PREMIOS DE GALICIA DE ACCIÓN VOLUNTARIA 2025

 Consellería de Cultura, Lingua e Xuventude

ORDE do 25 de marzo de 2025 pola que se regula o procedemento de concesión dos Premios Galicia de Acción Voluntaria 2025 e se procede á súa convocatoria para o ano 2025 (código de procedemento BS508D).

Obxecto

Establecer a regulación do procedemento de concesión dos Premios Galicia de Acción Voluntaria coa finalidade de recoñecer publicamente o labor daquelas persoas físicas e xurídicas que, de xeito cotián, desenvolvan programas, accións ou proxectos de voluntariado na Comunidade Autónoma de Galicia, así como realizar a súa convocatoria para o ano 2025.

Modalidades e persoas destinatarias

Os Premios Galicia de Acción Voluntaria terán as seguintes modalidades:

a) Premio persoa voluntaria do ano na modalidade individual, para as persoas físicas.

b) Premio entidade de acción voluntaria do ano na modalidade colectiva, para as entidades de acción voluntaria inscritas no Rexistro de Acción Voluntaria de Galicia.

c) Premio mellor proxecto de acción voluntaria, que corresponderá a aqueles proxectos elaborados por entidades de acción voluntaria inscritas no Rexistro de Acción Voluntaria de Galicia, vinculados a áreas de especial interese e que supoñan unha innovación social para a nosa comunidade autónoma.

Premios

Outorgarase un premio en cada unha das modalidades establecidas cuxa dotación económica será de 4.000 euros por modalidade.

Outros datos

O prazo de presentación de solicitudes será dun mes, que se contará a partir do día seguinte ao da publicación da orde de convocatoria no Diario Oficial de Galicia.

SUBVENCIÓNS A INSTITUCIÓNS SEN FINS DE LUCRO DESTINADAS AO FINANCIAMENTO DE GASTOS CORRENTES DERIVADOS DA REALIZACIÓN DE FESTIVAIS, FEIRAS, MOSTRAS, CICLOS E CERTAMES DE ARTES ESCÉNICAS E MUSICAIS DE CARÁCTER AFECCIONADO 2025

 Consellería de Cultura, Lingua e Xuventude

ORDE do 25 de marzo de 2025 pola que se establecen as bases reguladoras para a concesión, en réxime de concorrencia competitiva, de subvencións a institucións sen fin de lucro destinadas ao financiamento de gastos correntes derivados da realización de festivais, feiras, mostras, ciclos e certames de artes escénicas e musicais de carácter afeccionado, e se convocan para o ano 2025 (código de procedemento CT215A).

Obxecto e finalidade

Esta orde ten como obxecto o establecemento das bases reguladoras e a convocatoria, en réxime de concorrencia competitiva, das subvencións destinadas a financiar os gastos correntes derivados da realización de festivais, feiras, mostras, ciclos e certames de artes escénicas e musicais de carácter afeccionado para o ano 2025, de acordo co establecido nesta orde.

Estas axudas contribúen á promoción e cooperación cultural, á difusión e animación sociocultural e, en definitiva, á promoción da cultura en Galicia, por considerar que as artes escénicas e musicais son elementos claves da creatividade artística e da dinamización cultural da nosa comunidade autónoma.

Entidades beneficiarias

Poderán ser beneficiarias das subvencións previstas nesta convocatoria as institucións sen ánimo de lucro, sen prexuízo do cumprimento da totalidade da normativa aplicable.

Non poderán ser beneficiarias das axudas as seguintes institucións sen fin de lucro:

– Entidades ou asociacións que pertenzan ao ámbito educativo.

– Asociacións ou federacións de veciños, e da terceira idade.

As fundacións que se acollan a esta convocatoria non poderán percibir subvencións nin axudas públicas se non cumpren coa obriga de presentar as contas ao protectorado, segundo o establecido no artigo 38.3 da Lei 12/2006, do 1 de decembro, de fundacións de interese galego.

Prazo de presentación de solicitudes

As entidades solicitantes relacionadas no artigo 3 da orde de convocatoria que desexen acollerse a estas axudas deberán presentar a correspondente solicitude no prazo dun mes, contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo for inhábil, entenderase prorrogado ao primeiro día hábil seguinte e se no mes de vencemento non houber día equivalente ao inicial do cómputo, entenderase que o prazo expira o último día do mes. En todo caso, sempre estarán excluídos do cómputo os sábados, domingos e os declarados festivos.

