realice unha actividade económica, quedará suxeita ao Regulamento (UE) 2023/2831 da Comisión, do 13 de decembro, relativo á aplicación dos artigos 107 e 108 do Tratado de funcionamento da Unión Europea ás axudas de minimis (DOUE do 15 de decembro, serie L).
Persoas beneficiarias
Poderán ser persoas beneficiarias destas subvencións:
Categoría 1ª: os concellos e as súas entidades instrumentais que xestionen os servizos públicos de competencia local recollidos no artigo 85.2.A da Lei 7/1985, do 2 de abril, reguladora das bases de réxime local.
Categoría 2ª: as persoas físicas ou xurídicas privadas titulares de establecementos ou servizos turísticos.
Gastos subvencionables
Consideraranse actuacións subvencionables as dirixidas á mellora da calidade e sustentabilidade turística mediante procesos de primeira certificación, seguimento e/ou renovación da marca de Calidade Turística Q e/ou a marca S de Sustentabilidade Turística do ICTES, correspondentes ao ano 2025 e que se inicien a partir do 1 de xaneiro de 2025. Concretamente serán subvencionables:
• Os custos de auditoría externa de certificación, seguimento e/ou renovación do sistema, facturados pola entidade auditora acreditada polo ICTES para a realización da auditoría de certificación, seguimento ou renovación correspondente ao ano 2025, da marca de Calidade Turística Q e/ou a marca S de Sustentabilidade Turística.
Non se terán en conta as xustificacións de gasto das auditorías internas realizadas polas entidades solicitantes no servizo/recurso turístico nin as cotas de adhesión destas ao ICTES no ano 2025, e quedan excluídos tamén os gastos xerados polo persoal dependente dos establecementos, así como aqueles gastos en que incorra a persoa ou entidade solicitante durante o proceso de implantación do correspondente referencial de Q de calidade e/ou S de sustentabilidade. Os importes obxecto de subvención serán os derivados, exclusivamente, dos custos de auditoría externa realizada no ano 2025.
• Os custos derivados dos dereitos de uso da marca Q e/ou da marca S no ano 2025, unha vez acadada a certificación, o seguimento e/ou a renovación do establecemento, facturados polo ICTES ao establecemento.
En ningún caso serán obxecto de subvención os gastos de xuros debedores en contas bancarias, os derivados de recargas e as sancións administrativas e penais. Os tributos serán gasto subvencionable cando a persoa beneficiaria da subvención os aboe efectivamente. En ningún caso se van subvencionar os impostos indirectos cando sexan susceptibles de recuperación ou compensación nin os impostos persoais sobre a renda.
Prazo de presentación de solicitudes
O prazo de presentación de solicitudes será dun mes contado a partir do día seguinte ao da publicación desta resolución no Diario Oficial de Galicia. Entenderase como último día do prazo o correspondente ao mesmo ordinal do día da publicación.
Se o último día de prazo é inhábil, entenderase prorrogado ao primeiro día hábil seguinte e, se no mes do vencemento non hai día equivalente ao inicial do cómputo, entenderase que o prazo remata o último do mes.
Prazo de xustificación da subvención
O prazo de xustificación das axudas concedidas rematará o 28 de novembro de 2025.
AXUDAS VINNOVATE GALICIA 2025
Axencia Galega de Innovación
Obxecto
Esta resolución ten por obxecto aprobar as bases polas que se rexerá a concesión das axudas da Axencia Galega de Innovación ao abeiro da convocatoria VInnovate Galicia. A través dela articúlase o financiamento dos axentes galegos participantes na segunda convocatoria do Mecanismo interrexional Vinnovate.
Estas axudas teñen como obxectivo potenciar unha maior colaboración e presenza europea e internacional dos axentes do sistema galego de I+D+i, promovendo a realización de proxectos colaborativos interrexionais de I+D. A participación nestes proxectos internacionais estratéxicos contribúe ao impulso e a consolidación da Marca Galicia, definida no marco da Estratexia de Especialización Intelixente (RIS3) de Galicia 2021-2027.
Así mesmo, mediante esta resolución, convócanse ditas axudas para o ano 2025, en réxime de publicidade, obxectividade e concorrencia competitiva.
Entidades beneficiarias
Poderán ser entidades beneficiarias das axudas desta resolución os organismos de investigación e empresas, nos termos previstos no artigo 8.3 da Lei 9/2007, do 13 de xuño, de subvencións de Galicia que realicen proxectos de desenvolvemento experimental en colaboración.
