OFERTA DE EMPREGO

 

Limpiador/a (campaña de verano). ref slmpd Lugo, Lugo | ¡Únete a nuestro equipo como Limpiador/a y sé parte del éxito de Derichebourg en el sector multiservicios! Derichebourg, cuenta con 5 delegaciones distribuidas por toda España garantizando nuestros servicios de limpieza en todo el territorio nacional, manteniendo así un trato mucho más cercano con nuestros clientes. Somos el servicio profesional de limpieza y outsourcing lider en el mercado, especializado en centros empresariales, comerciales, educativos, hospitalarios y residencias, con más de de experiencia y más de 500 clientes; centrados en una filosofía basada en la Calidad, la Sostenibilidad y el respeto al Medioambiente. Estamos buscando Limpiador/a para la campaña de verano en Lugo. ¿Cuál será tu misión? • Ejecutar tareas de limpieza general, observando las normas de conducta y seguridad definidas por la organización. • Observar y cumplir las medidas de prevención en la ejecución de tareas. • Informar a su responsable de las incidencias del servicio o requerimientos del cliente que pueda conocer. • Mantener el orden y limpieza en sus herramientas de trabajo y materiales. ¿Qué te ofrecemos a cambio de tu compromiso y dedicación? • Incorporación inmediata a un equipo dinámico y comprometido, donde podrás trabajar en un ambiente colaborativo y motivador. • Diferentes zonas, jornadas (desde 10 a horas semanales) y horarios, que pueden adaptarse a tu disponibilidad. • Contrato temporal, para sustitución de vacaciones (de mediados de julio a finales de agosto), con posibilidad de continuidad en nuevos servicios que surjan en la zona. • Salario según convenio y contratación directa por parte de la empresa. • La oportunidad de crecimiento profesional en un entorno que valora y fomenta el desarrollo de sus empleados. • La posibilidad de formar parte de una empresa que se esfuerza por la excelencia en el sector multiservicios. Una vez que te inscribas en la oferta, recibirás un mensaje por WhatsApp con un enlace para realizar tu entrevista virtual de forma rápida y sencilla con DANI.¡Estate atento/a y prepárate para dar el siguiente paso en tu camino laboral con Derichebourg! En Derichebourg, buscamos construir un equipo diverso e inclusivo, valorando y respetando la diversidad y comprometidos con la igualdad de oportunidades en el acceso al empleo y desarrollo profesional.¡Te animamos a que te postules y seas parte de nuestro equipo! Requisitos mínimos: • Será muy valorable contar con experiencia como limpiador/a, en oficina o similar. • Motivación y predisposición al trabajo, además de seriedad, implicación y compromiso. https://insertia.net/ver-oferta/39b48f03-39aa-4df7-8598-b57517e56f8c

PROGRAMA FORMO TALENTO AGACA

 

AGACA, a través do proxecto POCTEP ES-FACTORY, convoca 2 prazas para a realización de estancias formativas en cooperativas, con unha formación teórica previa.

O Programa de Bolsas Xerenciais ofréceche a oportunidade de acoller gratuitamente na cooperativa a unha persoa con titulación universitaria para realizar unha formación práctica en cooperativas durante 6 meses, a razón de 25 horas semanais, de luns a venres, en modalidade presencial. Os custos laborais son soportados por AGACA quen realizará unha actividade formativa das persoas en prácticas previo a ser acollida na cooperativa.

Este programa está deseñado para dar resposta ás necesidades detectadas de perfís profesionais en postos de dirección e Xerencia das entidades de economía social, e se enmarca dentro das actuación a desenvolver no ámbito do Proxecto 0259_ES_Factory_1_E , cofinanciado polo Fondo Europeo de Desenvolvemento Rexional FEDER, no marco do Programa de Cooperación INTERREG VI-A España – Portugal (POCTEP) 2021-2027.

A finalidade do Programa é mellorar a xestión das cooperativas, abordando procesos de mellora das organizacións, á vez que se mellora a empregabilidade das persoas participantes e a súa capacitación mediante un proceso de iniciación profesional nas cooperativas beneficiarias. Neste senso, As persoas que participen neste programa poden axudarvos na cooperativa ao desenvolvemento de área emerxentes tanto a nivel de innovación, dixitalización da empresa, márkting, proxectos de economía verde, sostibilidade, etc.

A persoa bolseira e a cooperativa conta ademais co apoio da mentoría e titorización de AGACA, apoiando as súas necesidades e demandas para o mellor desenvolvemento do programa.

