DOMINGOS E FESTIVOS EN QUE SE AUTORIZA A APERTURA DE ESTABLECEMENTOS COMERCIAIS DURANTE 2025

Consellería de Emprego, Comercio e Emigración

ORDE do 17 de setembro de 2024 pola que se establecen os domingos e festivos en que se autoriza a apertura de establecementos comerciais durante o ano 2025.

Artigo único. Os domingos e festivos en que os establecementos comerciais poderán permanecer abertos ao público durante o ano 2025 son:

– 7 de xaneiro

– 12 de xaneiro

– 17 de abril

– 29 de xuño

– 30 de novembro

– 6 de decembro

– 8 de decembro

– 14 de decembro

– 21 de decembro

– 28 de decembro

PREMIOS DO COMERCIO GALEGO 2024

Consellería de Emprego, Comercio e Emigración

ORDE do 18 de setembro de 2024 pola que se establecen as bases reguladoras e se fai pública a convocatoria para a concesión, en réxime de concorrencia competitiva, dos premios do Comercio galego 2024 (código de procedemento IN214C).

Obxecto e ámbito da convocatoria

Esta orde ten por obxecto establecer as bases que rexen os premios do Comercio galego, que se aproban no anexo I, e proceder á súa convocatoria para o ano 2024, co obxectivo de recoñecer o labor dos/das profesionais do sector comercial e contribuír á súa difusión como panca para o desenvolvemento económico e social das nosas vilas e cidades (código de procedemento IN214C).

Os premios do Comercio galego constan das seguintes categorías:

a) Premio Comercio 2024, cunha contía de 5.000 euros.

b) Premio Comercio Traxectoria 2024, cunha contía de 3.000 euros.

c) Premio Comercio Emprende 2024, cunha contía de 3.000 euros.

d) Premio Comercio Dinamización 2024, cunha contía de 5.000 euros.

e) Premio Comercio Consumo responsable 2024, cunha contía de 3.000 euros.

Características dos premios

1. Os premios do Comercio galego constan das seguintes categorías:

a) Premio Comercio 2024.

Recoñecerase o establecemento comercial que exemplifique os valores do sector comercial de proximidade mediante a implantación dun modelo de negocio moderno, competitivo e adaptado aos novos retos.

b) Premio Comercio Traxectoria 2024.

Recoñecerase a persoa cunha longa e consolidada traxectoria profesional comercial que pola súa permanencia e continuidade cree un vínculo de especial arraigo coa súa vila.

c) Premio Comercio Emprende 2024.

Recoñecerase o establecemento comercial novo que ofreza á clientela unha experiencia de compra diferenciada.

d) Premio Comercio Dinamización 2024.

Recoñecerase a implantación do mellor proxecto ou iniciativa de dinamización comercial nos últimos tres anos (2022-2024) co obxectivo de incrementar as vendas e potenciais clientes/as.

e) Premio Comercio Consumo responsable 2024.

Recoñecerase o mellor proxecto ou iniciativa de promoción do consumo responsable.

2. Cada candidato/a non poderá percibir máis dun premio.

3. As contías dos premios obxecto desta convocatoria serán únicas e estarán suxeitas ás retencións correspondentes conforme a lexislación tributaria vixente.

Requisitos de participación

1. Poderán optar ás distintas categorías:

a) Premio Comercio 2024.

As persoas comerciantes retallistas que desenvolvan a súa actividade comercial en Galicia e cumpran os requisitos establecidos legalmente para exercer a actividade.

b) Premio Comercio Traxectoria 2024.

As persoas comerciantes retallistas que desenvolvan a súa actividade comercial en Galicia e cumpran os requisitos establecidos legalmente para exercer a actividade. O comercio onde desenvolvan a actividade comercial debe ter unha antigüidade mínima de trinta anos.

c) Premio Comercio Emprende 2024.

As persoas comerciantes retallistas que desenvolvan a súa actividade comercial en Galicia e cumpran os requisitos establecidos legalmente para exercer a actividade. O comercio onde desenvolvan a actividade comercial debe ter unha antigüidade de entre dous e catro anos.

d) Premio Comercio Dinamización 2024.

As asociacións e federacións de comerciantes retallistas e as asociacións de persoas vendedoras das prazas de abastos, sen ánimo de lucro, que estean legalmente constituídas e cuxo ámbito de actuación se desenvolva na Comunidade Autónoma de Galicia.

e) Premio Comercio Consumo responsable 2024.

As persoas comerciantes retallistas que desenvolvan a súa actividade comercial en Galicia e cumpran os requisitos establecidos legalmente para exercer a actividade, e as asociacións e federacións de comerciantes retallistas e asociacións de persoas vendedoras das prazas de abastos, sen ánimo de lucro, que estean legalmente constituídas e cuxo ámbito de actuación se desenvolva na Comunidade Autónoma de Galicia.

