Obxecto: convocatoria de axudas para o fomento da utilización de maquinaria e equipamentos agrarios en réxime asociativo en Galicia. Serán actividades subvencionables:
a) Compra de maquinaria agrícola.
b) Adquisición, construción ou mellora de equipamentos, recollidos no Plan de Innovación Tecnolóxica, incluídos os gastos xerais vinculados ao proxecto en honorarios profesionais para a elaboración de estudos, redacción de proxectos, etc.
Beneficiarios:- As cooperativas agrarias que teñen como obxecto social prioritario a adquisición e a utilización de maquinaria de carácter agropecuario ou agroforestal en común, as sociedades agrarias de transformación que teñan como obxecto social prioritario a utilización de maquinaria de carácter agropecuario ou agroforestal en común, e as cooperativas agrarias con sección específica de maquinaria agrícola segundo o artigo 9º da Lei 5/1998, de cooperativas de Galicia, así como outras agrupacións con personalidade xurídica propia, e soamente para investimentos directamente relacionados coa súa actividade, nomeadamente as comunidades de regantes, asociacións de viticultores en terreos con pendente superior ao 15%, e asociacións de faba e de castaña.
- O resto de cooperativas agrarias que adquiran maquinaria e equipamentos de carácter agropecuario ou agroforestal para prestar servizos aos seus socios.
- As cooperativas de explotación comunitaria da terra e as SAT, procedentes da fusión de, polo menos, dúas explotacións, nos cinco anos posteriores á súa constitución.
Prazo de presentación de solicitudes: ata o 16/03/2011