XORNADA SOBRE OPORTUNIDADE DE NEGOCIO DE PRODUCIÓN DE AGUACATE

 

A busca de alternativas produtivas agrogandeiras en Galicia e a súa posible cooperativización  é unha inquedanza constante que o Consello Reitor da Unión de Cooperativas AGACA desexa ofrecer ás persoas que conforman as nosas cooperativas agroalimentarias. É necesario facilitar alternativas produtivas que xeren ingresos para terras en proceso de abandono do noso medio rural, ou mesmo que sexan actividades agrarias ou gandeiras complementarias ás tradicionais actividades desenvoltas polas persoas socias das cooperativas.

 

Por tanto, no marco das axudas da Rede Eusumo e en colaboración con cooperativas, convocamos a Xornada sobre Oportunidade de Negocio de PRODUCIÓN DE AGUACATE, que se desenvolverá o día 10 de abril de 2025 en modo ONLINE. Esta Xornada é para tratar de informar, posibilitar, avaliar, asesorar e orientar ás persoas con producións de AGUACATE e/ou inquedanzas neste cultivo e obter ingresos económicos do agro, buscar unha saída económica e/ou laboral no medio rural, ou mesmo para complementar ingresos e actividades que xa están a desenvolver no mesmo ocupando terras e mesmo temporadas de baixa actividade. Na Xornada interveñen persoas expertas neste ámbito, e mesmo persoas e cooperativas que nos contarán a súa experiencia na produción de Aguacate de Calidade. Achegamos programa previsto.

 

Para poder asistir e participar na Xornada PRODUCIÓN DE AGUACATE é preciso inscribirse previamente no enlace seguinte:  https://agaca.coop/gl/aguacate-2025/  Procedan a inscribirse para recibir o enlace á videoconferencia e poder participar. Pregamos non se esquezan de inscribirse.

 

XORNADA FORMATIVA SOBRE OPORTUNIDADES DE NEGOCIO: PRODUCIÓN E COMERCIALIZACIÓN DAS FABAS DE CALIDADE

 

A busca de alternativas produtivas agrogandeiras en Galicia e a súa posible cooperativización  é unha inquedanza constante que o Consello Reitor da Unión de Cooperativas AGACA desexa ofrecer ás persoas que conforman as nosas cooperativas agroalimentarias. É necesario facilitar alternativas produtivas que xeren ingresos para terras en proceso de abandono do noso medio rural, ou mesmo que sexan actividades agrarias ou gandeiras complementarias ás tradicionais actividades desenvoltas polas persoas socias das cooperativas.

 

Por tanto, no marco das axudas da Rede Eusumo e en colaboración con cooperativas, convocamos a Xornada sobre Oportunidade de Negocio de PRODUCIÓN DE FABAS, que se desenvolverá o día 4 de abril de 2025 en modo ONLINE ou presencial no C.F.E.A. PEDRO MURIAS, sito en Lugar A Granxa, 1; Vilaframil (Ribadeo - Lugo). Esta Xornada é para tratar de informar, posibilitar, avaliar, asesorar e orientar ás persoas con producións de FABA e/ou inquedanzas neste cultivo e obter ingresos económicos do agro, e buscar unha saída económica e/ou laboral no medio rural, ou mesmo para complementar ingresos e actividades que xa están a desenvolver no mesmo ocupando terras e mesmo temporadas de baixa actividade. Na Xornada interveñen persoas expertas neste ámbito, e mesmo persoas e cooperativas que nos contarán a súa experiencia na produción de Fabas de Calidade. Achegamos programa previsto.

 

Para poder asistir e participar na Xornada PRODUCIÓN DE FABA DE CALIDADE é preciso inscribirse previamente nun dos dous enlaces seguintes:

• Para os que asisten ONLINE, para aceder á conexión deben inscribirse aquí: https://agaca.coop/gl/faba/ Procedan a inscribirse para recibir o enlace á videoconferencia e poder participar. Pregamos non se esquezan de inscribirse.
• Para os que asisten presencialmente á Xornada no C.F.E.A. PEDRO MURIAS, sito en Lugar A Granxa, 1; Vilaframil (Ribadeo - Lugo), deben avisar antes do 2 de abril ao correo agaca@agaca.coop Pregamos non se esquezan de avisar ao correo indicado.

XORNADA MEDIOAMBIENTE E COOPERATIVAS

A Unión de Cooperativas AGACA convoca a XORNADA MEDIO AMBIENTE E COOPERATIVAS a celebrar ONLINE o día 2 de abril (mércores). As cooperativas non podemos estar alleas a un evento como é o cambio climático. Por iso, o Consello Reitor de AGACA impulsa esta Xornada coa finalidade de abordar aspectos claves para a estratexia competitiva da produción agrícola e gandeira e os efectos na transformación agroindustrial. Con esta XORNADA pretendemos dar resposta a algunhas cuestións como:

•                    Coñecer e aclarar as dúbidas relacionadas coa aplicación do RD 1055/22 de envases e residuos de envases en vigor, da man dunha persoa que coñece a norma en profundidade e mantén contactos diarios cos funcionarios que a puxeron en marcha, e que tamén coñece a tendencia da normativa da UE nesta materia.