Prazo de presentación de solicitudes
O prazo de presentación de solicitudes comezará ao día seguinte ao da publicación desta convocatoria no Diario Oficial de Galicia e rematará o 15 de outubro de 2025, debendo cumprirse o prazo mínimo dun mes.
2ª CONVOCATORIA 2025 DAS PROBAS PARA A OBTENCIÓN DOS CERTIFICADOS DE LINGUA GALEGA, NIVEIS CELGA 2,3 E 4
Consellería de Cultura, Lingua e Xuventude
Obxecto.
Realizar a segunda convocatoria das probas para a obtención dos certificados acreditativos dos niveis de lingua galega Celga 2, 3 e 4, no ano 2025, con código de procedemento administrativo PL500C.
Persoas destinatarias.
As persoas maiores de dezaseis anos ou que os fagan no ano natural da convocatoria, nacionais ou estranxeiras.
Datas de realización das probas.
As probas dos distintos niveis Celga terán lugar na segunda quincena de novembro de 2025, sempre que ningunha circunstancia excepcional o impida. As datas concretas serán debidamente publicadas no Diario Oficial de Galicia, así como na páxina web da Secretaría Xeral da Lingua (https://www.lingua.gal).
Localidades onde se van realizar as probas e niveis.
As probas realizaranse en Santiago de Compostela, en Ponferrada e en Madrid.
As sedes e os horarios para a realización das probas publicaranse na páxina web da Secretaría Xeral da Lingua (https://www.lingua.gal) xunto coas listaxes definitivas das persoas admitidas.
Presentación de solicitudes e prazo.
5.1. As persoas que desexen inscribirse nas probas Celga deberán cubrir o formulario de solicitude, segundo o modelo PL500C, que se publica como anexo I, e aboar a taxa correspondente (código 304401). No formulario de solicitude deberán indicar a proba ou as probas a que solicitan presentarse, así como a localidade, e dirixilo á Secretaría Xeral da Lingua.
5.2. As persoas cunha discapacidade igual ou superior ao 33 % que as imposibilite para acreditar algunha das destrezas comunicativas (comprensión oral, expresión oral, comprensión escrita, expresión escrita) poderán solicitar motivadamente a exención da realización da proba ou probas referidas a esas destrezas.
De necesitar algún tipo de axuda para a realización das probas por mor dunha discapacidade, a persoa indicará na súa solicitude o apoio concreto que precisa (lectura fácil –para persoas con discapacidade intelectual–, máis tempo, maior tamaño de letra...).
En todo caso, a Secretaría Xeral da Lingua valorará se a discapacidade alegada dá lugar á exención e/ou ao apoio solicitados.
5.3. As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal
Opcionalmente, poderanse presentar presencialmente en calquera dos lugares e dos rexistros establecidos na normativa reguladora do procedemento administrativo común.
Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
5.4. O prazo de presentación das solicitudes, así como o de pagamento da taxa correspondente aos dereitos de exame, será de quince días hábiles, que se contarán a partir do día seguinte ao da publicación desta resolución no Diario Oficial de Galicia. Se o último día do prazo é inhábil, entenderase prorrogado ao primeiro día hábil seguinte.
miércoles, 10 de septiembre de 2025
PROBAS DE AVALIACIÓN DE CARÁCTER LIBRE PARA A OBTENCIÓN DO CERTIFICADO DE COMPETENCIAS DIXITAIS (COMDIX) NO SEU NIVEL DE INICIACIÓN
Axencia para a Modernización Tecnolóxica de Galicia
Datas e realización das probas
1. As probas desenvolveranse os días 29, 30 e 31 de outubro de 2025.
2. Terán lugar segundo o calendario que figura no anexo II, onde se relacionan os lugares con aulas CeMIT dispoñibles, as prazas convocadas por cada localidade, as datas e os horarios de realización.
Itinerario formativo
1. Para a preparación das probas de certificación de nivel iniciación ponse ao dispor do usuario, como material de apoio, o programa de autoformación conformado por un itinerario formativo composto por 7 cursos.
2. O acceso aos contidos pode realizarse en calquera momento e estarán dispoñibles permanentemente na plataforma de teleformación https://formacion-cemit.xunta.gal
3. A realización total ou parcial do itinerario formativo non dá dereito á expedición do certificado de competencias dixitais (ComDix), que se obterá unicamente pola superación da proba de certificación regulada nesta convocatoria.