2. Cada persoa ou entidade interesada presentará unha única candidatura para optar aos premios do Comercio galego, marcando na solicitude (anexo II) o recadro correspondente á modalidade a que opta.

3. A participación das persoas interesadas supón a aceptación total das condicións fixadas nesta orde e a Dirección Xeral de Comercio e Consumo queda facultada para dirimir calquera controversia derivada da súa interpretación.

4. Non poderán obter a condición de beneficiarias as persoas físicas ou xurídicas en que se dea algunha das circunstancias previstas no artigo 10 da Lei 9/2007, do 13 de xuño, de subvencións de Galicia.

Prazo de presentación de solicitudes

O prazo para a presentación de solicitudes será dun mes contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día de prazo é inhábil, entenderase prorrogado ao primeiro día hábil seguinte, e se no mes de vencemento non hai día equivalente ao da publicación, entenderase que o prazo remata o último día do mes.

TALLER ONLINE: AYUDAS PARA EMPRENDER EN GALICIA

 AYUDAS PARA EMPRENDER EN GALICIA (Programa EMEGA y Emigrantes Retornados)

 Vives Emprende – Competencias para el Emprendimiento

 

Buenas tardes.

 En el marco del Programa Vives Emprende (Acción Contra el Hambre) hemos organizado el taller online “Ayudas para Emprender en Galicia” con Estela Vázquez (Implicatum) dirigido a personas que quieren emprender. Será el próximo martes 24 de septiembre de 12 a 14  horas y para participar las personas interesadas sólo se tienen que registrar en el formulario accediendo en el link del evento.

Haz clic aquí

  El Programa Vives Emprende – Competencias para el Emprendimiento es un programa gratuito impulsado por Acción Contra el Hambre que apuesta por el emprendimiento como forma de acceder al mercado laboral. Trabajamos con personas* que tienen una idea de negocio, ofreciendo asesoramiento personalizado y adaptándonos a sus necesidades e intereses, con la intención de promover la calidad en el empleo y fomentar el trabajo por cuenta propia y la creación de empresas.  Además, dentro del itinerario se incluye el Curso Online “Emprende – Innova”, un complemento formativo interactivo gratuito de emprendimiento de 22 horas de duración en el que se trabaja la definición de la idea de negocio, liderazgo y toma de decisiones, así como herramientas de gestión del tiempo.  

 

¡Gracias por tu colaboración en la difusión de este taller y del programa!

  

Nota*: El criterio de selección actual para participar en el proyecto es el recogido en el Artículo 3 de la Ley 10/2013 de la Ley de Inclusión Social de Galicia.

 

PROGRAMA EMEGA 2024

 Consellería de Política Social e Igualdade

ORDE do 13 de agosto de 2024 pola que se establecen as bases reguladoras das axudas do programa Emega para o fomento do emprendemento feminino en Galicia, cofinanciadas pola Unión Europea no marco do Programa FSE+ Galicia 2021-2027, e se procede á súa convocatoria para o ano 2024 (código de procedemento SI429A).

Obxecto

As axudas concédense en réxime de concorrencia competitiva e teñen por obxecto apoiar e fomentar o emprendemento feminino en Galicia e a creación de emprego, por conta propia e por conta allea, para mulleres.

O programa Emega comprende as seguintes liñas e axuda complementaria:

a) Liña Emprende: liña de axudas económicas mediante incentivos para promover a posta en marcha de novas iniciativas empresariais.

b) Liña Activa: liña de axudas económicas mediante incentivos para favorecer a reactivación, consolidación e mellora de empresas para paliar unha situación económica adversa e acadar o necesario equilibrio empresarial para asegurar a súa pervivencia e consolidación no actual contexto económico.

c) Liña ITEF: liña de axudas económicas mediante incentivos para impulsar a implantación de iniciativas empresariais de carácter innovador, con contido científico ou con base tecnolóxica.

d) Axuda complementaria Concilia: co obxecto de promover a conciliación da vida persoal, familiar e laboral, en dúas modalidades: Concilia-promotoras e Concilia-persoas traballadoras por conta allea.

Persoas beneficiarias

Poderán ser beneficiarias das axudas do programa Emega as empresas privadas formadas por mulleres que inicien a súa actividade económica ou formalicen os seus plans de reactivación e/ou mellora no período comprendido entre o 1 de agosto de 2023 e a data da fin do prazo de presentación de solicitudes, sempre que cumpran todas as condicións e requisitos comúns e os específicos da correspondente liña ou tipo de axuda previstos nas bases reguladoras.