🔑Qué che ofrecemos?
✅ Estancia dunha persoa con titulación de Enxeñería Agrónoma, Veterinaria, ADE ou calquera outra relacionada coa xestión empresarial, e con interese no modelo cooperativo, na xestión empresarial e no desenvolvemento social.

✅ Mentoría e capacitación continua da persoa en formación.

✅ Apoio económico para a persoa en formación e seguro de RC.

 

A quen está dirixido? A persoas con titulación de Enxeñería Agrónoma, Veterinaria, ADE ou calquera outra relacionada coa xestión empresarial, e con interese no modelo cooperativo, na xestión empresarial e no desenvolvemento social.

 

 📆 Prazo de inscrición: ata o día 20 de agosto de 2025
✍️ Formulario de inscrición: https: //forms.gle/74Q9yoSrE7AnxEqC6

 

Para calquera consulta / aclaración, poñédevos en contacto con Loli Couso, tlf 609070135, loli@agaca.coop

DÍA DA ATENCIÓN TEMPERÁ

 

CURSO DE APLICADOR/MANIPULADOR DE PRODUTOS FITOSANITARIOS NIVEL BÁSICO

 

Informámoslles de que a Asociación Galega de Cooperativas Agroalimentarias - AGACA é entidade autorizada pola Consellería do Medio Rural para a impartición dos cursos de Aplicador/Manipulador de productos fitosanitarios, nivel básico, tanto en modalidade presencial como en modalidade teleformación.

 

Mediante estes cursos homologados accédese ao correspondente carné oficial emitido pola Consellería do Medio Rural unha vez superado o correspondente exame oficial.

O número total de horas lectivas é de 25, que habitualmente facemos nunha semana en presencial. 

 

Na modalidade teleformación, podemos dar un prazo maior para a realización do curso, e o alumnado pode realizar a formación a través da plataforma en calquera momento do día, que teña dispoñibilidade, o que permite unha maior facilidade para realizar o curso, especialmente, nesta época do ano na que os agricultores e gandeiros están en momentos de gran carga de traballo. 

 

En todo caso, puntualizar que na modalidade de teleformación, hai que facer obrigatoriamente 9 horas en presencial, repartidas en dous días. Pero é unha modalidade ideal para persoas mozas con acceso a internet. Por tanto, tamén na modalidade presencial os alumnos deben ser dun concello ou concellos limítrofes para que poidan acceder ás 9 horas de formación presencial.

Podemos adaptar datas e horarios, estudando cada caso.

Para calquera información adicional, poden contactar con Berta Pérez, 611020719, berta.agaca@gmail.com ou con Loli Couso, tlf 609070135, loli@agaca.coop 

 

Agardamos chamada dos interesados que reúnan condicións de acceso.

OBRADOIRO DE EMPRENDEMENTO: FACTURA ELECTRÓNICA E FICHAXE DE EMPREGADOS

 

Obradoiro de Facturación Dixital e Fichaxe de Empregados que terá lugar Becerreá .

Data e hora: luns, 16 de xuño ás 19:00 horas

Lugar: Casa do Bico, Becerreá

Obradoiro gratuito. Ao final do mesmo haberá uns pinchos para compartir.

Os/as usuarios/as interesados poden inscribirse enviándome un WhatsApp ao 660.065.673. ou a través 

https://polosemprendemento.gal/calendar/obradoiros-de-emprendemento-factura-electronica-e-fichaxe-de-empregados-d117c423-c04e-45eb-a161-b5e721b57cf1

AXUDAS PARA A REALIZACIÓN DE RODAXES AUDIOVISUAIS EN GALICIA 2025

 Axencia Galega das Industrias Culturais

RESOLUCIÓN do 2 de xuño de 2025 pola que se establecen as bases reguladoras para a concesión, en réxime de concorrencia non competitiva, das axudas para a realización de rodaxes audiovisuais en Galicia, cofinanciadas pola Unión Europea no marco do programa Galicia Feder 2021-2027, e se procede á súa convocatoria para o ano 2025 (código de procedemento CT207G).

Finalidade

A finalidade desta convocatoria é estimular e impulsar a execución de rodaxes audiovisuais en Galicia para, por un lado, fomentar a cadea de valor da industria do sector audiovisual galego co obxectivo de mellorar a súa competitividade, o crecemento sustentable, o mantemento do emprego de calidade das empresas e por outro, situar Galicia como escenario de rodaxes audiovisuais de nivel internacional.