4. Cada persoa determinará libremente as actividades formativas nas que quere inscribirse e o período durante o cal vai traballar na actividade ou actividades do programa de autoformación elixidas.
5. O acceso aos contidos das actividades do programa de autoformación non implica a obrigación de presentarse ás probas de certificación reguladas nin é tampouco un requisito para matricularse nelas.
Solicitudes de participación e prazo de inscrición
1. As persoas que desexen participar nas probas de certificación deberán ser maiores de 16 anos e inscribirse na páxina web da rede CeMIT https://cemit.xunta.gal antes da finalización do prazo de inscrición.
2. Con carácter previo á inscrición é necesario darse de alta como usuario/a da Rede CeMIT no enderezo electrónico https://aulascemit.xunta.es/usuarios, para o que é imprescindible facilitar unha conta persoal de correo electrónico.
3. Os datos persoais cos que a persoa se inscriba na páxina web da Rede CeMIT serán os que se tomen de referencia durante todo o proceso de selección para a participación nas probas e a posterior emisión das certificacións. A Amtega non se fai responsable da emisión de certificacións con datos incorrectos por erros na inscrición ás probas.
4. O prazo para a inscrición será de catorce (14) días naturais contados a partir do seguinte ao da publicación desta resolución no Diario Oficial de Galicia. Se o último día do prazo é inhábil, entenderase prorrogado ao primeiro día hábil seguinte.
5. Soamente se poderá presentar unha solicitude de inscrición por persoa participante, sendo excluídas automaticamente aquelas persoas que figuren rexistradas en máis dunha localidade ou horario.
6. Unha vez que finalice o prazo de inscrición e aplicados os criterios de selección que se recollen na base cuarta, publicarase a relación provisional de persoas admitidas en cada unha das localidades na páxina web da Rede CeMIT (https://cemit.xunta.gal), así como a listaxe de reservas e de excluídas.
PREMIOS FIN DE CARREIRA PARA O ALUMNADO QUE REMATOU ENSINANZAS ARTÍSTICAS SUPERIORES NO CURSO 2024/25
Consellería de Educación, Ciencia, Universidades e Formación Profesional
Obxecto
Convocar, en réxime de concorrencia competitiva, os premios fin de carreira da Comunidade Autónoma para o alumnado que rematou os seus estudos de ensinanzas artísticas superiores no curso 2024/25 nos centros públicos da Comunidade Autónoma de Galicia.
Persoas beneficiarias
Estudantes que remataron brillantemente os seus estudos de ensinanzas artísticas superiores conducentes a unha titulación superior de ensinanzas artísticas no curso 2024/25, nos centros dependentes da Xunta de Galicia, cunha puntuación media no seu expediente académico igual ou superior a 8,5000 sen arredondamento.
Prazo de presentación de solicitudes
O prazo de presentación de solicitudes será dun mes, contado desde o día seguinte ao da publicación desta convocatoria no Diario Oficial de Galicia. Entenderase como último día do prazo o correspondente ao mesmo ordinal do día da súa publicación. Se o último día de prazo for inhábil, entenderase prorrogado ao primeiro día hábil seguinte e, se no mes do vencemento non houber día equivalente ao inicial do cómputo, entenderase que o prazo finaliza o último día do mes.
martes, 9 de septiembre de 2025
BOLSAS GALICIA EUROPA
Consellería de Presidencia, Xustiza e Deportes
Obxecto
Estas bases regulan as condicións polas que se rexerá a concesión de bolsas de formación, para persoas cun título universitario ou cun título de técnico superior de formación profesional, para a realización de prácticas en asuntos relacionados coa Unión Europea nas dependencias da Fundación Galicia Europa en Bruxelas, bolsas Galicia Europa (código de procedemento PR770N).
Condicións xerais da bolsa
1. As bolsas reguladas nesta orde concederanse en réxime de concorrencia competitiva e baixo os principios de publicidade, obxectividade, transparencia, igualdade, non discriminación, eficacia e eficiencia.
2. O obxectivo das bolsas é permitirlles ás persoas beneficiarias familiarizarse cos asuntos comunitarios desde unha perspectiva galega e, en última instancia, facilitar o seu acceso ao mercado laboral.
3. A concesión e gozo da bolsa non suporá vinculación laboral ou funcionarial entre a persoa bolseira e a Fundación Galicia Europa.