Debe tratarse de empresas coa categoría de micro ou pequenas empresas, calquera que sexa a forma xurídica que adopten: empresarias individuais, sociedades civís, comunidades de bens, entidades sen personalidade xurídica ou sociedades mercantís, incluídas as sociedades laborais, as cooperativas de traballo asociado e as sociedades profesionais.

Persoas beneficiarias

Poderán ser beneficiarias das axudas do programa Emega as empresas privadas formadas por mulleres que inicien a súa actividade económica ou formalicen os seus plans de reactivación e/ou mellora no período comprendido entre o 1 de agosto de 2023 e a data da fin do prazo de presentación de solicitudes, sempre que cumpran todas as condicións e requisitos comúns e os específicos da correspondente liña ou tipo de axuda previstos nas bases reguladoras.

Debe tratarse de empresas coa categoría de micro ou pequenas empresas, calquera que sexa a forma xurídica que adopten: empresarias individuais, sociedades civís, comunidades de bens, entidades sen personalidade xurídica ou sociedades mercantís, incluídas as sociedades laborais, as cooperativas de traballo asociado e as sociedades profesionais.

Importe

A contía das axudas establécese en función da liña solicitada e do número de postos de traballo xerados ou mantidos para mulleres, por conta propia e por conta allea, de acordo co seguinte:

a) Liña Emprende: incentivos desde 10.000 € ata 22.000 €.

b) Liña Activa: incentivos desde 8.000 € ata 17.000 €.

c) Liña ITEF: incentivos desde 18.000 € ata 42.000 €.

d) Axuda complementaria concilia:

• Concilia-promotoras: incentivo de 3.000 €.

• Concilia-persoas traballadoras por conta allea: incentivos desde 1.000 € a 5.000 €.

Prazo de presentación de solicitudes

O prazo de presentación de solicitudes será dun mes contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día de prazo é inhábil, entenderase prorrogado ao primeiro día hábil seguinte, e se no mes do vencemento non hai día equivalente ao inicial do cómputo, entenderase que o prazo expira o último do mes.

ENCONTRO SOBRE O ACCESO Á VIVENDA NO RURAL

 

BOLSA INTERNACIONAL IGAPE

 

BOLSAS INTERNACIONAL IGAPE

Aberto o prazo de presentación de solicitudes ata o 22 de xullo

O Igape convoca 50 prazas para formación e prácticas en internacionalización empresarial

O programa busca formar especialistas no ámbito da internacionalización empresarial a través de formación práctica nas Oficinas Comerciais e Económicas, tanto no estranxeiro como en Galicia.

Os mozos e mozas realizarán labores de investigación de mercados, estudos de empresas e a súa planificación para internacionalización e investigación das posibilidades de cooperación internacional entre empresas galegas e estranxeiras:

• Duración: 1 ou 2 anos
• Destinos en 25 países
• Alta empregabilidade

A convocatoria vai dirixida a persoas menores de 35 anos, con titulación universitaria superior, e achegará formación práctica en internacionalización que se poderá levar a cabo no estranxeiro e ou en Galicia, en entidades e organismos oficiais relacionados coa internacionalización empresarial.

Os países en que os seleccionados completarán a súa formación no estranxeiro inclúen novos mercados internacionais, algúns deles de interese estratéxico para o tecido empresarial galego. Así, os bolseiros terán como posibles destinos, entre outros, Bogotá, Casablanca, Chicago, Dubai, Dusseldorf, Johannesburgo, Kuala Lumpur, Lima, México, Miami, Montevideo, Oslo, Ottawa, Roma, Seúl, Singapur, Tokio, Varsovia ou Yakarta.

 

Prazo aberto ata o 22 de xullo

Mais información

CREANDO COMUNIDADE SECTORIAL: APICULTORES

CREANDO COMUNIDADE SECTORIAL: APICULTORES

Se es un apicultor ou apicultora en activo na zona da Fonsagrada  e Ancares e estás interesado ou interesada en cooperar con outras persoas que se dedican ao mesmo, o Polo da Fonsagrada organiza esta sesión para facilitar este intercambio de propostas.

 

Con esta xornada búscase potenciar a colaboración en ámbitos como a creación de marca, márketing e comunicación, loxística, distribución e venda do mel. Tamén terá como obxectivo crear comunidade sectorial e deseñar un proxecto piloto de cooperación entre apicultores.

 

O programa será o seguinte:

10:00-10:15 h. Presentación da sesión de traballo

10:15-11:15 h. Presentación das persoas participantes

11:15-12:15 h. Vantaxes da cooperación e áreas de cooperación posibles

12:15-13:00 h. Deseño dun produto mínimo viable de cooperación sectorial

13:00h. Conclusión e compromisos

 

A xornada terá lugar o xoves 3 de xullo no Polo da Fonsagrada, na Avenida Galicia nº 28 (A Fonsagrada).

 

Anímate a vir e potenciar o teu negocio!