Persoas beneficiarias

Poderán optar a estas subvencións todas as persoas físicas (traballadoras autónomas) ou xurídicas, constituídas como produtoras audiovisuais independentes, dadas de alta cunha antigüidade mínima, e sen interrupcións, dun ano na epígrafe IAE 961.1, e cun centro de traballo ou oficina permanente de polo menos un ano previo a esta convocatoria, na Comunidade Autónoma de Galicia ou nun Estado membro da UE, ou que forme parte do acordo que establece a Área Económica Europea. Cando a persoa xurídica sexa unha agrupación de interese económico (AIE), os requisitos citados deberán ser cumpridos polo menos por unha das empresas que a integran no momento da súa constitución.

Prazo de presentación de solicitudes

O prazo para a presentación das solicitudes iniciarase aos sete días naturais contados desde o seguinte ao da publicación da convocatoria no Diario Oficial de Galicia e finalizará o 1 de outubro de 2025.

PROGRAMA DE BENESTAR EN BALNEARIOS E DE AXUDAS PARA O ANO 2025

 Consellería de Política Social e Igualdade

ORDE do 6 de xuño de 2025 pola que se establecen as bases reguladoras da concesión de estadías en prazas de establecementos balnearios da Comunidade Autónoma de Galicia dentro do programa de Benestar en balnearios e de axudas para o ano 2025, e se procede á súa convocatoria (código de procedemento BS607A).

Obxecto

Esta orde ten por obxecto establecer as bases reguladoras para a concesión, en réxime de concorrencia competitiva, de estadías de dez días en establecementos balnearios da Comunidade Autónoma de Galicia no marco do programa Benestar en balnearios para o ano 2025 (código de procedemento BS607A), así como das correspondentes axudas en especie e proceder á súa convocatoria.

Persoas beneficiarias e requisitos

1. Poderán ser persoas beneficiarias do programa Benestar en balnearios para o ano 2025 aquelas que cumpran os seguintes requisitos:

a) Ter 60 anos ou máis, ou ter 55 anos ou máis e posuír a condición de pensionista do sistema da Seguridade Social, polos conceptos de xubilación, invalidez, viuvez ou outras pensións.

b) Estar empadroada e residir nalgún concello da Comunidade Autónoma de Galicia.

c) Valerse por si mesma para as actividades da vida diaria e atoparse en condicións de participar no programa.

d) Non padecer alteracións do comportamento que poidan afectar a convivencia normal nos establecementos, nin enfermidades transmisibles que supoñan risco de contaxio.

e) Non ter contraindicación médica para a recepción dos tratamentos termais.

f) Acadar, de conformidade co baremo establecido, a puntuación necesaria que lle permita acceder a algunha das prazas e quendas solicitadas.

g) Cumprir cos requisitos e obrigas establecidos nos artigos 10 e 11 da Lei 9/2007, do 13 de xuño, de subvencións de Galicia.

2. A persoa solicitante poderá participar na convocatoria da oferta de estadías e tratamentos do programa acompañada das seguintes persoas:

a) O seu cónxuxe, parella de feito ou persoa con que manteña unha unión estable e de convivencia cunha relación análoga á conxugal, sempre que esta cumpra os requisitos do número 1, agás o recollido na letra a).

b) Un fillo ou filla cun grao de discapacidade igual ou superior ao 33 %, sempre que poida acudir sen apoio de terceira persoa, se desprace con autonomía, comparta o cuarto coas persoas proxenitoras solicitantes e cumpra os demais requisitos do número 1, agás o da letra a).

c) Calquera outra persoa con que desexe participar no programa, sempre que cumpra integramente os requisitos establecidos no número 1.

3. As persoas solicitantes terán que cumprir os requisitos establecidos na data en que remate o prazo de presentación de solicitudes.

Prazo de presentación de solicitudes

O prazo de presentación de solicitudes será dun mes contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación.

Cando o último día do prazo sexa inhábil, entenderase prorrogado ao primeiro día hábil seguinte segundo o artigo 30.5 da Lei 39/2015, do 1 de outubro, do procedemento administrativo común das administracións públicas, e se no mes do vencemento non hai día equivalente ao inicial do cómputo, entenderase que o prazo remata o último día do mes.

A presentación da solicitude supón a aceptación das obrigas reguladas nesta orde para ser beneficiaria da axuda, así como a aceptación da axuda.