SUBVENCIÓNS ÁS ASOCIACIÓNS DE COMERCIANTES SUPERIOR AO MUNICIPAL OU FEDERACIÓNS PARA REVITALIZACIÓN DO COMERCIO DE PROXIMIDADE

CONSELLERÍA DE ECONOMÍA E INDUSTRIA

ORDE do 25 de febreiro de 2014 pola que se establecen as bases reguladoras para a concesión, en réxime de concorrencia competitiva, das subvencións ás asociacións de comerciantes sen fins de lucro de ámbito superior ao municipal ou federacións, para a revitalización do comercio de proximidade e incentivación da demanda comercial, e se procede á súa convocatoria (IN220A).

Convocatoria e bases reguladoras

1. Esta orde ten por obxecto aprobar as bases, que se inclúen como anexo I, polas que se rexerá a concesión das subvencións da Consellería de Economía e Industria destinadas ás asociacións de comerciantes sen ánimo de lucro, de ámbito superior ao municipal ou federacións, para levar a cabo actuacións para a revitalización do comercio de proximidade e incentivación da demanda comercial.

2. Así mesmo, por medio desta orde convócanse as devanditas subvencións para o ano 2014.

Prazo de solicitude: ata o 14 de abril de 2014.