CORRECCIÓN DE ERROS.-PROGRAMA RETORNA CUALIFICA EMPREGO 2026-27

 Consellería de Emprego, Comercio e Emigración

CORRECCIÓN DE ERROS. Orde do 24 de abril de 2026 pola que se establecen as bases reguladoras das subvencións destinadas á realización do programa Retorna Cualifica Emprego e se procede á súa convocatoria para as anualidades 2026 e 2027 (código de procedemento TR380A).

Advertido erro na devandita orde, publicada no Diario Oficial de Galicia número 79, do mércores 29 de abril de 2026, cómpre facer a seguinte corrección:

Na páxina 25863, o punto 1 do artigo 13. Prazo de presentación de solicitudes, deberá quedar redactado do seguinte xeito:

1. O prazo de presentación de solicitudes iniciarase ás 9.00 horas do oitavo día hábil seguinte ao da publicación desta orde no Diario Oficial de Galicia e estenderase ata o 30 de xuño de 2026, ás 20.00 horas, sen que en ningún caso poida ser inferior a un mes ou ata que se produza o esgotamento do crédito asignado a esta convocatoria. As solicitudes presentadas antes das 9.00 horas do oitavo día hábil seguinte ao da súa publicación non serán admitidas.