A estas bolsas non lles será aplicable o Estatuto do persoal investigador en formación.
4. As bolsas serán indivisibles e incompatibles con calquera outra bolsa concedida para o mesmo período e con calquera actividade laboral ou remunerada. A persoa adxudicataria no momento de aceptación da bolsa non poderá ser perceptora de salarios ou doutros ingresos que impliquen vinculación contractual ou estatutaria. A bolsa é incompatible coa percepción de prestación ou subsidio por desemprego.
Requisitos das persoas beneficiarias para obter a bolsa
Poderán optar á obtención das bolsas as persoas que reúnan os seguintes requisitos, que deberán posuír no momento de rematar o prazo de presentación de solicitudes:
1. Ter a nacionalidade española ou ser nacional dun estado membro da Unión Europea.
2. Ser natural de Galicia, ser fillo/filla de galegos ou acreditar a residencia en Galicia, polo menos, desde os dous anos anteriores á publicación da convocatoria, mediante empadroamento.
3. Posuír o título académico necesario para a modalidade a que se presenta a persoa beneficiaria ou xustificante do pagamento das taxas que dan dereito á expedición do devandito título. Os estudos conducentes á obtención do título deberán terse rematado dentro dos seis (6) anos anteriores ao da publicación da convocatoria.
a) Para as bolsas do artigo 3.2.a) de formación en asuntos comunitarios desde unha perspectiva galega, é necesario posuír un título universitario de grao, licenciado/a, enxeñeiro/a ou equivalente.
b) Para as bolsas do artigo 3.2.b) de formación en comunicación das políticas comunitarias, das actividades da FGE e da participación galega en asuntos europeos, é necesario posuír un grao ou licenciatura en Xornalismo, Comunicación Audiovisual ou Publicidade e Relacións Públicas.
c) Para as bolsas do artigo 3.2.c) para a realización de prácticas de secretariado e apoio administrativo é necesario posuír un título de técnico superior de formación profesional na familia profesional de Administración e Xestión, Markéting e Publicidade, Comercio Internacional ou Informática e Comunicacións.
4. Posuír a capacidade funcional necesaria para o desempeño das funcións que se deriven do obxecto desta bolsa.
5. As persoas solicitantes non poden estar incursas nas prohibicións para obter a condición de persoa beneficiaria sinaladas no artigo 10.2 da Lei 9/2007, do 13 de xuño, de subvencións de Galicia (DOG nº 121, do 25 de xuño).
6. Non ter gozado anteriormente doutra bolsa da FGE en convocatorias anteriores, excepto que na convocatoria do ano inmediatamente anterior fose chamado da listaxe de suplentes e gozase da bolsa por un período de tempo non superior a 3 meses.
Presentación de solicitudes, prazo e declaracións responsables
1. As solicitudes presentaranse obrigatoriamente por medios electrónicos a través do formulario normalizado, que se incluirá como anexo na correspondente resolución de convocatoria e que estará dispoñible na sede electrónica da Xunta de Galicia, https://sede.xunta.gal
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, requirirase para que a emende a través da súa presentación electrónica. Para estes efectos, considerarase como data de presentación da solicitude aquela en que foi realizada a emenda.
Para a presentación electrónica das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave 365 (https://sede.xunta.gal/chave365).
Debido á formación académica exixida ás persoas beneficiarias desta bolsa, considérase que teñen acceso e dispoñibilidade suficiente dos medios electrónicos necesarios para realizar todos os trámites electronicamente neste procedemento, de acordo co establecido no artigo 14.3 da Lei 39/2015, do 1 de outubro, do procedemento administrativo común das administracións públicas, e nos artigos 10.2 e 10.3 da Lei 4/2019, do 17 de xullo, de administración dixital de Galicia.
2. O prazo de presentación de solicitudes e da documentación complementaria e méritos, de acordo cos anexos que acompañarán a correspondente resolución de convocatoria, será dun mes contado a partir do día seguinte ao da publicación da resolución da correspondente convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación.
Se o último día do prazo é inhábil, entenderase prorrogado ao primeiro día hábil seguinte e, se no mes do vencemento non hai día equivalente ao inicial do cómputo, entenderase que o prazo expira o último do mes.
3. Se a solicitude non reúne os requisitos establecidos nas bases reguladoras e na resolución de convocatoria, o órgano competente requirirá persoa interesada para que a emende no prazo máximo improrrogable de dez (10) días, e indicaralle que, se así non o fixer, se lle terá por desistida da súa solicitude, logo da resolución ditada nos termos previstos no artigo 21 da Lei 39/2015, do 1 de outubro, do procedemento administrativo común das administracións públicas.
