BOLSAS PARA A REALIZACIÓN DE ESTUDOS NO CENTRO SUPERIOR DE HOSTALARÍA DE GALICIA

 AXENCIA TURISMO DE GALICIA

RESOLUCIÓN do 31 de xullo de 2020 pola que se establecen as bases reguladoras para a concesión, en réxime de concorrencia competitiva, de bolsas para a realización de estudos no Centro Superior de Hostalaría de Galicia, e se procede á súa convocatoria para o curso 2020/21 (código de procedemento TU200A).

Obxecto
O establecemento de bolsas de matrícula, en réxime de concorrencia competitiva, para os/as alumnos/as que cursen as titulacións que imparte o CSHG para o curso 2020/21.
Clases e contías das bolsas:
As bolsas consistirán no desconto dunha parte porcentual dos prezos da matrícula en réxime externo da titulación en que se matricule.
Segundo a contía, establécense dúas modalidades:
Tipo I: supoñen un desconto do 80 % do prezo da matrícula ordinaria por titulación.
Tipo II: supoñen un desconto do 50 % do prezo da matrícula ordinaria por titulación.
Conforme as titulacións que se imparten no CSHG, a través da presente convocatoria outorgaranse as seguintes bolsas para o curso 2020/21:
a) 6 bolsas tipo I para o 1º curso de Diploma Superior en Xestión Hoteleira.
b) 12 bolsas tipo II para o 1º curso de Diploma Superior en Xestión Hoteleira.
c) 3 bolsas tipo II para o 1º curso de Diploma de Gastronomía e Xestión en Cociña.

Persoas beneficiarias
Poderán solicitar estas bolsas os/as alumnos/as que reúnan os requisitos académicos e económicos que establece esta resolución e teñan feito, se procede, a reserva de praza nalgunha das titulacións do CSHG para o curso 2020/21, no seu primeiro curso.
No caso de que non se outorgue a totalidade das bolsas incluídas para a convocatoria do curso 2020/21, poderán outorgarse ao alumnado do resto de cursos, sempre que reúnan os requisitos establecidos para a obtención das bolsas no artigo 4 destas bases, salvo o de cursar o primeiro curso.

Prazo de presentación de solicitudes
O prazo de presentación de solicitudes será dun mes contado a partir do día seguinte ao da publicación desta resolución no Diario Oficial de Galicia. Entenderase como último día do prazo o correspondente ao mesmo ordinal do día da publicación.

Importe
Bolsas tipo I: supoñen un desconto do 80 % do prezo da matrícula ordinaria por titulación.
Bolsas tipo II: supoñen un desconto do 50 % do prezo da matrícula ordinaria por titulación.

Aboamento e xustificación
A bolsa non supón a entrega efectiva de diñeiro ao/á alumno/a a quen lle foi concedida. A concesión da bolsa supón a posibilidade de matricularse nas titulacións sen necesidade de aboar o importe que lle foi concedido segundo o tipo de bolsa.