•                    Como podemos acceder ao financiamento para abordar os investimentos da cooperativa para cumprir coa normativa.

•                    Coñecer os obxectivos, organización, recursos, e apoios que as cooperativas e empresas poden recibir da Alianza Galega polo Clima, e que afectan ao sector primario e agroindustrial.

•                    Coñecer as últimas investigacións relacionadas cos efectos do cambio climático na gandería e na agricultura galega, polo que recibiremos consellos para adaptarnos aos cambios.

•                    Coñecer de primeira man as orientacións e posibles colaboracións que dende SIGFITO poden ofrecer aos agricultores, gandeiros e ás cooperativas agroalimentarias de Galicia, en base á nova normativa de envases e resíduos de envases.

•                    Coñecer os apoios públicos e as iniciativas empresariais públicas de economía circular e de sostibilidade de interese do sector primario e agroalimentario.

•                    Coñecer o proxecto de Centro de Agrocompostaxe da comarca do Salnés, unha acción ambiental impulsada pola cooperativa Martín Codax.

 

A mellora da competitividade da cadea de valor do sector agroalimentario pasa por ter unha visión global do cambio climático e as estratexias que se deseñan para abordalo con éxito. Para desenvolver esta Xornada, AGACA conta co apoio da Rede Eusumo. Dende AGACA promovemos accións de asesoramento de tipo estratéxico que pretende impulsar e consolidar ás cooperativas socias. Achegamos o programa previsto.

 

Todas as persoas que desexan assistir, pregamos inscríbanse no seguinte enlace antes do 1 de abril: https://us06web.zoom.us/meeting/register/uotoEC8kR32Sj2_b8AVagQ#/registration

 

É imprescindible inscribirse para recibir posteriormente o enlace á XORNADA, xa que se trata dunha XORNADA ONLINE.

 

Agardamos que sexa do seu interese informarse e orientarse nestas áreas de cambio climático e cooperativas.

 

II EDICIÓN IMPULSA TU FUTURO

 Este evento es una oportunidad única para personas en búsqueda de empleo, prácticas o becas, así como para quienes desean emprender. Nuestro objetivo es impulsar el ODS 8, fomentando el empleo digno y el crecimiento económico en nuestro entorno.

• Fecha: 27 de marzo

• Lugar: Centro UNED A Coruña

A lo largo de la mañana, los/las asistentes podrán participar en diferentes actividades, presenciales, online y en diferido:

• Stands informativos en el hall del centro

• Jornadas “Impulsa tu futuro”

• Actividades y dinámicas a lo largo de toda la mañana: Talleres LEGO, Explora Europa, El talento nos une, Match de oportunidades, etc..

Todas las personas interesadas/os, pueden acceder a la información completa del evento y cursar sus inscripciones a través del siguiente enlace: Enlace al evento

XORNADA FORMATIVA SOBRE OPORTUNIDADES DE NEGOCIO: PRODUCIÓN DE CASTAÑA

 

A busca de alternativas produtivas agrogandeiras en Galicia e a súa posible cooperativización  é unha inquedanza constante que o Consello Reitor da Unión de Cooperativas AGACA desexa ofrecer ás persoas que conforman as nosas cooperativas agroalimentarias. É necesario facilitar alternativas produtivas que xeren ingresos para terras en proceso de abandono do noso medio rural, ou mesmo que sexan actividades agrarias ou gandeiras complementarias ás tradicionais actividades desenvoltas polas persoas socias das cooperativas.

 

Por tanto, no marco das axudas da Rede Eusumo e en colaboración con cooperativas, convocamos a Xornada sobre Oportunidade de Negocio de PRODUCIÓN DE CASTAÑA, que se desenvolverá o día 25 de marzo de 2025 en modo ON LINE. Esta Xornada é para tratar de informar, posibilitar, avaliar, asesorar e orientar ás persoas con producións de castaña e/ou inquedanzas neste cultivo e obter ingresos económicos do agro, e buscar unha saída económica e/ou laboral no medio rural, ou mesmo para complementar ingresos e actividades que xa están a desenvolver no mesmo ocupando terras e mesmo temporadas de baixa actividade. Na Xornada interveñen persoas expertas neste ámbito, e mesmo persoas e cooperativas que nos contarán a súa experiencia na produción de Castaña. Achegamos programa previsto.

 

Para poder asistir e participar na Xornada PRODUCIÓN DE CASTAÑA é preciso inscribirse previamente no seguinte enlace https://agaca.coop/abre-la-inscripcion-a-la-jornada-sobre-produccion-de-castana-del-25-de-marzo/

 

Procedan a inscribirse para recibir o enlace á videoconferencia e poder participar.