4. Na solicitude, que figurará nun anexo da correspondente resolución de convocatoria, inclúense as seguintes declaracións responsables:
a) Declaración de que todos os datos contidos na solicitude e nos documentos que se presentan son certos.
b) Declaración responsable de non estar a persoa incursa en ningunha das circunstancias previstas no artigo 13 da Lei 38/2003, do 17 de novembro, xeral de subvencións.
c) Declaración de non atoparse a persoa incursa en ningunha clase de inhabilitación para a obtención de axudas previstas nos números 2 e 3 do artigo 10 da Lei 9/2007, do 13 de xuño, de subvencións de Galicia.
d) Declaración responsable de estar ao día no pagamento das obrigas por reintegro de subvencións, conforme o artigo 10.2.g) da Lei 9/2007, do 13 de xuño, de subvencións de Galicia, e o artigo 9 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
e) Declaración responsable do solicitante de estar ao día no cumprimento das obrigas tributarias e fronte á Seguridade Social e de non ter pendente de pagamento ningunha outra débeda coa Administración pública da Comunidade Autónoma de Galicia de conformidade co artigo 11 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
f) Declaración responsable de non percibir ningunha compensación económica doutras entidades polos conceptos acreditados ante a FGE.
lunes, 8 de septiembre de 2025
BOLSAS SANTADER PREMIOS Á EXCELENCIA ACADÉMICA PARA O ESTUDANTADO QUE INICIA ESTUDOS DE GRAO E MASTER UNIVERSITARIO NA UNIVERSIDADE DE VIGO CURSO 2025-2026
Universidade de Vigo
Obxecto
O obxecto desta convocatoria é incentivar a cultura do mérito e a excelencia, a través do recoñecemento ao estudantado cos mellores resultados académicos nos estudos previos ao seu ingreso na titulación.
Categoría A: convócanse 105 premios destinados ao estudantado que inicia estudos de grao.
Categoría B: convócanse 35 premios destinados ao estudantado que inicia estudos de máster universitario.
Persoas beneficiarias
Estudantado que inicia estudos de grado e máster na Universidade de Vigo no curso 2025/26.
Prazo de presentación de solicitudes
O prazo de presentación de solicitudes será desde o 29 de agosto ata o 15 de outubro de 2025.
BOLSAS SANTANDER 2025 PARA ESTUDANTADO QUE INICIOU ESTUDOS DE DOUTORAMENTO NA UNIVERSIDADE DE VIGO NO CURSO 2024-2025
Universidade de Vigo
Obxecto
O obxecto desta convocatoria é atender de maneira especial o novo estudantado da Universidade de Vigo que está a realizar desde o curso académico 2024/25 estudos oficiais de doutoramento e que destaca particularmente por unha traxectoria académica de excelencia nos estudos previos aos de doutoramento.
Persoas beneficiarias
Alumando matriculado por primeira vez en estudos de doutoramento da Universidade de Vigo no curso académico 2024/25.
Prazo de presentación de solicitudes
O prazo de presentación de solicitudes será desde o 29 de agosto ata o 15 de outubro de 2025.
AXUDAS AO FOMENTO DA UTILIZACIÓN DE INSTALACIÓNS E EQUIPAMENTOS EN COMÚN EN RÉXIME ASOCIATIVO 2025
Consellería do Medio Rural
ObxectoEsta orde ten por obxecto establecer as bases reguladoras das axudas en réxime de concorrencia competitiva, para o fomento da utilización de instalacións e equipamentos en común en réxime asociativo.
Persoas beneficiarias
Poderán ser beneficiarias destas axudas as cooperativas agrarias formadas por persoas titulares de explotacións agrarias.
Investimentos elixibles
Serán elixibles os investimentos produtivos que teñan como obxectivo contribuír a:
a) Accións de mitigación ou adaptación ao cambio climático.
b) Investimentos para a xestión eficiente dos recursos auga, solo e aire.
c) Mellora da eficiencia enerxética e produción de enerxías verdes.
d) Investimentos para a mellora do benestar animal.
e) Investimentos en medidas de bioseguridade nas explotacións agrarias.
