Consellería do Medio Rural
Obxecto
1. Esta orde ten por obxecto convocar para o ano 2026 os premios á excelencia da calidade hixiénico-sanitaria de produtores de leite cru de vaca de Galicia.
2. Esta orde publicarase no Diario Oficial de Galicia e na páxina web oficial da Consellería do Medio Rural.
Persoas beneficiarias
Poderán optar a estes premios todas as explotacións leiteiras de gando vacún de Galicia que realizan os seus autocontrois de calidade no Laboratorio Interprofesional Galego de Análise do Leite (LIGAL) de tal xeito que consten na base de datos deste laboratorio os resultados das mostras de leite correspondentes ao período de referencia, que comprende desde o mes de agosto de 2025 ao mes de xullo de 2026.
Disposición adicional única. Réxime supletorio
No non previsto nesta orde será de aplicación o disposto nas bases que regulan a concesión dos premios de excelencia da calidade hixiénico-sanitaria de produtores de leite cru de vaca, establecidas na Orde do 22 de agosto de 2017, modificada pola Orde do 10 de maio de 2021.
