EXCMA. DEPUTACIÓN PROVINCIAL DE LUGO
ÁREA DE DESEÑO E ARTESANÍA
OBXECTO DA CONVOCATORIA
As presentes bases teñen como obxecto regular as normas e condicións de participación dos artesáns na XVIII edición da feira “ARTESANFROILÁN 2014”, entre os asistentes á citada feira organizada pola Área de Deseño e Artesanía da Deputación de Lugo.
PARTICIPANTES
Dende a Área de Deseño e Artesanía da Deputación de Lugo, invitarase a todos os artesáns* da provincia a participar nesta nova edición, para o cal todos os interesados deberán presentar a documentación esixida na cláusula quinta.
*Enténdese por artesán calquera actividade recollida no Anexo IV do Decreto 218/2007, de 7 de setembro
polo que se refunde a normativa vixente en materia de artesanía.
Do número total de stands dispoñibles reservarase unha porcentaxe do 80% para os artesáns da provincia e o 20% restante poñerase á disposición doutros artesáns que cumpran as condicións requiridas e que presenten a solicitude de participación no prazo fixado para tal fin.
No caso de que esta porcentaxe do 20% dos espazos dispoñibles non se cubra con artesáns de fóra da provincia,estas vacantes quedarán á disposición dos artesáns da provincia de Lugo que cumpran os requisitos sinalados nestas bases e que, ao igual có resto das solicitudes, supere a fase de selección á que deberán someterse todos os interesados.
PRAZO DE SOLICITUDE: ata o 2 de setembro de 2014.