Porcentaxe e contía máxima da axuda
1. O importe da axuda será do 40 % dos custos elixibles, que poderá incrementarse ata un máximo do 65 % en función da aplicación dos seguintes criterios:
a) 10 % no caso de proxectos estratéxicos de interese xeral para a comunidade autónoma.
b) 10 % no caso de entidades con máis do 30 % de titulares de explotacións agrarias de produción ecolóxica.
c) 5 % cando máis do 50 % das persoas socias titulares de explotacións agrarias sexan mulleres ou acrediten máis do 50 % do capital social.
2. No caso de investimentos en explotacións intensivas, a axuda limitarase á porcentaxe de axuda base.
3. A contía máxima da axuda establécese en 3.000.000 euros.
Prazo de presentación de solicitudes
O prazo para a presentación de solicitudes é dun mes desde o día seguinte ao da súa publicación no Diario Oficial de Galicia.
AXUDAS A PERSOAS TITULADAS UNIVERSITARIAS EN SITUACIÓN DE DESEMPREGO PARA A MATRÍCULA NUN MÁSTER UNIVERSITARIO OFICIAL
Consellería de Educación, Ciencia, Universidades e Formación Profesional
Obxecto
Convocar en réxime de concorrencia competitiva axudas destinadas a financiar os gastos derivados da matrícula nun máster universitario oficial ofertado polas universidades do Sistema universitario de Galicia.
Persoas beneficiarias
Persoas desempregadas con titulación universitaria matriculadas no curso 2025/26 nun máster universitario oficial ofertado polas universidades do Sistema universitario de Galicia.
Prazo de presentación de solicitudes
O prazo de presentación de solicitudes será desde o día seguinte ao da publicación desta convocatoria no Diario Oficial de Galicia ata o 6 de outubro de 2025.
jueves, 4 de septiembre de 2025
OPORTUNIDADE DE NEGOCIO: PRODUCIÓN DE MAZÁ DE SIDRA
Xornada sobre Oportunidade de
Negocio de PRODUCIÓN DE MAZÁ DE SIDRA, que se desenvolverá o día 17 de setembro
(mércores) de 2025 en modo ONLINE. Esta Xornada é para tratar de
informar, posibilitar, avaliar, asesorar e orientar ás persoas na PRODUCIÓN DE
MAZÁ DE SIDRA e/ou inquedanzas nesta produción e en obter ingresos
económicos do agro, e buscar unha saída económica e/ou laboral no medio rural,
ou mesmo para complementar ingresos e actividades que xa están a desenvolver no
mesmo ocupando terras e mesmo temporadas de baixa actividade. Na Xornada
interveñen persoas expertas neste ámbito, e mesmo persoas e asociacións que nos
contarán a súa experiencia na PRODUCIÓN DE MAZÁ DE SIDRA. Na Xornada
contémplase un análise e plan de como debe ser a produción de mazá de sidra
dendê un centro de investigación de Galicia, e mesmo como deben ser os
contratos cos llagares, os custos de produción, as posibles e
necessárias axudas PAC, etc. Achegamos programa previsto.
Para poder asistir e participar na Xornada
PRODUCIÓN DE MAZÁ DE SIDRA é preciso inscribirse previamente, para aceder á conexión
deben inscribirse aquí: https://us06web.zoom.us/meeting/register/qX7z3V9oSQW7ruHDeTK0Yw#/registration
Procedan a inscribirse para recibir o
enlace á videoconferencia e poder participar. Pregamos non se esquezan de
inscribirse se desexan participar.
BONO CONCILIA FAMILIA 2025
Consellería de Política Social e Igualdade
Obxecto
1. Esta orde ten por obxecto establecer as bases reguladoras polas que se rexerá a concesión de axudas ás familias residentes en Galicia con nenos e nenas nados entre o 1 de xaneiro de 2012 e o 31 de decembro de 2021, para a atención de necesidades de conciliación de carácter puntual ou durante os períodos de vacacións escolares que teñan lugar entre o 1 de xaneiro e o 7 de setembro de 2025 (código de procedemento BS412A), así como proceder á súa convocatoria.
2. Para os efectos desta orde, entenderanse como períodos de vacacións escolares os seguintes períodos do ano 2025:
– Do 1 ao 7 de xaneiro.
– Os días 3, 4 e 5 de marzo.
– Do 14 ao 21 de abril.
– Do 21 de xuño ao 7 de setembro.
