OFERTA DE EMPREGO PÚBLICO 2021 DE PERSOAL FUNCIONARIO DOS CORPOS DOCENTES QUE IMPARTEN ENSINANZAS REGULADAS NA L.O. 2/2006

 CONSELLERÍA DE CULTURA, EDUCACIÓN E UNIVERSIDADE

DECRETO 84/2021, do 12 de maio, polo que se aproba a oferta de emprego público correspondente a prazas de persoal funcionario dos corpos docentes que imparten as ensinanzas reguladas na Lei orgánica 2/2006, do 3 de maio, de educación, da Comunidade Autónoma de Galicia para o ano 2021.

Artigo 1. Aprobación da oferta de emprego público dos corpos docentes

Apróbase a oferta de emprego público correspondente aos corpos docentes que imparten as ensinanzas reguladas na Lei orgánica 2/2006, do 3 de maio, de educación, da Comunidade Autónoma de Galicia para o ano 2021.

Artigo 2. Cuantificación da oferta de emprego público relativa á taxa de reposición

O número de prazas que se convocan nesta oferta de emprego público relativas á taxa de reposición é de 1.372.

Artigo 3. Cuantificación da oferta de emprego público relativa á taxa de reposición distribuída por corpos

Corpo de mestres: 652.

Corpo de profesores de ensino secundario: 692.

Corpo de profesores de escolas oficiais de idiomas: 20.

Corpo de profesores de artes plásticas e deseño: 8.

Artigo 4. Prazas de promoción interna

Ademais das prazas de reposición de efectivos a que se fai referencia nos artigos 2 e 3 deste decreto, ofertaranse as seguintes prazas de promoción interna:

Acceso ao corpo de profesores de ensino secundario: 230.

Acceso ao corpo de profesores de artes plásticas e deseño: 2.