3. As axudas previstas nesta orde tramitaranse baixo o réxime de concorrencia non competitiva, de acordo co previsto no artigo 19.2 da Lei 9/2007, do 13 de xuño, de subvencións de Galicia, dado que polo obxecto e a finalidade das subvencións non será necesaria a comparación e prelación das solicitudes presentadas que reúnan os requisitos establecidos na convocatoria.
Persoas beneficiarias
1. Poderán ser beneficiarias das axudas do programa Bono Concilia Familia os pais/nais e as persoas titoras de nenos e nenas nados entre o 1 de xaneiro de 2012 e o 31 de decembro de 2021, ou as persoas que os/as teñan en situación de acollemento familiar ou garda con fins adoptivos, que residan na Comunidade Autónoma de Galicia.
No suposto de solicitudes por enfermidade ou accidente do neno ou nena e/ou por necesidades en períodos de vacacións escolares, ambos pais/nais, persoas titoras, acolledoras, gardadoras con fins adoptivos, pais/nais con custodia non compartida ou proxenitor de familia monoparental terán que estar traballando. Aos efectos deste apartado, as situacións de incapacidade permanente absoluta e gran invalidez equiparanse a esta situación. Nos supostos de custodia compartida, este requisito entenderase referido ao tempo en que esta se exerza efectivamente, acreditando que nese período de tempo lle corresponde a garda e custodia á persoa que solicita esta axuda, debendo presentar, nestes casos, cada pai/nai unha solicitude individual.
2. Ademais, as persoas beneficiarias teñen que cumprir os requisitos establecidos no artigo 10 da Lei 9/2007, do 13 de xuño.
Lugar e prazo de presentación das solicitudes
1. As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal debendo realizar unha única solicitude por neno ou nena, agás nos caso de custodia compartida, e por un único tipo de gasto. En caso de presentar máis dunha solicitude, atenderase á primeira solicitude realizada.
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario/a e clave Chave365 (https://sede.xunta.gal/chave365).
2. O prazo de presentación de solicitudes será dun mes e comezará ás 9.00 horas do día 8 de setembro de 2025 e finalizará o día 8 de outubro de 2025 ás 23.59 horas.
miércoles, 3 de septiembre de 2025
(E-MARTES) USO DE CERTIFICADOS DIXITAIS NA XUNTA DE GALICIA
Escola Galega de Administración Pública
Contidos
A xornada de formación práctica dixital (e-martes), que se desenvolverá o día 23 de setembro de 2025 abordará o uso de certificados dixitais na Xunta de Galicia cunha dobre perspectiva:
– Uso interno nas administracións públicas: certificados de empregado público, certificados de selo electrónico para actuacións administrativas automatizadas e portasinaturas corporativo.
– Cidadanía: sede electrónica da Xunta de Galicia. Proxecto Chave 365. Sala electrónica de sinaturas.
Os dous grupos de persoas destinatarias participarán de xeito conxunto na parte teórica da formación que, na súa parte práctica, se adaptará aos requirimentos específicos de cada grupo.
Persoas destinatarias
As persoas destinatarias desta actividade son:
– O persoal empregado público, en situación de servizo activo ou asimilada, da Administración autonómica galega, dos seus entes públicos instrumentais e da Administración institucional. Neste grupo de persoas destinatarias priorizarase a inscrición daquelas persoas solicitantes que poidan xustificar debidamente que as súas funcións están directamente relacionadas coa materia impartida.
– A cidadanía: profesionais e persoas interesadas na materia impartida.
Desenvolvemento
Data: o martes 23 de setembro de 2025.
Modalidade de impartición: presencial.
Lugar: Escola Galega de Administración Pública (EGAP), rúa Madrid, 2-4, Santiago de Compostela.
Horario: de mañá e tarde.
Duración: 7 horas lectivas.
Número de prazas
Cincuenta (50).
Inscrición
1. A inscrición nesta actividade formativa só poderá realizarse por vía telemática accedendo ao enderezo https://egap.xunta.gal/matricula. As solicitudes entenderanse presentadas unha vez que se complete correctamente o proceso de matriculación.
2. Antes de formalizar a súa inscrición nesta actividade todas as persoas deberán introducir ou actualizar os datos da súa área de matrícula, de acordo coas persoas destinatarias e requisitos de selección establecidos na bases terceira e oitava, respectivamente. En concreto, deberán indicar correctamente o colectivo de persoas destinatarias ao cal pertencen (Administración autonómica, para o persoal empregado público da Administración autonómica galega, dos seus entes públicos instrumentais e da Administración institucional; ou cidadanía, no caso de non ser persoal empregado público).
3. As persoas que oculten ou falseen datos esenciais para a selección serán automaticamente excluídas da actividade solicitada e pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.
4. As persoas interesadas deberán seleccionar primeiro a área en que está integrada esta actividade (Administración electrónica, protección de datos e calidade administrativa) e despois seleccionar en nome do curso a Xornada de formación práctica dixital (e-martes) sobre o uso de certificados dixitais na Xunta de Galicia.
5. O prazo para a inscrición nesta actividade estará habilitado desde as 9.00 horas do primeiro día hábil seguinte ao da publicación desta resolución no Diario Oficial de Galicia ata as 23.59 horas do día 17 de setembro de 2025.
Poderá obterse calquera outra información, desde as 8.30 horas ata as 14.30 horas, nos teléfonos 981 54 62 39 e 981 54 62 41.
martes, 2 de septiembre de 2025
MODIFICACIÓN.- AXUDAS PARA A PREVENCIÓN DOS DANOS QUE CAUSAN DETERMINADAS ESPECIES DE FAUNA SILVESTRE 2025
Consellería de Medio Ambiente e Cambio Climático
PREMIOS DO PROGRAMA XUVENTUDE CREA 2025
Consellería de Cultura, Lingua e Xuventude
Obxecto
O obxecto é establecer as bases que rexen a concesión dos premios do programa Xuventude Crea e proceder á súa convocatoria para o ano 2025.
Persoas beneficiarias
Poderán solicitar a participación na obtención dos premios nas especialidades do programa Xuventude Crea 2025 as persoas non profesionais –exceptúase este requisito para a especialidade de teatro, modalidade Pro, nos termos establecidos no capítulo II para esta especialidade–, e que cumpran os seguintes requisitos:
a) Posuír nacionalidade española, ser nacional dun país membro da Unión Europea ou persoa estranxeira residente en España no momento de presentación da solicitude, e desenvolver a actividade artística nalgunha das modalidades obxecto destes premios maioritariamente na Comunidade Autónoma de Galicia.
b) Ser descendente de persoa emigrante galega ata o terceiro grao ou ter residencia habitual no estranxeiro pero vinculado con calquera concello galego no Padrón de españois residentes no estranxeiro (PERE).
c) Ter unha idade comprendida entre os 16 e os 30 anos feitos no ano 2025, agás o establecido no capítulo II para cada especialidade.
Enténdese por profesional aquela persoa que mantén unha relación contractual permanente ou ocasional con algunha empresa vinculada á especialidade concreta na cal solicita participar levando a cabo traballos directamente relacionados con ela, ou que está dada de alta como autónoma nunha actividade que teña unha relación directa coa citada especialidade.
Salvo no caso das especialidades de cociña, creación de contido, creación de videoxogos, danza moderna, DJ (disc-jóckey), música, teatro e videocreación, a participación será sempre a título individual.
Aquelas persoas que gañasen o primeiro premio dunha especialidade das convocadas na edición do ano anterior non poderán participar na mesma especialidade nesta convocatoria.
Prazo de presentación de solicitudes
O prazo de presentación de solicitudes será dun mes contado desde o día seguinte ao da publicación desta orde no Diario Oficial de Galicia.
Outros datos
Especialidades dos premios do programa Xuventude Crea:
a) Artes plásticas, coas modalidades de pintura e escultura.
b) Arte urbana.
c) Banda deseñada.
d) Cociña.
e) Creación de contido.
f) Creación de videoxogos.
g) Danza moderna.
h) Deseño de xoias.
i) DJ (disc-jóckey).
j) Fotografía.
k) Moda.
l) Música.
m) Novela curta.
n) Poesía.
ñ) Teatro, coas modalidades de Afeccionado e Pro.
o) Videocreación.
Premios por cada unha das especialidades:
Un primeiro premio de 2.000 €.
Un segundo premio de 1.500 €.
Un terceiro premio de 1.000 €.
Un premio especial de 1.000 € para a modalidade de música clásica da especialidade de música.
Poderanse outorgar mencións de honra, que carecerán de dotación económica, nas diferentes especialidades, a aquelas obras que conseguiran chegar á fase final en relación ás especialidades que establezan a dita fase á que acceden as persoas concursantes finalistas seleccionadas e que coa avaliación da comisión de selección, acaden a suficiente calidade.